記憶調和師: 第五章：歸途
午後的陽光熾熱，天空一絲雲都無，連空氣都似畀太陽曬到發燙。街上行人稀稀落落，只得風無聲咁穿過巷口，捲起一地灰塵。然而，呢份炎熱與喧囂，同劏房入面嘅冰冷世界完全唔關事。
劏房入面冇開燈，整間屋陰陰哋，連光線都似唔敢走進嚟。窗外嘅陽光雖然猛烈，但一穿過層厚實實嘅窗簾，就好似畀歲月吞噬咗，淨低一線微光由罅隙中透入，照喺牆上殘舊嘅油漆上。啲褪色同裂痕，似係無聲咁提醒屋主：呢個地方，真係老咗。
Nicole 推門入嚟，屋企冷冰冰，冷到由心入面都係寒。靜，靜到幾乎聽到自己心跳，而呢種靜，仲帶住壓力，似空氣中藏住某種無形嘅重量，令人透唔過氣。
空氣入面殘留住一股霉味，混住隔籬傳嚟嘅煙味，嗆得佢喉嚨唔舒服，連呼吸都要小心翼翼，好似多吸一口，就會畀呢份沉重吞掉。
佢掏出手機，打開電筒，一束白光劃破黑暗，直射到角落部雪櫃上面。張紙條孤伶伶咁貼喺度，字跡潦草而急促：「下月起加租 $2,000，唔交就搬。」呢幾個字似係寫嘅人已經唔耐煩，又或者，根本唔想講多句。
Nicole 呆喺度，眉頭輕蹙，眼神由起初嘅驚訝慢慢轉做無助。佢伸出手，指尖輕撫張紙，好似想由入面搵到少少溫暖，但紙張冰涼，冇半點反應，就似呢個世界對佢嘅冷漠與無情。
心口似畀塊石壓住，沉甸甸，連呼吸都困難。腦海翻滾住一連串問題：點解會咁突然？點解唔早講？點解唔俾人喘口氣？呢個世界，真係唔俾人活咩？
屋外天氣依然晴朗，藍天白雲，風和日麗，但對 Nicole 來講，呢啲只係另一個世界嘅事。屋內空氣似凝固咗，連時間都停咗。佢站喺度，似畀遺忘喺時光嘅罅隙中，無聲咁承受住生活嘅重量。
腳步聲由遠至近，門口出現了業主的身影。
佢語氣非常直接，沒有多餘嘅字句：「唔係我唔近人情，係我都要交樓。」
Nicole 嘗試解釋：「可唔可以慢多幾個月？我真係……無錢。」
「唔得，唔交租，就走人，仲有係你唔識理財，唔關我事。」
「無端端就搞啲咁嘅野....一啲同理心都無。」
「你租到而家我都無加過一次租，已經好有同理心喇，為世所吹，我都幫唔到你。」
好一句幫唔到你，業主都係貪錢搵藉口趕人走，或者有其他理由，天曉得。
門終於閂左。
呢度係曾經Nicole遮風擋雨嘅地方， 如今，己經再唔係自己屋企，仲要講聲再見。
Nicole 坐低係馬路邊嘅石板上，望住行李。一片寂靜中，佢慢慢拎起電話，決定打俾幾個要好嘅朋友。
第一個朋友講：「我而家……唔係好方，我新屋企係同男朋友一齊住。」
第二個朋友話：「我屋企係同媽咪住，真係唔方便收人。」
第三個朋友回應：「我成個屋都唔夠我哋三個人企，真係唔得。」
最後一個朋友問：「你唔係有屋企返咩？」
Nicole 默然，冇講半句。佢望住隻行李，緩緩起身，拖住佢，一步一步行出街。
而家先知道，想搵朋友幫都無。
佢揸住隻舊行李，默默行出街。夜風輕輕吹過，掀起佢嘅衣角，亦吹散咗一絲孤單。無處可去。佢繼續行，一步一拖，行到「忘川酒吧」嘅樓下。
慢慢拖住行李行上樓，雖然有啲狼狽，但係別無他選
門閂左，燈都熄咗。 ，佢唔諗得再遠，索性坐低，靠喺牆角，但營業時間仲有一段距離，佢就默默感等
，等阿謙開門。
等呢個曾經遞過一碗即食麵、講過一句「呢度，歡迎你」嘅人。
Nicole喺度等緊阿謙，時間就似係過得好慢。當阿謙終於返到樓下嗰陣，Nicole即刻起身，腳步微微踉蹌，似係話畀人知佢等得好耐。
「阿謙……我……」Nicole開口，聲音有啲顫抖，「我……冇地方去喇。」
阿謙睇住佢，眼神中冇驚訝，似係早預咗會有呢一日。
Nicole慢慢講起發生嘅事，因為業主突然加租，唔俾緩衝期，最後要搬走。佢嘗試過搵過最好朋友，但係冇一個可以幫到。呢個世界，好似將佢遺忘咗。
「我……唔知點算。」講到呢度，Nicole聲音開始哽咽，「我……真係唔知點算。」
阿謙冇講多，只係睇住佢，等佢講完。等佢發洩嗮呢段時間積壓嘅情緒。
過咗一會，阿謙慢慢話：「咗你……想唔想搬上嚟？」
Nicole一怔，似係唔肯定自己聽到咩。
「呢度樓上我都租咗，唔係我成日喺度住，但係……有空房。你唔使交全租，一半都得。」
Nicole眼神中閃過一絲光，似係唔敢相信。
「我……真係可以搬上嚟？」
阿謙點咗點頭，似係已經諗過。
「你都係一個值得幫嘅人。」
Nicole眼淚開始流，唔係因為傷心，係因為感激。
阿謙拎起佢嘅行李，帶佢上樓。樓上單位同酒吧差唔多大，簡單傢俬，窗邊有張枱，可以望到街景。
「有陣時你都可以幫我睇住川川嘅」
Nicole聽完，更加感動，似係終於搵到一個屬於自己嘅地方。
「唔使喊，呢度，永遠歡迎你。」
阿謙講完，就落樓準備開舖。Nicole喺度休息，慢慢適應呢個新環境。