《艾莉菲斯物語》（異世界穿越）: 第八章、露珠晚宴
喺聖殿嘅訓練場，樂希用咗兩個鐘學會咗五種聖職系法術（治癒術、強化術、照明術、聖光彈同安撫術），溫妮同寧寧都好滿意佢嘅表現。訓練結束時，天色已經暗咗下來，馬利安城嘅街道亮起咗燈火，夜晚嘅氣氛依然熱鬧，但比起白天多咗一絲寧靜。
寧寧帶住樂希離開聖殿，沿住街道行返聖殿門口。喺聖殿門前嘅石階上，阿偉、永誠同曉峰已經等咗一陣，三人一見到樂希，即刻跑過去，寧寧都同佢哋道別就走咗。阿偉第一個衝上前，攬住樂希，笑住講：「傻豬！你終於出返嚟！我好擔心你！」永誠喺一邊笑住講：「樂希，你而家係祭司啦？」曉峰推咗推眼鏡，低聲講：「你學咗啲咩法術？同我哋講吓！」
樂希被阿偉攬住，臉紅咗紅，細聲講：「阿偉，我冇事。溫妮大人教咗我五種法術…治癒術、強化術、照明術、聖光彈……仲有安撫術...…」佢講到一半，突然停咗下來，因為佢見到隊友嘅眼神都好驚訝咁望住佢。樂希細聲問：「點解咁望住我……？」
阿偉放開樂希，退後一步，驚喜咁講：「你有冇覺得自己有啲唔同？」永誠亦好興奮咁講：「樂希，你全身有白光！好靚！」曉峰點咗頭，低聲講：「一陣好柔和嘅白光…好似係聖職系嘅力量…」
樂希低頭望咗望自己，發現佢嘅身體真係被一陣好柔和嘅白光包圍住，白光好似月光咁溫暖，喺夜晚嘅燈火下顯得特別耀眼。佢細聲講：「吓…點解會咁…我點解有白光…」我喺半空現身，笑住講：「樂希，我同你講過，你隱藏唔到聖職身份。聖職系喺艾莉菲斯好稀有，佢哋嘅力量會自然顯現，你而家轉職咗祭司，呢陣白光會一直跟住你，直至你學識點樣收埋啲力量。不過，收埋啲力量係進階魔法，二轉職業先會學到！」
樂希聽完，臉更紅咗，細聲講：「但咁樣好顯眼……我會唔習慣……」阿偉攬住佢，笑住講：「傻豬，你而家係我哋嘅聖職大人，有白光先型！唔使怕，我會保護你！」永誠亦笑住講：「係呀！樂希，你而家係我哋隊伍嘅王牌！」曉峰點咗頭，低聲講：「聖職系喺艾莉菲斯受敬畏，你而家嘅身份會畀我哋好多幫助，但都要小心啲…」
四人簡單分享咗自己嘅轉職經歷。阿偉講：「我轉職做騎士，公會嘅導師教咗我用直劍同盾牌，仲畀咗一套皮甲同武器我。」永誠笑住講：「我係戰士！導師話我好適合衝鋒，畀咗一柄大劍我，仲教咗我一招劈砍嘅技巧！」曉峰就話：「我本來想做弓手，但弓手公會嘅導師話我完全唔識用弓，所以我去咗刺客公會，轉職做刺客，學咗用短刀同潛行嘅基本技巧。」樂希聽完，細聲講：「你哋好似都好勁，我會努力支援你哋。」
天色已經完全暗咗，四人決定返光影旅館休息，但喺返去之前，佢哋想搵地方食晚飯。曉峰拎出地圖，低聲講：「旅館附近有間餐廳，叫『露珠』，行幾分鐘就到。我哋去嗰度食晚飯啦。」阿偉點咗頭，笑住講：「好！傻豬，你學咗法術，應該好攰，走，我哋去食飯！」樂希細聲講：「嗯…我真係有啲肚餓…」
