忘川酒吧,門口嘅風鈴靜咗。

招牌熄咗,玻璃窗後面冇人影,連川川都唔喺度伏喺吧枱上。

忘川,被迫停業。唔係因為犯法,係因為有人想佢死,但呢件事已經係新聞上有報導。

忘川酒吧樓上,係一間簡單但溫暖嘅單位。窗邊掛住一盞暖黃燈,川川伏喺窗邊,似係睇住街景,又似係睇住呢段日子嘅變化。阿謙,Nicole同子堯坐喺客廳,桌上係幾杯未飲完嘅咖啡,眼神中係一種沉思過後嘅疲倦。Nicole拎住熱飲走過來,兩杯放低喺阿謙面前,一杯自己慢慢飲。

「呢件事唔係偶然,佢地趁你地閂門嘅一段時間就造謠生事。」林子堯抬起頭。





「林律師,你覺得而家嘅情況可以點做?」Nicole睇住窗外。

「唔使咁見外,叫我子堯就得㗎喇,你哋幫咗我解決
問題,而家我會義無反顧咁幫你地,我真係當左你地係朋友。」林子堯望住Nicole,「防守係為咗生存,
但係要守住忘川,我哋要主動出擊。」


阿謙沉默左一陣。
「你話……點出擊?」





「阿謙你開忘川都係為左幫人,又唔係為左賺錢,呢己經好偉大,仲有咁多成功嘅客人可以見證,係咪?如果講俾大家知嘅話,可以平反。」

Nicole微微一怔。
「如果拍條youtube片會唔會好啲?之前我有幫人拍過片,但唔知方法Work唔Worxk?」

「唔係辯護,係一種……聲明。」林子堯點左一下頭

「我有啲驚...咁樣會令我更加危險。」阿謙睇住林子堯,眼神中有一絲猶豫。

「我覺得都可以試下,我只可以講死者嘅仔浩然有可疑,係佢向警方講忘川殺左佢屋企人,我就從呢方面入手,我會搵佢問話。」





「咁多謝你先。」阿謙同Nicole多謝林子堯。

川川伏喺窗邊,似係睇住每一個人,又似係睇住呢段歷史。佢冇講半句話,但係沉默本身已經講晒好多。佢似係知,呢度係忘川最後一道門。而呢三人,係最後一班守門人。

林子堯離開忘川樓上嘅單位,門關上嗰一刻,空氣似係靜咗一瞬。阿謙坐喺沙發上,雙手輕輕交疊,眼神中有一絲放低防備後嘅疲倦。Nicole睇住佢,


「阿謙,你太攰了。」

「可能忘川係我生命,不過今晚好好訓一教,養足精神先拍片。」
阿謙輕輕咁笑咗。

「我沖多杯熱飲俾你。」過左一陣,阿謙接過Nicole為佢沖嘅熱飲,手指輕輕摩挲住杯身,沉默左一陣。
「你覺得忘川救唔救得番?」





「你唔信自己?」Nicole望住佢,

「我哋忘川……係為咗聽人講真話而存在,「唔係為咗贏……係為咗有人可以繼續講。」阿謙睇住佢,眼神中有一絲動容,

「你點解咁信忘川?」Nicole輕輕咁講:「因為我係第一個被聽見嘅人。」「我曾經覺得……我係唔值得被聽見嘅,但係飲左你調嘅酒,我信呢度係一個值得存在嘅地方。」

「多謝你。」阿謙捉緊Nicole隻手。

「唔使多謝……你係我男朋友,我支持你。」Nicole微微一笑。

夜深,阿謙同Nicole各自梳洗完,單位入面只開咗一盞暖黃燈。川川伏喺床邊,似係睇住阿謙,又似係睇住呢段日子嘅變化。阿謙坐喺床邊,
「我真係……好久冇咁放低過。」

Nicole睇住佢,「你唔使每一刻都係阿謙……有時都可以係……一個想休息嘅人。」





阿謙點咗點頭,「我試下。」

佢慢慢躺低,眼瞓慢慢合上,似係終於可以放低一啲。Nicole睇住佢,

「晚安,阿謙。」

「晚安。」

第二日
晨光從窗邊透入,川川已經起身,伏喺窗邊,又係度睇住街景,又似係睇住呢段日子嘅轉變。阿謙起身,
頭仲有一點點重,但係眼神中多咗一份清明。Nicole拎咗早餐過嚟,食完早餐之後,Nicole便set好手機位置。

鏡頭亮起,阿謙坐喺沙發上,雙手輕輕交疊,眼神中係一種沉穩嘅真誠。





「可以開始拍片。」Nicole走埋阿謙度。

阿謙點左下頭。「大家好,我係阿謙,係『忘川』酒吧嘅負責人,我哋只係一間酒吧,一間俾人講真話嘅地方,我唔係治療師,亦唔係心理醫生……我係記憶調和師,但係有啲人,只係想有人聽佢講。」

阿謙深呼吸再繼續講落去。

「但最近因為有人報警,話屋企人自殺,而話同忘川有關…..我哋被迫停業。我哋只係……聽咗好多好多真話,如果你哋曾經因為忘川,而唔放棄自己……請你留言,或者私訊我哋,我哋想知……忘川,真係冇幫過任何人嗎?我哋唔係想博同情……係想人知道,有啲地方,係為咗聽人講真話而存在,如果有人曾經因為呢間酒吧,而重新拾返自己…請你出嚟講,我哋唔係壞人……只係想守住呢度。」

鏡頭關咗,阿謙慢慢放低手機,眼神中有一絲釋然,
亦有一絲不安。

川川係一旁住住佢地,似係講:「你做得好好呀。」

「你講得好好。」Nicole睇住佢。





「唔知有冇人睇到。」阿謙苦笑咗。Nicole唔即刻答,反而睇住窗外,陽光從窗邊透入,照喺川川身上,亦照喺佢哋之間嘅沉默。然後,佢慢慢轉頭,睇住阿謙,眼神中有一種堅定,

「有人會睇到。」Nicole睇住螢幕。「有人會睇到,因為...仲有人仲需要呢間酒吧。」

Nicole講完,輕輕咁伸手,拍咗拍阿謙嘅手背。

阿謙睇住佢,眼神中有一絲動容,

川川甩咗甩尾巴,似係話:「我哋仲要繼續。」