一覺瞓醒，你竟然同我講香港有喪屍2-雙龍: Zombie 36：第一次執行大屠殺.

第二天一早，大批喪屍已經在大型貨櫃車上待著。而寒天龍剛用餐完畢，正準備出發時，被何耀邦叫住了。
 
「唔係信唔過我吖嘛，帶埋條女出去？我係冇所謂，萬一佢受傷都係你嘅事！搞掂灣仔順便去同我阿哥講，叫佢過去嗰邊，地方始終大啲。」
 
何耀邦這番話不知是出於對何守信的關心？還是只是好讓他方便監視，不管怎樣都好，旁人都無法得知他內心最真實的想法。
 
「仲有，尋晚我已經叫人通知咗俾政府知。一陣你去教精佢班垃圾，匿埋係冇用㗎，順便俾啲時間佢哋準備吓。等佢哋知道我哋新人類，就算用大炮對住都冇用，哈哈——」
 
寒天龍只應了一個「好」便出門跟Amy等人會合。
 




「龍哥，你放心，我一定會保護好阿佩。」西瓜站在貨櫃門旁邊檢查著裡面的喪屍。
 
羅悅佩握緊拳頭，嘗試把內心的恐慌壓制下來「三架貨車咁多？」
 
「兩架普通嘢，另一架妳都睇到啦。」蛋治輕描淡寫地說。
 
阿唐走到寒天龍面前擔心道「呢架全部都係勁嘢，我都驚一陣唔小心震醒佢哋，到時架車唔知會唔會反添㗎……」
 
西瓜、阿輝、阿唐和蛋治都是沒什麼特別能力的新人類，個性比較像個「正常人」，他們都只是想生存才為何耀邦賣命。
 




看著眼前兩輛大貨櫃車，加上一輛裝著好幾個巨型鐵籠的大貨車，寒天龍即使有千萬個不願意，也無法逃避這個殘酷的事實。
 
所有的喪屍靠著柯林提供的鎮定劑，暫時處於一個睡眠狀態，但鎮定劑對於喪屍並沒有太大的作用，只能維持一段短時間而已。
 
「龍哥，Amy姐，阿佩，我哋係時候要出發㗎喇，真係唔可以再拖喇。」蛋治催促道。
 
Amy聽後，拉著羅悅佩的手，跑到西瓜的車前「阿哥，我同佩佩，同埋西瓜一架車，你同阿唐一架啦，佢嗰架咁多勁嘢，有你喺度佢會定啲。」
 
分配好車隊後，大家便出發前往屠殺地點。寒天龍此時希望那些普通人可以聰明一點，逃離這個已經沒有用的「安全地點」。
 




另一邊，Amy一直安撫著羅悅佩，不段跟她聊起以前的生活往事來分散她的注意力。
 
「佩佩，妳同阿哥點識㗎？一個打拳，一個係普通文員，點諗都唔會識到㗎。」
 
被問到害羞臉紅的羅悅佩頓時低下頭「係……喺小學識㗎，不過嗰時完全冇交集。係有一日佢突然走過嚟，然後……」
 
「然後咩呀？」Amy興奮地追問。
 
「然後第一句就問我可唔可以做佢女朋友，佢傻㗎！小學一年班就問人可唔可以做佢女朋友！」羅悅佩激動地說。
 
開著車的西瓜聽後也忍不住插話「原來龍哥咁細個就識追女仔，哈哈——」
 
Amy笑著罵「你專心啲揸車啦！我哋女仔傾梗心事呀！跟住呢？」
 
「跟住……跟住咪做咗佢女朋友囉！」羅悅佩已經害羞到想快速帶過這個話題。




 
「唓！妳咁易受溝㗎，一啲女仔嘅矜持都冇！」
 
「細個邊度識諗咁多喎！不過呢，佢細個好得意㗎。」羅悅佩邊說邊在錢包裡抽出一張過了膠的兒時合照。
 
兩個女生就這樣一唱一和直到來到目的地，而羅悅佩也被這種快樂的氣氛舒緩了緊張的心情。
 
「到喇！你倆個就唔好出嚟！你個西瓜要保護好佩佩，一條頭髮都唔准少呀！」Amy擱下這句便獨自下車。
 
警署外圍數十里已經設置了很多路障，警務人員亦手持槍械戒備著。
 
「前面嘅人聽住，呢度係禁區，唔好再行前一步，否則我哋會無預警開槍！」一個看似高級官員的人拿著擴音器大聲警告著。
 
寒天龍、阿輝、阿唐和蛋治也已經來到Amy的身旁。他們只是安靜地站著，望著眼前這個手持擴音器的人。
 




