《艾莉菲斯物語》（異世界穿越）: 第四十七章、星靈使者
聖彩之願嘅七彩光芒柔和咁映照喺樂希臉上。佢嘅心跳得越嚟越快，彷彿每一次呼吸都能感受到聖彩之願嘅微微顫動，法杖好似等待緊佢嘅抉擇咁。
「樂希，唔使急㗎！我哋喺度等你，慢慢諗清楚！」隊長永誠微笑住安慰佢，語氣如陽光一樣溫暖。
「係呀，樂希，無論你揀咩，我哋都會支持你。」曉峰推咗推眼鏡，眼神中帶住鼓勵。
樂希抬起頭，看著隊友們一張張信任嘅臉，心中泛起一陣暖意。阿偉的擁抱仍然帶著溫度，他嘅話語更似係一盞明燈，照亮了樂希心中嘅迷霧。
「我……」樂希深吸一口氣，雙手緊握聖彩之願，眼神逐漸變得堅定。「我想試吓星靈使！」
此話一出，眾人皆露出少許驚訝嘅表情，但好快就換成欣慰嘅笑容。
「好選擇！」永誠大笑住輕拍樂希嘅肩膀，「星靈使聽起嚟就好勁！仲可以補充我哋隊伍嘅魔法輸出，呢個選擇好好！」
「樂希，我相信你一定做到！」阿偉微笑著，眼神中充滿了信任與愛意。
馬莉娜娜嘅幻象輕輕點頭，嘴角揚起一抹欣賞嘅笑容：「樂希，你嘅選擇好勇敢，星靈使係一個好高要求嘅職業，但亦係最有潛力最高嘅聖職二轉之一。相信以你嘅魔法天賦，一定可以勝任！你準備好就開始轉職啦。」
樂希再次將雙手放喺水晶球上，七彩光芒瞬間暴漲，如同一場絢麗嘅彩虹盛宴，將整個大廳映照得如夢似幻。那光芒中，似乎有無數星辰在閃爍，隱隱約約仲好似聽到低語嘅聖靈之聲。
水晶球內嘅魔力流轉得越來越快，幻化出一道星靈使嘅身影。個身影手持星光法杖，周圍環繞著無數星靈同聖靈，彷彿整片星空都喺到為佢而舞動。
「準備好啦，樂希！」馬莉娜娜本來活潑嘅聲音變得莊嚴而神聖。
「嗯......」樂希閉上雙眼，心中默念著加爾安娜絲女神嘅聖名，感受著傳來嘅溫暖力量。
七彩光柱猛然滲入樂希嘅體內，佢嘅身體微微顫抖，聖彩之願喺佢手中發出清脆嘅嗡鳴聲，同彩光力量共鳴。光柱中，無數星靈與聖靈嘅幻影環繞喺佢嘅周圍，低語著古老嘅祝福之詞。
「奉加爾安娜絲女神嘅名，迎接新生嘅星靈使！」馬莉娜娜嘅聲音響徹整個大廳。
光芒逐漸收斂，樂希嘅身影被光芒籠罩過後，重新出現喺眾人眼前。佢嘅氣質發生咗微妙嘅變化，原本溫柔嘅眼神仍然溫柔，但好似多咗一絲堅毅同深邃，成個人散發住一種星辰般嘅光輝。
佢手中嘅聖彩之願都發生咗變化，杖身上多咗一層星光流轉嘅紋路，杖頂的七彩迷夢鑽中隱隱約約好似見到星空嘅倒影。
「樂希，轉職成功啦！恭喜你成為星靈使！」馬莉娜娜笑著拍手祝賀。
樂希睜開眼，感受體內湧動嘅全新力量。佢輕輕揮動聖彩之願，一道星光從杖尖飛出，化為一片柔和嘅光幕，籠罩喺隊友們嘅身上，瞬間讓所有人感到一陣溫暖，同埋力量嘅增幅。
「嘩！點解你未學技能就可以放咁勁？」永誠驚喜地感受住身體嘅變化。
「呢個應該係星靈使嘅被動技能，可以自動祝福身邊嘅隊友，增強戰力。」馬莉娜娜解釋。
「我嘅樂希真係好勁！」阿偉露出自豪嘅笑容，忍唔住再次擁抱樂希，喺佢額頭上輕吻。
樂希臉紅，微微一笑，眼中閃爍著星光：「我會努力，唔會辜負大家嘅期望！」
隊伍的二轉終於全部完成，狂戰士永誠、神射手洛希娜、斥侯曉峰、重裝鬥士阿偉，以及星靈使樂希。
佢哋企埋一齊，散發住各自嘅氣勢與光芒，目光都望住前方，滿懷期待地迎接著未來嘅挑戰。
馬莉娜娜嘅幻象微微一笑，語氣中帶著一絲神秘：「恭喜你哋完成二轉，但前方有更多未知嘅挑戰同命運等住你哋，記住，團結同信任係你哋最強嘅力量！仲有記得要去你哋各自嘅職業公會學技能，二轉職業嘅技能，大多數都係要用技能卷軸自學，因為冇乜人可以教到，特別係樂希你嘅星靈使技能。你哋公會嘅圖書館應該會有嗰啲卷軸㗎啦。」
「多謝你，馬莉娜娜！」眾人齊聲感謝。
馬莉娜娜的幻象逐漸消散，水晶球恢復平靜，整個大廳再次陷入寧靜，但眾人嘅心中卻燃起熊熊嘅戰意同希望。
「吓，點解佢係直接消失咗？」樂希疑惑。
