《艾莉菲斯物語》（異世界穿越）: 第二十五章、樹果妙用

第二朝，永誠比其他人早醒咗，佢一睜開眼，就見到洛希娜熟睡嘅臉喺佢面前。因為兩張單人床拍埋咗，佢哋五個喺床上訓得好近，洛希娜嘅金色長髮散喺枕頭上，幾條髮絲仲輕輕拂過永誠嘅手臂。永誠望住佢嘅睡臉，心跳得更快，佢甚至聞到洛希娜嘅少女體香，一陣淡淡嘅花香混雜住森林嘅清新氣息。

血氣方剛嘅永誠唔小心起咗反應，佢即刻覺得好尷尬，心諗：死啦！如果頂到洛希娜，或者訓平俾佢見到，佢會唔會覺得我係變態？！永誠好驚，唯有轉身面向樂希，想掩飾自己嘅反應，但點知因為床太迫，佢一轉身就頂住咗樂希。

樂希喺呢一刻醒咗，佢迷迷糊糊咁睜開眼，感覺到有嘢頂住自己，佢一望發現咗永誠短褲中隆起嘅大山丘，好尷尬咁望咗永誠一眼。

永誠面紅耳赤，細聲講：「Sorry……我又唔可以轉過去……」樂希亦好尷尬，佢點咗點頭，唔講嘢，唯有再痴埋啲阿偉，盡量拉開距離。

然後樂希靈機一動，揚手對住凸起嘅位置施放安撫術，小誠果然冷靜咗落嚟。





「Thank you……原來安撫術可以咁用」永誠尷尬咗細聲講。

「我都係諗住試下……反正冇害……」樂希尷尬咁笑住講。

過咗一陣，其他隊友都醒咗，佢哋起身，簡單食咗啲自己帶嚟嘅麵包，補充體力。

洛希娜望住大家，講：「我哋而家要諗個方法打敗古樹妖，佢嘅物理防禦太高，我哋無魔法輸出，硬打就好似琴日咁。」

永誠提議：「係呀，不如我哋出門打探吓，睇下村入面有冇人知古樹妖嘅弱點。」





曉峰推咗推眼鏡：「好主意，村民可能有經驗。」

星光小隊一齊出門，喺諾籮村嘅街道上問村民有冇打敗古樹妖嘅方法。結果出奇地順利，一個村民即刻同佢哋講咗一個方法。

嗰個村民係一個中年大叔，佢話：「聖果森林嘅古樹妖好怕酸！我哋會用喺聖果森林隨地都執到嘅麻古果掉向古樹妖。麻古果外型有啲似耳朵，本身係食得嘅，只係有啲酸，本身都冇腐蝕功能，但古樹妖好怕酸，麻古果嘅酸液會腐蝕佢嘅樹皮，嗰部分嘅物理防禦就會被破壞，到時瞄準攻擊就得！」

永誠聽完即刻笑住講：「真係多謝你！呢個方法好有用！」

樂希細聲講：「多謝你。」





大叔尊敬咁鞠躬：「聖職大人！能夠幫到您係我嘅榮幸！」

星光小隊同村民道謝後，沿原路行返聖果森林，一路上執咗好多麻古果。麻古果真係好似耳朵咁，外型圓圓嘅，表面係深紫色，掰開會滲出酸酸嘅汁液。

佢哋拎住一大袋麻古果，返到聖果森林，搵到古樹妖嘅位置。琴日隻古樹妖仲喺原地，巨大嘅樹形身軀喺森林中顯得好顯眼。

永誠大喊：「星光小隊，準備戰鬥！今次用麻古果！大家上！」佢拎起一粒麻古果，用力扔向古樹妖，麻古果擊中樹幹，啪一聲爆開，酸液四濺，樹皮即刻冒出白煙，發出「嗤嗤」嘅聲音，被酸液腐蝕嘅部分變得焦黑，物理防禦被破壞！洛希娜同曉峰都拎起麻古果扔過去，酸液腐蝕咗古樹妖嘅樹幹同樹枝，佢嘅防禦終於出現破綻。

永誠拎住鐵火龍骨大劍衝上前，瞄準被腐蝕嘅部分劈落，劍身嘅衝擊力將樹幹劈開一道深裂痕，古樹妖發出一聲低吼，樹枝亂揮，但速度慢，傷唔到永誠。

阿偉喺前排用盾牌頂住樹枝攻擊，佢嘅鐵甲幫佢硬接傷害，佢喊：「永誠！我幫你坦住！你放心攻！」

曉峰喺側面潛行，用匕首刺向被腐蝕嘅根部，毒性效果終於生效，古樹妖嘅動作變得更慢。

洛希娜喺後排連射幾箭，箭矢精準擊中被酸液腐蝕嘅樹幹，傷口越裂越大。樂希喺後方支援，施展強化術提升隊友力量，又用治癒術幫阿偉補血。





古樹妖喺麻古果嘅酸液同星光小隊嘅猛攻下，終於頂唔住，巨大嘅身軀發出「轟」嘅一聲倒地，樹枝斷裂，樹幹裂開，化作一堆枯木。

永誠抹咗抹汗，笑住講：「成功！多得村民教嘅方法！」洛希娜都好興奮：「麻古果真係好有用！我哋終於完成任務啦！」永誠用大劍割下一小部分古樹妖嘅樹皮作為任務證明，收咗入袋。

星光小隊收拾好裝備，一齊向迷夢城前進，準備喺嗰度交任務同幫樂希搵聖職系裝備。

跟住，下章再同你哋講！