或者，唔係一個你中意既故事 (重製): Ch.6
放學之後我本來計劃埋頭留堂 完成兩小時嘅懲罰
但冇諗到 佢竟然等喺門口
我:「你做咩仲喺度？」我驚訝咁望住佢，仲以為佢應該返屋企休息
彤:「等你囉，唔係話欠你咩」佢拎出收埋係身後個包冰嘅檸檬茶
彤:「老師話你一身傷，叫我睇吓有咩幫你」
我:「咁好心？」我半信半疑，接過冰檸檬茶
彤:「咪話我唔講義氣，但係...」佢語氣一轉 笑容又變返平時嗰副奸樣
彤:「你仲要孭我返屋企啊」
我:「吓？！」我隻眼瞪到圓
我:「你唔係真係當我係你嘅私人司機掛？」
彤:「咁你唔想欠我嘛，對唔住喎，我隻腳依家行唔到」佢晃一晃受傷的腳，無辜樣睇住我
我:「哎，真係服咗你啦」我無奈搖頭，蹲低身，準備再俾佢跳上嚟
孭住佢行喺放學嘅路上 天色慢慢暗落嚟 路燈拉長咗我哋嘅影子
我:「喂，其實你點解咁鍾意返學嘅？」我忍唔住問
佢沉默咗一陣 先慢慢開口：「因為...返學係唯一一樣，我覺得自己可以贏嘅嘢」
我愣咗一愣，冇諗到佢會咁答
我:「咁你贏得幾辛苦喎。」我笑咗笑，半開玩笑咁講
彤:「辛苦都好過輸」佢語氣突然變得堅定 然後低聲補充一句
彤:「最少，我唔想俾人睇低」
一路行一路傾, 原來呢個表面串到爆嘅女仔, 其實心入面都有好多掙扎同壓力
而我 竟然第一次覺得 佢都唔係咁討厭
最後送佢返到佢屋企 佢轉身時竟然輕輕拍一拍我膊頭：「多謝你，真係」
我愣咗一下 點點頭 然後目送佢入屋
一路返自己屋企，我都忍唔住笑自己 明明成身傷痕，但唔知點解，心入面竟然有少少開心
唔知幾時開始依段小插曲讓我感受到了一絲久違的輕鬆，生活的重複與無奈在這一瞬間似乎被打破了
我們嘅目光交織，彼此之間嘅距離係不知不覺中拉近
或者，這就是青春的意義，即使在平凡的日子裡，也能找到一點點的光亮與希望