《A》: 4
成程飛機周圍都係嗰堆人，有一種被人監視，驚你走咗去嘅感覺。
一直視所有人如無物，獨立自強嘅游亦然開始軟化本來的態度，堂而皇之把自己不吃的東西都埋在我的餐盤內。
我也把她想吃的放在她的餐盤內，吃她那一點的菜和蔬果，撐不過差不多大半日的機程。
『除咗工作，想做咩都得，我開始瞓覺喇，有咩叫我。』
唔想畀人知道我嘅能力水平同預防抄襲我明白，佢想直接瞓覺避免解釋同對話，佢呢種小事化無嘅逃避我唔認同。
佢嘅變化喺空中服務員過嚟遞毛氈同頸枕嚟嘅時候，佢望住我好細聲、面帶笑容講多謝嗰陣。
我留意度坐我斜對面嘅人，臉色由期待變死灰，唉...
咁樣領咗人功我都有啲過意唔去。
之後佢用手機打字畀我睇『呢度講』，仲有望吓我微笑，佢咁好演技...
好彩佢平時對住老闆、公司同新嚟嘅我唔洗做戲啫。
好辛苦佢，做人應該係佢鍾意勁黑面又好、唔出聲又好，超I人又好，佢可以隨意係唔令人不快之下做盡佢想做嘅事。
難怪唔同呢班虛偽嘅人來往。
不過以上嘅睇法無蓋過我嘅不滿：
『你無諗過要同我講解下啲人物關係？你係咪同人未斷乾淨？你出軌？』
快速打字換嚟人哋睇完笑笑口咁慢慢回覆，條氣再唔順啲。
『今次呢單嘢，而家唔係重點，之後返到去先係戰場。
防備心要有，唔好亂講嘢，我同佢哋都係工作同輩、甚至有啲人係好細個嗰陣已經係同學。
感情關係，係有前度，十年前，無聯絡。
我十年前同佢哋反咗面，你唔需要擔心佢哋同你施壓嗰啲廢話，我無同佢哋有私下聯絡。』
不過我睇完呢堆字條氣就順咗，有效並且正面嘅溝通，佢可以好快、好直接咁講晒我要知嘅嘢。
佢唔係唔識同人溝通，佢應該係因為有人傷得佢好深，所以唔想同唔同嘅人建立人際關係。
呢班人做嘅嘢應該唔止普通篤背脊咁簡單...
『我好似無咩幫到你，你自己都做得好好，真心覺得你好叻。』
佢係睇到我打呢段字段，佢停咗一陣，望完我再覆，我唔知我當時係用咩眼神去望佢。
『我唔洗加錢？』
我想扮吓好男友都得，白眼翻到後腦，好彩人哋後面無眼，後面側面再八卦都睇唔到我，因為佢坐窗邊，我成個身同臉都側咗去佢嗰邊。
『我唔敢收，無咩表現。』
佢譏諷人有一手：
『幾有自知之明，你可以繼續爭取加錢嘅機會，犯法同你唔情願嘅嘢我唔會做，你只需要扮演你自己就得。』
對得呢啲人耐，可唔可以claim工傷，希望之後熟咗佢都係唔多講嘢...
如果有機會留到三個月之後嘅話。
『我係有啲崇拜你可以咁樣無視所有人，但我無愛慕你，我做自己就做唔到你嘅要求。』
作為一個只想返工嘅人，利用合適嘅時機同對話，去表達自己嘅訴求，唔會呢度食呢度屙。
連朋友都未做，點樣叫我跳晒step去曖昧？
佢以前係被人跳step，定佢本人極簡主義、懶，同埋怕麻煩所以習慣性跳step？
『做你自己，我自己倒貼，愈自然愈好。』
我有諗過影相留底，但驚唔可以健全落機，都係不了。
『倒貼』呢啲字眼居然係佢手中打出嚟，老闆睇到應該會好開心咁加我過Probation嘅人工。
可能我個樣太容易顯示到我打緊啲咩算盤，佢好乾脆利落咁刪字同熄mon，我feel到佢應該忟忟地。
我迅速打字氹佢繼續溝通：
『無估到你會為咗避麻煩，去做你自己唔熟或者唔鍾意嘅事。』
希望佢感知到我係度氹佢，佢受唔受氹都係需要測試嘅項目，我個人需要知道她對我的耐受度。
『你當我係要面，怕惹更大嘅麻煩。』
聽到佢輕輕嘅嘆氣聲，佢放低咗佢嘅戒心，接受我嘅理解佢嘅好意，佢無放低對人嘅態度同感知能力。
聰明人如佢一定唔係為咗面，係真係怕惹上麻煩，佢講到咁白我聽唔明然後惹禍，就只可以怪自己on9。
『你唔係要面，不過我覺得我唔知比較好，瞓喇你上司aka哎呀女朋友，落機會叫醒你。』
『唔該晒你。』
佢來收機抱手瞓覺，點知拎返部電話出嚟：
『你叫咩名？』
我睇完我收埋我部電話，唔理佢。
佢刪字再遞電話去我面前：
『點叫你好？』
我對住上司aka哎呀女朋友翻白眼，佢唔係以為咁樣係氹緊我，用真係唔記得名嚟再換個講法就叫氹啊嘛？
我拎走佢部電話打字：
『你鍾意喇...
真係唔記得都唔好話畀我知，會hurt㗎。』
我唔小心㩒咗佢部電話嘅主頁，係佢同斜對面坐緊嘅合照，相中佢哋嘅戒指同頸鏈，而家仲有戴緊。
人哋同佢都戴咗，明目張膽地餘情未了。
佢收起部電話時打咗句—
『我覺得你幾了解我，我完咗觀察期，仲可以過晒你試用期，要唔要一落地去結婚？
之後你嘅離婚嘅話，可以分我一半身家。』
我無忽略到最重要嘅問題：
『需唔需要愛你？』
佢睇到無猶豫咁超快打字：
『唔需要，可以穩坐正宮位置。
無限期，福利好、人工高，無上司。
有咩好得過打我呢份風流工，用呢程機嘅時間去考慮吓。』
佢無放棄過感知人，係因為佢要計算人，呢個時候我明喇...
玩唔過人、鬥唔過人，咪加入囉。
我有時間，我有名份，我玩得起。