我去搵咗蒼海博士一趟。原來老豆都喺度,成日喺度搞啲咩細藝...仲搞到自己污糟邋遢。

「老豆,你幾耐無番過屋企...?」我問道,邊講邊悟住鼻。

「都係一個禮拜姐...我同蒼海博士搞左個強化裝置,裝係你度就會好勁架喇,係俾個裝置我...」
老豆真係無敵,一個禮拜唔沖涼都得,仲要臭過我噴出嚟嘅臭彈。

「你應該番去沖一沖涼。」我悟住個鼻,「媽子知道左你成為左英雄之後,覺得你好威威,仲要佢等陣都會嚟呢度...」

「都無咩值得好恭喜姐...」我道。





「你錯咗。你成為左英雄一刻,就己經好偉大。成就仲要俾我地多,呢個機會唔係人人可以有...」咁都真係要多謝蒼海博士嘅失敗作,如果唔係都無今時今日堅強嘅我。

又會好好彩遇到波比佢作奸犯科,又會遇到好多挫折。到而家再次強化自己,不過我仲未做到心目中嘅成就。

「個天好公平嘅,佢注定要你做真正嘅英雄...」蒼海博士突然從裡面走出嚟。

「蒼海博士咁乾淨嘅...」我道。

「我日日都有沖涼架...尋日太攰咗,我訓左一日,而家好鬼精神呀...」蒼海博士伸一伸懶腰。





「有無搞錯呀,老豆?你要去沖涼呀,臭親我同mum就唔得...」我催促老豆,仲推佢去沖涼。

「你咁多年都係死性不改嘅,一樣叫阿mum,我以為佢係你工人姐姐嚟...」老豆比我推到去蒼海博士嘅廁所,走到去廁所嘅時候,就見到裡面有一個好大嘅浴缸,真係睇唔出蒼海博士都識得享受人生。

「沖涼房一定係你另一個天地嚟...」我望向蒼海博士。

「嗯...我好鍾意乾淨架,唔乾淨我就做唔到野,所以我一定要整靚個廁所。」蒼海博士道。

「你快啲入去沖番個靚涼...」我指向老豆。





「好,你話點就點...」老豆喃喃自語,

「幾時變左唔鍾意沖涼架?真係迷戀某啲野就會迷落去...」我同蒼海博士喺出面啲沙發坐低。

「老豆佢真係一個禮拜係度?」我問。

「可以咁講啦,不過尋日我就訓左一日,個段時間我都係叫佢自便。不過佢咁大個人都好自律,一樣無亂我嘅辦法室...」蒼海博士道。

「你邊敢搞亂你啲野?唔驚你鬧咩?」我笑住反問。

「你媽轉頭嚟,我地裝埋呢個新裝置就可以大功告成,到時你就可以威震武林喇...」蒼海博士笑道。

「威咩震武林呀...又唔會搞美雄大會。」蒼海博士擺明用錯詞語,開始就亂噏廿四。





「是但啦...都係個啲野,最緊要你明架啦...」蒼海博士敷衍道。

蒼海博士真係文盲一樣,畢生就係度研究,其他野都一概不理...

「咁而家個新裝置係唔係己經成功左?可以將舊嘅裝上去?」我見檯上有一個類似新裝置嘅物體,就轉個話題。

「呢個係成功左,而家只要將舊嘅安裝去新嘅個度就成功了...」蒼海博士道。

咁mum就係嚟見證我最新英雄嘅一刻。

「我想問,可以唔可以將裝置直接裝入身體,想變身嘅時候隨時可以變身...」我問道。

「唔可以...因為我唔識搞...」蒼海博士諗都唔諗就否決左我。有無搞錯,佢係唔想整定係又有其他藉口?

「點解...?」我追問。





「可以將裝置裝上去,但裝左上去就除唔番落嚟...」老豆係度抹緊頭出嚟大廳。

「呢啲係電影情節先會做到嘅野,你裝得上去就可以拆佢出嚟。咁當然,阿仔你覺得必殺技己經足夠你用嘅話,我可以安裝上去身體度...」老豆道。

「實在太好了...」我道。

就咁帶住係身好唔方便,仲有搞到啲蒙面超人咁。雖然加裝上身體之內都係無新鮮感。

「你要明白,裝左上去就可以拆除。一旦拆除,你個裝置就會無左性能。你無問題嘅話,我地將舊裝置加入去新裝置度,就可以將新裝置幫你植入身體。植入時間大概一個鐘...」老豆道。

「你真係要幫你個仔咁做...?」蒼海博士截停左老豆。

「做英雄係一偉大嘅事,唔係個個可以做到。而家我個仔做得到,我應該引佢自豪...我做老豆嘅,緊係想個仔好。佢提出建議,我地就要嘗試做。植入身體又唔係做唔到,只係手術麻煩啲咁...」老豆道。





蒼海博士點頭同意老豆嘅說法。我相信佢地兩個,新裝置一定會帶我走出新方向。而家只係差呢一步。蒼海博士同老豆手上拎住裝置,兩手同時慢慢拉近,將兩個裝置結合。結果相當嘅成功,但裝置好似都無咩大嘅轉變。

