Ch.4 Anna 
又返黎Escuela del Sur,小組教學之下,班房既座位遠多於學生既人數,所以座位都係隨心坐,有quiz就單人位,齋聽就圍威喂。至於分佈既形勢總係6女(Gossip):3女(讀書):1女(夢遊):5男(包括我)。第一日既第一個break,Anna就主動過黎搵我傾計,問下我點解會黎咁遠交流。唔使估啦!好明顯,Anna就係讀書會既核心成員(雖然得3核)。Anna有啲似女版既出木杉(非gay)讀書好勁,英文好勁,幾靚,白皙,金髮,唔肥。有睇波既巴打都知阿根廷係白人多,但Blonde真係好少,而Anna就因為佢成個北歐妹既外型吸引死人。 

Anna  


話時話,係Anna同英文Missy幫助之下,用左2日終於背哂14個同學既名(水蛇春咁長既姓同middle name 就由9佢啦)。正好似岩先有巴打問到咁早放學,下晝有咩搞?頭幾日,有一個有陽光既下午兩點,食完lunch,全個host family 都各自返房睇電視,我揸住張地圖去town centre 見識下有咩玩法。我見到街牌寫住Tucuman (阿根廷用其他省同城市名黎做街名, 而Tucuman係北部既檸檬重鎮, 係General Roca就係town centre商業街),明明無去錯地方,但我見到既係: 


嚇撚死我,以為咩世界末日。我真心跑左返屋企,然後聽到如常既電視聲,無特別,咁就問Felipe。 




“Felipe 做乜撚野出面無人架,日頭黎架” 

Felipe 2秒之間個表情由好迷惘變到大笑,我已經估到 "唉屌,又中伏”。無人既原因係因為suppose 下晝2點係真係無人架,上至政府小部門,下至萬寧類藥房營業時間都係 9am-1pm, 5pm-8或9pm。中間4個鐘除左食飯用黎做咩?教大家一個詞語 Siesta,即係瞓晏覺。除左瞓覺,可以玩狗或者被狗玩,係花園踢波,對住個牆打1人網球,飲mate (阿根廷瑪黛茶)或啤酒,睇書,畫畫,睇Fernanda畫畫,寫日記,去朋友屋企睇下戲食下蛋糕。 


晏覺之後既房間 
 

Fernanda指導既練習 
 





偽文青mode: 花園寫生藝術照 

 
第一個星期Anna就邀請左我去佢屋企睇套戲,真係睇戲。當啲鋪頭開返門既時候佢就帶我去返Tucuman Street,介紹啲藥房,運動鋪,同幾間標左價又明碼實價既店鋪,以備必時之需。值得一提,真係唔好睇少獅子銀行,係呢個9萬人都無既阿根廷小鎮,呢間來自敵對國家既銀行都竟然有一間分行,而且有睇得明既英文。

敵對國家:請查看Falklands war。 

可惜既係經過差唔多2個星期既學校生活之後,因為我實在太依賴英文流利既Anna幫我翻譯,有一日佢無返,我就GG了。係乜都唔明既情況下,我就坐左係最後默默咁寫日記,寫到無野好寫、畫到無野好畫就訓,只希望呢個早上快啲過去,有Anna既school day快啲返黎。不過時間都總係玩9人,訓極都仲未放學之際,有人靚仔佢拍拍我膊頭佢話阿Sir叫我唔好再訓啦,佢坐左黎我隔離話問我係咪有咩唔舒服: 
“I don’t even understand a sentence of spanish, how can I manage a secondary course?” 燥底咁答佢 




“maybe you should start from getting a dictionary and ask, I can help you” 
呢個靚仔就係Octavio,係阿根廷第一個guy friend。 

Octavio


係果日開始,我就感受返學西文既迫切性,第一步我就迫左Felipe幫我係全屋既傢俬痴哂name tag,然後我唔識既時候就問兩個操純正西文既cleaning ladies,當然仲有唔是幾可靠但又好有用既google translate。第一個月既一句 “donde son mis patalones?” (Where are my pants?) 用左我15分鐘既身體語言去演譯。而Fernanda為我帶黎既好消息係,住係隔離街既Host Grandma,即係佢阿媽,可以教我西文!1星期5日,每日1個半鐘既 regular class就咁開始左。

一個月後既成績:


已有 0 人追稿