《等那一天我們在操場上接吻》（2025新版）: 錯覺

3 錯覺



　　『你所打嘅電話暫時未能接通，請你遲啲先再打過嚟。The number you……』

　　他再嘗試一次，電話仍然未能接過。

　　有人拍了拍他的肩膀，說：「咳嗯，尤同學，學校範圍內，係唔能夠用 smartphone 嘅。」





　　「喂，話曬學生會會長，俾番少少面好喎。」

　　學生會會長──尤天勇只好收起了電話。返回學生會會議室，室內清涼的冷氣讓猶如置身天堂，整間學校，學生能夠隨意使用的房間裡，唯有學生會會議室可以任意使用冷氣。

　　「嘩，好熱呀，好想快啲返屋企。」

　　「返咩屋企呀。仲有依疊野等你批呀！」

　　「放過我啦Mimi姐……」尤天勇用手搧著風，用紙巾抹著頭上的汗。





　　學生會秘書兼幹事之一的傅恩薇 Mimi 捧出數張文件，丟在尤天勇桌上。

　　尤天勇翻了一下文件，全都是各個非認證社團對各種場地的使用申請：劍道社想要用體育館，舞蹈社想要用舞台，歐研社想要使用小型會議室。

　　學校規定，所有社團的場地使用申請，包括十二大認證社團，均需要學生會的肯首，從制度而言，這也是學生會最大的權力，可以自由操縱所有社團的活動時間與地點。

　　尤天勇站起來，走向窗前，看著午後的校園，有幾個學生趁午後的時間在籃球場上揮灑汗水。

　　這間學校共有873位學生。包括十二大社團在內，共有46個形形色色的社團﹑學會，人多至舞蹈社有近60人，小至只有兩個人的社團，也各自依照自我意志去爭取各種權利。





　　學生會雖然只是負責處理「場地使用權」。社團活動無數，而場地有限，一次決定，但等於一次否定，A社團先獲得了某場地的使用權，可能就代表了B社團失去使用權。

　　「喂，你唔好掛住懶型啦！又話要番屋企，快手做埋啲野佢咪走得囉。」Mimi在他身後摧促。

　　「Mimi……妳過嚟。」尤天勇輕聲喊。

　　「做咩……？」

　　Mimi 走到尤天勇身邊，以為他要下達指示，卻沒想到，尤天勇一手緊緊抱住她的腰。

　　「喂呀……」Mimi 嬌嗔，卻沒有反抗。

　　除了學生會秘書，Mimi 的第二個身份，是會長尤天勇的女友。

　　「有時我有種錯覺……」尤天勇在她耳邊說「學校入面每一個學生嘅生活，都會因為我一個好簡單決定而有影響，依種感覺真係好神奇，我只係成間學校制度入面嘅一個小角色，我可以做咩，唔可以做咩，都係由校規規定。我係學生會會長，聽落好似好似架勢，但我有嘅權力，同真正嘅校方比，可能真係一粒塵都不如，但又唔止係咁……我作為會長，真正嘅權力同角色到底係咩……」





　　「做咩咁感慨……」懷中的Mimi說「係咪……因為……」

　　Mimi話到半晌，突然又沒有說下去。尤天勇握緊她的手臂：「妳想講咩。」

　　「係咪……」Mimi像透露著不應坦率的心事「因為許愛悠段訪問？」

　　尤天勇陷入一兩秒的沉默，才又說：「下，咩訪問呀？佢又講咗啲咩嚟？」

　　Mimi也握緊尤天勇的手臂：「佢話要修改校規，應該講緊十二大社團可以修訂校規依件事。」

　　「哦……咁樣呀。姐係……佢要爭取十二大社團嘅支持？」

　　「我唔知佢諗乜……但係，以佢嘅性格，咩都做得出……」





　　「哈哈，」尤天勇放聲笑說「老老實實，十二大社團要做乜，其實我都控制唔到。如果有日真係十二大社團全體通過投票，嘩，我都真係只能食花生。」

　　儘管在校史上沒有先例，但按照議事規則，由十二大社團一致提案並通過的修正案，就連學生會也沒有否決權。學生會所有成員，上至會長下至一位普通的幹事，也沒有任何能力約束十二大社團，而只會按照程序，直接將議案提交至校方，再進入學生公投階段。

　　「阿勇……」Mimi輕聲說「乜你真係咁諗咩……你覺得，十二大社團、或者許愛悠要做乜，你唔會有任何能力阻止？或者無責任阻止？」

　　尤天勇抱住懷中Mimi，呼吸著她髮梢的洗髮精味道，緩緩才道：

　　「我地學生會，從來都只係一個中間人，唔係咩？」

　　「所以無論許愛悠做乜，你就唔會理？」

　　Mimi 反問，而尤天勇呼了口氣說：

　　「不如妳又問下，點解許愛悠要咁做？」





　　「佢份人好多野都無理由……」Mimi 透露著輕微但確切的不屑「前會長舊年無提名佢，而選擇咗你……所以，許愛悠懷恨在心？」

　　「咁咪證明咗，前會長嘅決定係岩嘅。」尤天勇帶著開玩笑的語氣說「如果今年嘅會長係佢，可能今日校規就已經修訂咗，我地都可以咀啖先。」

　　Mimi 總算被尤天勇逗得笑起來，她只意味深地說著：「分咗手嘅女人，千祈唔好得罪。」

　　「算啦，過咗去就過咗去，許愛悠佢要做咩，我都無謂理咁多，反正依家學生會會長係我，」尤天勇回答「不過 Mimi，不如我地真係咀啖先……」

　　「作死呀你！快啲做埋啲野啦！」

　　Mimi躲開了尤天勇靠近的嘴唇，用力打著他的肩膀。

　　「好好好好，攬完妳就好急呀，要去廁所解決──」





　　「去死啦你──！！！！」

　　Mimi作勢要打人的同時，尤天勇急步衝出了會議室，也不知道是否真的奔向廁所。

　　今天學生會沒有常務會議，也沒有其他討論會或活動，成員都知道尤天勇與她是情侶，便識相將所有雜務都推給了兩人，其他人都回去了。

　　Mimi靠近尤天勇的坐位，左手執起尤天勇遺忙在位置裡的手機，快速而靈巧地解鎖。

　　打開通話記錄，三個沒有接通的撥打：許愛悠。

　　──許愛悠佢要做咩，我都無謂理咁多──

　　Mimi感受到一份不忿與難受。

　　她從不懷疑尤天勇對她的愛，他不是那種能夠在愛情上分心的男人。

　　她難過的，是她早就知道，許愛悠早在半年前，就封鎖了尤天勇的電話。

　　而尤天勇明知道他被封鎖了，卻堅持留著許愛悠的電話，期望有那麼一天，能夠接通。