佢哋沿住街道行去露珠餐廳嘅路上，馬利安城嘅市民一見到樂希，即刻表現出好大嘅敬意。樂希身上嘅白光喺夜晚顯得更加耀眼，路過嘅市民都停下腳步，向佢敬禮，齊聲叫：「聖職大人！」有啲更加誇張嘅市民甚至跪咗下來，低頭講：「聖職大人，願加爾安娜斯女神與您同在！」樂希完全唔習慣咁多人嘅注目，臉紅到耳根，細聲講：「唔……唔使咁，我只係普通人...…」但市民完全冇理佢嘅靦腆，繼續敬禮同祈禱。
行咗幾分鐘，佢哋終於到咗露珠餐廳。露珠餐廳係一間兩層高嘅木造建築，外觀好溫馨，門口掛咗一盞燈籠，燈籠上寫住「露珠」兩個字，入面嘅燈火透出暖黃色嘅光芒。餐廳大堂已經坐滿咗人，市民同冒險者嘅笑聲同交談聲充滿咗空間，空氣中瀰漫住烤肉同湯嘅香味。
餐廳客人一見到樂希，隨即起哄歡迎。餐廳老闆森田即刻從櫃檯後面走咗出來。森田係一個中年男人，著住一條簡單嘅灰色長袍，佢嘅樣子好和藹，但一見到樂希身上嘅白光，佢即刻露出驚喜嘅表情，深深鞠咗一躬，講：「聖職大人！歡迎蒞臨露珠餐廳！我係老闆森田，能夠招待您係我嘅榮幸！請跟我來，我即刻為您同您嘅同伴安排獨立房間！」
森田帶住佢哋四人上咗二樓，推開一間獨立房間嘅門。房間好溫馨，中央有一張圓形木桌，桌上鋪咗一塊白色桌布，牆上掛咗幾幅畫，畫住馬利安城嘅風景。房間嘅窗戶可以見到街道嘅夜景，燈火通明嘅馬利安城喺夜晚顯得好美麗。
佢哋四人坐低後，森田笑住講：「聖職大人同您嘅同伴請稍等，我即刻安排美食俾您哋！」曉峰話：「唔...…不如俾個餐牌我哋睇下，始終我哋預算有限......」但森田即刻搖咗頭，講：「聖職大人的同伴，你唔使擔心！聖職大人嘅到來係我哋露珠餐廳嘅榮幸！今晚嘅晚餐係我嘅招待，無論如何都唔可以收您哋嘅錢！請您哋慢慢享用！」講完，森田鞠咗一躬，笑住離開咗房間。
唔使一陣，幾個店員就端咗好多美食入房間，桌上即刻擺滿咗一堆食物。佢哋四人望住一桌唔知係咩嘅食物，都有啲呆咗。樂希細聲講：「呢啲……係咩…」阿偉笑住講：「睇落好似好好食！不過，真係唔知係咩...…」永誠興奮咁講：「不如食咗先講！」
我喺半空現身，笑住講：「好啦，我同你哋簡單介紹吓！枱上嘅食物都係艾莉菲斯嘅特色菜。呢個係燒地龍肉，地龍係一種數量好多嘅小型魔物，肉質好嫩，燒完再淋上蜂蜜醬，香甜又 juicy。嗰邊係燉史萊姆湯，史萊姆嘅核心可以煮湯，好補身，對冒險者好有幫助。呢邊呢個就係炸飛兔，飛兔係中型魔物，戰力幾高，肉質結實好好食。呀，呢碟炒飯係馬利安炒飯，露珠餐廳嘅招牌菜，仲有呢啲係星輝果，係馬利安城附近嘅特有水果，甜中帶酸，食完會覺得好精神。其他嘅就係一啲普通嘅蔬菜同麵包，唔使擔心，全部都好安全！」
四人喺露珠餐廳嘅獨立房間享用咗一頓豐富嘅晚餐，佢哋喺溫暖嘅燈光下笑住講咗好多，分享咗轉職嘅經歷同對未來冒險嘅期待。我喺半空望住佢哋，心諗：四人嘅隊伍終於成型，樂希嘅聖職身份會畀佢哋帶來好多特別嘅經歷。
讀者們，你哋覺得佢哋接下來會遇到咩冒險？下章繼續同你哋講！