「睇落去同平時一樣咁...」我道。

「係,無錯,外表無分別...」蒼海博士道。

而家就係將新裝置植入去我身體。呢一個鐘,我會忍住痛。我覺得呢個手術就好似老豆所講,複雜之餘,仲會好痛。

「放鬆啲...你唔會痛嘅...」

老豆好似知道我諗緊咩野。緊係啦,我係佢個仔,個仔諗咩老豆大概都知道。我完全放鬆自己,深一口氣。我訓上蒼海博士嘅手術床,兩個開始施手術。

途中,mum佢嚟左。mum...佢好安靜,默默等待我出嚟...一個鐘都好快過,因為我訓著左。我擦一擦對眼,我見到三個人係我眼前。

「阿仔...成功左喇,開唔開心呀...」老豆道。





「開心...」我開心到跳起來。

「咁好喇...最緊要你開心...」蒼海博士道。

「我幾時都話我個仔係最型嘅...」mum道。

「咁我想知,新裝置必殺技係咩?」我好奇問。

「臭彈強化99。」蒼海博士道。

我唔明咩意思,係唔係意思再臭啲?點臭都好,我未聽講過有臭死嘅事件,至少新聞無。呢個必殺技真係有用咩...

「強化99嘅意思係,1分鐘內可以噴出99次臭彈,比之前勁一倍,絕對可以臭死人...」老豆道。

竟然今日由老豆打破左界限,證明左一樣野:真係可以臭死一個人。睇落無用但又無耐嘅情況下接受左呢個裝置,而家又無得除出嚟,可以點?諗起又係,本身己經係臭彈,就算再強化都係向呢方面發展,咁先符合呢個英雄。無理由叫我噴火又噴水姐,雖然比噴臭彈有用好多。噴火,又可以用嚟生火;噴水可以減輕消防員嘅工作..

.「其實諗起上嚟都唔錯嘅,可以打出99次臭彈,唔係人人都可以做到嘅事...」我道。

「無錯喇,我地人應該要向前看。成日諗住自己好廢,講講下就真係廢左喇,到時想補救都無用喇...」蒼海博士道。

「唔係向前看,係向錢看...」我換左另一個話題。「咁個微眼生意搞成點?好唔好生意?」

「都係咁啦,一般般啦。雖然都係平民價,但個個人都好似覺得唔實用...」蒼海博士道。

「咁呢啲野又唔係人人有需要,咁無辦法喇...」我道。

「係呀,所以我呢盤我生意我唔急住搵錢,順其自然就可...」蒼海博士道。

今日的確係值得開心嘅日子,重點係mum嚟得合時,因為今日係佢生日。我提前叫佢嚟呢度。Mum年年生日我都會搞到好好睇睇,有邊一次會令 mum失望過?有一家人嘅關心真係幸福,唔係,係應該幸運先係。係上天俾左一個完整嘅家庭俾我,仲有Chole可以一齊就更加好。

「今日係淑芬嘅生日,一定要好好慶祝...」蒼海博士笑道。

「年年都係咁架喇,唔駛搞咁多野啦...」mum都係鍾意簡簡單單。

「今年算係特別啲,係蒼海博士呢度搞,仲有我地陪你渡過...」老豆道。生日蛋糕都準備好了,重要係好重奶油同朱古力味。

「我可以見證到阿仔嘅進步,我登佢開心..」mum有少少感觸。

「唔好講喇,攞個蛋糕出嚟慶祝啦...」我急不及待。

「好...」老豆行入去雪櫃攞蛋糕之際,先發現蛋糕係糕舖仲未攞...完。

「認真咩?你竟然可以訂左蛋糕唔記得攞...?」有咩可能研究緊要得過自己老婆生日。
「我而家馬上去攞,好快番...」

老豆急急腳著鞋出去。

「我同你去攞啦...」

我幫手攞蛋糕,留低左兩個長老係辦法室都無乜野啦。我地都會好快番。mum完全無怪過老豆,老夫老妻左咁耐,一樣係咁恩愛。能夠維持到呢一份愛,真係唔容易,都有值得學習嘅地方。好彩間餅店唔係好遠,一來一回都唔駛30分鐘。

點都唔會令mum失望嘅。睇落老豆想俾驚喜。mum番到嚟之後,蒼海博士同mum己經清好哂檯上嘅雜物,預備蛋糕放上去。蛋糕上去仲刻左名牌:淑芬 生日快樂。

「點個蠟燭,許個願啦...」老豆道。Mum雙手十合許願...佢只希望自己個仔、老公開心安好、健康...由其我成為左全新英雄,波比呢位人兄,我己經準備好收拾佢了。

佢越生存多一日,馬灣就會俾佢搞到更立立亂。我又點會放過呢佢?我係唔會姑息養奸嘅。

今日我地幾個又食蛋糕又飲酒,不醉無歸,簡直係開心事。不過我地今日都無打算諗住番屋企。捍衛馬灣嘅正義同和平,我嚟了..