「佢係幻術師，可能一直都係用幻象同我哋對話。」曉峰分析道。
「係咪幻象都唔緊要啦，我哋今日去返各自公會學技能先？」永誠興奮咁說。
「嗯，大家努力！」阿偉高舉直劍，充滿鬥志咁喊道。
樂希輕輕握住聖彩之願，低聲祈禱：「加爾安娜絲女神，請賜予我哋力量，守護我哋嘅團隊……」
五人小隊整裝待發，踏出咗法師公會嘅大門大門，然後分散去各自嘅公會。
他們的背影在陽光下拉得好長，彷彿預示著一段嶄新嘅冒險即將展開。
——–
樂希同隊員分開行動後，獨自嚟到聖殿。佢步履輕緩，穿過純白色嘅長廊，嚟到治療室。
治療室內，一陣柔和嘅聖光籠罩著每個角落，空氣中彷彿都帶住治癒嘅氣息。躺喺床上嘅阿夢仍然未清醒，但佢嘅臉已有血色，但比起之前命懸一線嘅狀態明顯好咗好多。
甘霖正站喺床邊，佢一身白袍，手持佢嘅法杖。佢見到樂希進入，即刻轉過身，臉上露出和藹嘅笑容：「希仔！你嚟啦。」
甘霖目光落喺樂希身上，發現佢身上微微閃動嘅星光，頓時驚喜道：「希仔，你轉咗職做星靈使？好厲害！」
「嗯，都係加爾安娜斯女神嘅祝福。」 樂希微微點頭，謙虛地回應。
佢目光再度落喺阿夢身上，眼中透出濃濃嘅擔憂：「阿夢......咁耐仲未醒？」
甘霖輕輕一笑，語氣十分溫和：「唔使擔心，我哋已經檢查過，佢恢復得好好，應該好快就會醒㗎啦。老夫會喺呢度好好照顧佢。」
聽到呢句，樂希稍微放下心頭嘅石頭，點點頭：「辛苦啦甘霖大人。」
甘霖笑著揮揮手：「唔好咁講，呢啲係老夫嘅責任。希仔，講返你，星靈使嘅技能老夫都唔識，啲法術比較高深，唔係好多人可以掌握。不過，聖殿圖書館入面應該會有啲聖靈使嘅法術卷軸，你可以去睇吓，學啲適合你嘅技能。」
佢手指向門外，語氣慈愛而平靜：「出去轉右，直行到尾，就係聖殿圖書館啦。願加爾安娜斯女神與你同在。」
樂希恭敬地鞠了一躬：「多謝甘霖大人，我會努力嘅。」
揮別甘霖後，樂希沿住指示嘅方向行去，聖殿圖書館嘅大門很快出現在佢眼前。 佢推門而入，一陣明亮柔和嘅光芒映入眼簾。
聖殿圖書館嘅內部宏偉而壯麗，受空間魔法嘅影響，天花板似乎高聳入雲，彷彿直達天空，周圍放滿咗繁複而精美嘅聖靈浮雕，壁畫描繪住加爾安娜斯女神創造世界嘅傳說。
四周嘅牆壁全都係由純白色嘅大理石砌成，每一面牆上都排列住用白桃木造嘅書架，書架上堆滿咗各種古老嘅書籍同卷軸，散發住歷史嘅沉重感。
圖書館中央有一個巨型嘅圓形透明水晶燈，柔和嘅白光由燈內輻射散開，將整個圖書館映照得如夢似幻。
樂希走喺圖書館嘅大理石地板上，腳步聲被吸收成一片寂靜。佢周圍係一片安靜，只聽到微弱嘅書頁翻動聲與遠處聖靈低語般嘅吟唱聲，呢啲聲音令人心情平靜。
佢睇一睇牆上貼住嘅館內地圖，根據指引嚟到一個專門記載星靈使法術卷軸嘅區域。
星靈使係極為罕見嘅職業，書架上嘅卷軸雖然唔算多，但每一個都散發出純粹嘅星光氣息，彷彿帶住無盡嘅奧秘。
樂希小心翼翼咁取下一卷卷軸，打開後，一陣溫暖嘅星光包圍住佢，卷軸上記載嘅內容如同星辰般閃爍，佢需要全神貫注才能捕捉到文字嘅真諦。
佢揀咗一個角落坐低，攤開卷軸，開始專注咁學習。星靈使嘅法術描述得非常細緻，佢一邊閱讀一邊用心記住每一個咒語嘅符文結構同咒式循環，學習過程需要極大嘅專注力。
樂希不斷重複閱讀同默念，雙手時不時模擬咒語嘅施放手勢，額頭上甚至滲出細密嘅汗珠，但佢毫不在意，完全沉浸喺學習之中。
時間好似靜止咗，當樂希終於將卷軸上嘅內容完全記住時，卷軸自動合上，然後飛回書架上，佢長長咁舒咗一口氣，感受到體內嘅魔力好似因為學習而變得更加純粹同強大。
然後樂希就出去訓練場試用新招數，練熟後又再返圖書館翻開新嘅技能卷軸學習。
過咗好幾個小時，佢抬起頭，透過圖書館高聳嘅窗戶望住外面，夕陽嘅餘暉正好映入圖書館，將整個空間染上一層溫暖嘅金色光芒。
樂希輕聲祈禱：「加爾安娜絲女神，請引領我喺呢條路上走得更遠……」