搭錯線：錯誤的時間遇上你: 第二章：碰撞（下）

「Sorry，我啱啱的確職業病發作，我地出嚟求籤先啱，讓比妹妹求先。」查利揚即刻認低威咁講。


哼，肯定佢睇在家姐面上，所以先同我say sorry。


查利揚係人群中左穿右插，攞左個籤筒比我。


我開始求籤。






Errr 唔記得段野，希望對象細心，同埋對我好！


「刷刷刷……」


「啪啪啪啪！」






「刷刷刷……」


「啪啪！」


「刷刷刷……」






「啪啪啪啪啪！」


我到底要求到幾時……

「妹妹，就嚟你心煩意亂，你都係求學業啦！」


收嗲啦，查利揚！


本身求唔到籤已經夠煩！


「刷刷刷！」






「啪啪啪啪啪啪啪啪啪啪！」


我嬲得滯，半個籤筒既籤跌晒落地。


我見到家姐求得好順利，同埋男朋友走左去解籤。


「你咁樣求籤，我驚你跪到攰都未求到，不如我幫你求！」


查利揚執好籤筒，開始求籤。






「刷刷刷！」


「啪！」


「係11號籤。」


查利揚露出得戚既笑容。


「我地去解籤！」






查利揚同我去左樓下解籤。


「師傳，呢度30蚊，幫我睇下呢支籤財運同姻緣。」


查利揚直接比左30蚊比師傅。


「呢支係第11號籤，中籤」查利揚講。


「籤文係『一春萬事始更新，氣象升騰喜氣臻；若問前程成與敗，和風送暖入門庭。』『一春萬事始更新』指愛情新開始，有人出現或表白，暗戀都有可能。『氣象升騰喜氣臻』指好事臨門，你有驚喜，例如表白同工作財運。」師傳講。






「拿，有人同你表白，你開心未？」


「開心，好開心添。」我笑咪咪咁講。


「我睇財運就得。」


「『和風送暖入門庭』指整體氣氛溫暖，愛情事業都會嚟到你屋企，後生仔掂啦！」


「姻緣係妹妹既。我財運都唔差！咁就得啦！」


「你真係好鍾意錢。」我好無奈咁講。


「你未出過嚟做野，講完你依家都未必明！」


當時既我冇諗過支籤係查利揚抽，所以姻緣都代表佢。


有人暗戀佢，冇錯，呢件事會發生係一年後既我身上。


我地第一次相遇，係黃大仙寺廟，以朋友個妹第一次認識。


冇諗過，呢個只係我地既故事開首。


命運既齒輪開始流動，我地既時間亦開始倒數。