「前面嘅人聽住，呢度係禁區，唔好再行前一步，否則我哋會無預警開槍！」高級官員又再重複一次，彷彿像個人型錄音機一樣。
 
此時，Amy望了寒天龍一眼，然後向阿唐打了個眼色。
 
阿唐走前一步大叫「而家俾兩條路你哋！一，就係你哋投降；二，死！」
 
「你哋而家係挑戰梗警方嘅權力，而家要求你哋投降，接受法律嘅制裁！」
 
眼見對方不但不珍惜眼前唯一的機會，還反過來威脅自己，阿唐不禁嘆了一口氣「龍哥，點呀？對面唔肯投降。」
 
「你哋去準備先，我行過去同佢講。」
 
寒天龍高舉雙手，慢慢走過去那名高官的不遠處。途中對方不斷大叫呼籲，寒天龍示意自己只想談判，無奈對方卻沒有這意願，更拿出手槍指向他。高官身旁的警員因為慌張而向寒天龍射了一槍，但子彈被他身上纏繞的電弧擋了下來。
 
「我只係想傾吓，如果你哋投降，起碼唔洗死，至少唔係死喺呢度……」




 
「點都係要死，我點解要投降？」高官反駁。
 
「如果邦哥放過你哋，咁至少仲有一線生機，放棄呢個地點唔係一個好難嘅決定。」
 
「我哋已經通知咗軍隊，好快就會嚟到，我勸你嗰個咩邦哥同你哋盡快投降好啲！」
 
高官顫抖的嘴唇明顯反映到他內心非常恐懼，可能基於職位與面子的關係才一直反覆跟寒天龍對峙。
 
「你哋都係打份工啫，有乜緊要得過條命？」寒天龍勸說。
 
另一邊待命的Amy等人，已經開始感到不耐煩，拍打起貨櫃和鐵籠以喚醒睡著的喪屍。被驚醒的喪屍開始煩躁起來，低沉的吼叫聲震耳欲聾，響徹雲霄。
 
「冇錯！警察係一份工！係一份保護市民，保護香港嘅工！在場除咗我哋警方，仲有新聞記者，同一啲普通市民，我希望你可以考慮一吓呢個處境嚟投降。」高官被喪屍的吼叫嚇得舉著槍的手不停抖動，言詞間更透露在場有普通市民來作「擋箭牌」。
 




寒天龍的內心開始被這個高官的反覆性對話弄得有點心煩。
 
「最後一次機會，投降！」
 
高官見寒天龍示出強硬態度，自己為了面子更不能向敵人低聲下氣，何況新聞會在全世界轉播。如果警隊向敵人屈服，全港的警隊都會因為他一人而被香港人唾棄辱罵，甚至會連累身邊的親人朋友。
 
「NO WAY！我哋香港警方係唔會向你哋屈服！全世界Ready！FIRE！」
 
子彈瞬間在空氣中橫飛，場面一度非常混亂，而且更有警員投下手榴彈，弄得場上塵土揚飛。待高官示意停火，眼前的景象才慢慢回覆能見度。
 
映入警方眼簾，是一個不斷發出「霹靂啪喇」的橙紫電光交替的半圓巨大電弧，正覆蓋著寒天龍自身和身後的車隊。子彈和爆炸的猛烈攻勢，非但沒有傷到寒天龍等人半分，甚至激起了他的殺意。原因只有一個，若非自身的電弧保護，羅悅佩一定會被手榴彈炸傷，更可能因此而死。
 
望著眼前這班行事魯莽的警員，寒天龍終於忍不住，瞬間移動到高官面前，揮出一記充滿雷電的重拳。高官被爆頭的同時，身體亦順勢燃起了猛烈的火炎。眼紅了的寒天龍沒有因為殺了一個人而停下，他不斷順著前方殺去。
 
Amy見狀，興奮地命令阿輝等人打開所有鐵籠和貨櫃。被嗜血欲望衝昏頭腦的喪屍迅速傾巢而出，全都湧向前方。縱使路障有半個人的高度，亦阻止不到喪屍的殺戮啃食。
 
「你哋幾個留喺度保護佩佩！」Amy吩咐後便以超速奔向警方的防線，在眾人面前消失不見。
 
喪屍大軍即使被子彈穿頭，數量減少的情況下，非但沒有減少警員被追殺的威脅，反而激起了幾隻第三級喪屍的注意。它們徒手撕開警員，撕裂鐵網包裹的警車。沒有一個遇上它們的警員可以難逃一死，而且死狀比起被咬死來得更加痛苦。