不能愛上的星級女神（番外季）之 海王博弈: 好朋友

「我飲。」我把剩餘的酒喝光。「咁你要講一個truth！」他笑說。我深呼吸一口：「點啊？你想知啲咩？」
「當然係你同若嵐啦！你對佢同對其他人咁大分別，你到底同若嵐發生過啲咩啊？」我斟滿－杯酒，望向若嵐。
「其實…」我欲言又止，若嵐輕輕拉開我的酒杯，代我回答：「好喇，我代佢講。其實我岩岩出道果陣，同關語芯傾過一段短時間。果陣…」我把話接過來：「嗰陣我啱啱報咗仇…」又苦笑：「但係就算報咗仇，個人都冇開心返，直至識咗若嵐。」
「咁你哋…」Candice好奇問。
「其實我哋都係見咗兩三個禮拜。我feel到Hilary好似有啲猶豫，之後就不了了知。」若嵐苦笑。當然，不完全正確。但我和她的關係確實不是三言兩語能夠說清。
「所以，其實關語芯唔係對你冇興趣，只係佢受咗重傷。我有冇講錯？」我默默地喝著酒，若嵐低下頭沒說什麼，也默默呷了幾口酒。

「咁而家呢？」Candice問我：「你仲係唔敢同人認真啊？」
我輕輕問若嵐：「其實…你大把選擇…」我欲把自己的酒從若嵐那邊拿回來，若嵐一手按在我手上，我們對望之間帶點火花。
「你睇我好好係咪？但其實我都係想有個女朋友可以喺身邊，錫我、對我好。」若嵐回應。我說：「Janet無論乜嘢條件，都應該係你杯茶。」




「係呀，佢好好。但係佢嘅工作始終喺台灣，而我喺香港，我唔係唔想同佢發展，但係遠距離真係唔容易。」我們再次曖昧對望。
Candice把若嵐拉過去交換位置，我卻想躲開。但瑾瑜把我推近若嵐，讓我們坐近對方。若嵐主動拿起我的酒杯喝下去，唇印深深印了在杯沿。她狠狠望向我，我望著唇印有點猶豫，但還是對準唇印便喝下去。

「關語芯，你以後仲敢周圍獵食嘅話，仲有個Janet唔會放過你！」向瑾瑜這句我並沒有反駁，默默地喝著酒。
「你比d時間佢啦～」若嵐仿佛也有點沉思，偷偷望向我。若嵐轉移話題對瑾瑜說：「你氹返Candice未呀？」又望向Candice：「拿朱浩婷，以後我同你之間嘅見面，我會盡量同埋瑾瑜講。比足信任你男朋友，我做好自己果part架啦！差你炸！」「得啦！我同瑾瑜返香港會再傾下。」
「不過我建議你地要處理下章樂言。」Candice 在這些愛與不愛之間的決定，還是－貫地愛恨分明，補充說：「我唔知佢同你地咩關係，但我睇到佢呢段時間望住瑾瑜同Hilary個感覺都好複雜、好唔一般。向瑾瑜，人係你帶過嚟嘅，你都要同人地傾下。」「嗯我知道啦。」他點頭。
若嵐望向我，我看得出她是想知我會否說什麼。於是我便對Candice坦白：「其實章樂言系我個ex。」Candice奸笑，烘近我：「估你唔到喎關語芯！睇嚟佢都hurt得你好深。」不過之後Candice也認真地補充一句：「不過Hilary，多謝你信我。」我聽到這句，總有一種安心的感覺，不禁會心微笑：「你同向瑾瑜果然好似。」Candice耳朵也紅了。若嵐再靠近我，溫柔地望向她：「你以後有我哋喺身邊，我哋以後都係你好朋友。你趕我，我都唔會走架。」我有點驚訝她居然會這樣說，溫柔地為她撥開擋住她眼睛的瀏海，有點窩心。

喝著喝著我醉倒了，感覺若嵐一直在我身邊看着我。半夜口渴醒來，看着熟睡的若嵐與我貼得很近，我禁不住親了上去。親了一會，她睡眼惺忪地看我：「做咩啊…」我鼻尖碰着她鼻尖，再次吻下去，邊吻邊從她腰間摸上胸上。她引導我把罩扣脫掉，吻著，又把我手移到她小花園處……





原本我以為重遇章樂言對我沒什麼大不了，就是第一次會有點不適。而且上次我們六人一齊，光是應付若嵐和瑾瑜的事我已經忙不過來思考。但溜冰時章樂言摔在我身上的吻，瞬間勾起了我所有不快的回憶，還有那些痛苦的身體反應。我捂住絞痛的胸膛坐回休息地方。

「點啊你？係咪整親？」瑾瑜一直追著問候我。我搖搖頭，強忍不適撫著胸口。「仲話冇？」這個向瑾瑜真是很多管閑事，但他對身邊的人真的很好。
休息了一會，我才能開口：「向瑾瑜我冇事啊，少少痛咋。你去玩住先，我想自己坐多陣。」他說：「睇得出你煩緊女人啊～你同萬若嵐都咁啦，點解仲咁愁啊你？」
我睨了他一眼，冷冷地回答：「你真係好八卦啊向瑾瑜！」「關心你咋！乜我唔係你朋友咩？」他反問。我望了他一眼，偷偷笑了笑：「得啦～有心。」不知是否因為有他在，我的胸痛舒緩了。又或者真的如我和他在拍的劇情一樣，他這種推不走的人又對我無所求的「救世主」，真的可以改變我。只是我還是低估了我的身體反應。

晚上我們去了酒吧，未去之前我已經喝了不少自己隨身攜帶的威士忌，已經甚有醉意。