搭錯線：錯誤的時間遇上你: 第二十七章：360度旋轉！

「哇，360度旋轉呀！」katy好興奮咁衝去排隊。
 
Kyle追住katy既背影跑過去。
 
「Hailey，你玩唔玩360度旋轉？」Felix突然問我。
 
「玩呀！點解你覺得我唔玩？我同Katy係遊樂場機動小隊。」我比出一個yeah既手勢。
 
「我平時都玩開㗎，哈哈哈」Felix乾笑咁講。
 




「係咪真㗎？」我望實felix對眼講。
 
「男子漢豈有胡言？」Felix突然以粵劇既聲音講。
 
「屌你男子漢，排隊啦！」我笑住拍felix既膊頭講。
 
啱啱好我地就行到360旋轉條隊尾，而kyle同katy係中間，啱啱好到佢地，可以上到去玩。
 
我轉過頭，同felix講：
 




「睇嚟我地想打尖都打唔到，佢地咁快就有得玩，早知我都跑過嚟！」我少少失落咁講。
 
Felix點點頭，一臉傻笑咁望住我。
 
我同felix對視左幾秒，我感覺兩頰發熱，於是就指上天講：「哇，今日真係好熱呀，哈哈哈….」
 
明明依家先1月，邊到熱啫！
 
我係到講乜野？
 




我感覺旁邊有一股微微既小風。
 
我旁向左邊，見到felix用手撥風比我。
 
「Felix唔洗啦，我依家唔熱…哎呀！」
 
Felix隻手恰巧劃過我個臉。
 
「Hailey你有冇事呀！Sorry, 我唔應該撥得咁大力！你塊臉紅左！」Felix焦慮咁講。
 
Felix既手靠近我既時候，前面隊伍啱啱好郁。
 
「Felix，依家到我地玩！」
 
我望住前面講，而冇轉過去後面望住felix講。




 
盧正希盧正希，一定係你多心！
 
Felix只係見我熱，身上冇風扇先會咁做。
 
同埋佢個人不嬲細心，上次仲請我食雞蛋仔。
 
.
「Hailey，你幫我睇下安全帶扣實未？」felix拉拉我衫角講。
 
我拉拉安全帶，個扣冇甩。
 
「你都見到冇甩，況且依家staff都過嚟check緊，你唔洗驚喎！」
 
「我冇驚，想確認下啫。」felix緊握住安全帶講。




 
「先生，我地依家要檢查安全帶扣實未。」staff啱啱好過嚟同felix講。
 
Felix緩緩放開安全帶，比staff檢查。
 
全程我捂住嘴巴咁笑。
 
Staff 檢查完felix條安全帶，就檢查埋餘下乘客。
 
「Felix，你係咪冇玩過機動遊戲？」我笑住咁問。
 
Felix依家低頭不語，冇應我。
 
唔通Felix真係冇玩過？咁360度旋轉對佢嚟講係越級挑戰。
 




我感覺架機開始郁，於是我急忙拋下呢句：「你陣間驚就閉上眼睛，好快落地！」
 
Felix果然緊閉雙眼。
 
機動遊戲開始旋轉。
 
天旋地轉，而係空中既離心力，令我非常興奮。
 
「Huuuu」我大聲歡呼。
 
「哇～屌你老母！屌呀！好撚恐怖呀！」旁邊傳嚟felix淒厲既叫聲。
 
依家先啱啱開始，仲未360度轉。
 
我有啲擔心felix頂唔頂得住。




 
「命運 命運 就算顛沛流離
命運就算 就算 曲折離奇
命運就算恐嚇著你做人沒趣味！呀！
別流淚！
心酸！
更不應捨棄！！！！！呀！」
 
？？？？
呢首咪李克勤同譚詠麟既紅日？
 
我第一次玩過山車，聽到有人唱歌，仲要係舊歌。
 
「呀呀呀呀呀呀呀呀！！！！！！！！！！！」
 
Felix之後一直都嗌，已經唱唔到歌。
 
就係咁樣，數分鐘過去，360度旋轉終於落地。
 
當安全帶解開，我離開座位後，只見Felix歪歪斜斜咁起身，我即刻伸手扶住佢。
 
「唔該….」felix 有氣無力講。
 
「你臉青唇白，搵個地方坐下好喎。」我緊皺眉頭咁講。
 
「Hailey felix你地玩完…felix你冇事呀嘛？」katy擔憂咁問。
 
Katy同kyle係出口等緊我地。
 
「Felix，平時叫你都唔玩既機動遊戲，今日竟然去左玩！」kyle一臉驚訝講。
 
「我諗felix要抖下先，不如你地兩個玩住先，我地陣間再匯合你地！」我同佢地兩個提議。
 
「好啦，咁我同卡卡玩住先，陣間你地2個ok再打比我。」katy望一望felix講。
 
「Felix你慢慢抖啦！」Kyle拍左felix肩膊，就同katy手拖手走左。
 
.
我同felix係附近小食檔搵左個位坐，我嗌左杯橙汁。
 
「你事先做咩同我講玩得機動遊戲？」我不解咁問felix。
 
「費事你掃興呀嘛….」felix好似一隻冇精神既狗仔，垂下頭講。
 
「360度旋轉唔係比初玩機動遊戲既人玩。如果你唔玩得，我地可以玩其他遊戲，唔一定玩機動遊戲！」
 
「咁我想同你玩….」
 
聽到呢句，我整個人愣住。
 
我腦海突然浮現返Christmas Party，felix講個句：「張相矇左唔緊要，最緊要同你影。」
 
「emm…問題係你玩完咁唔舒服，下次唔好啦。」
 
「知道啦。」felix點點頭講。
 
「依家好返啲未？」
 
「好左好多，體力恢復返都有7成！」felix露出手臂講。
 
「咁我依家叫katy同kyle過嚟食野啦！」
 
Felix啱啱張開嘴巴，下一秒又閉上嘴巴。
 
到底felix想講啲咩？咩說話令佢咁猶豫？
 
點知，felix支支吾吾講：「Hailey，頭先我玩360度旋轉個陣，你唔好記住。」
 
「你講你唱左上世紀李克勸同譚詠麟既紅日？」
 
原來要幫佢保守秘密。
 
仲以為佢有咩重要野講，嚇得我。
 
「係呀，特別唔好比kyle知，佢知實笑我，到時成個籃球隊都會知。」
 
「好啦好啦，應承你唔講。」
 
「要握手指尾先得。」Felix一臉認真咁講。
 
見到佢咁認真，伸出「六」字手勢，我只好伸出尾指。
 
我輕輕勾住felix尾指。
 
「拿，你應承左我，唔準反口！」felix真摰咁講。
 
「得啦得啦！」我笑住講。
 
Felix低頭笑左下，露出既孩子氣既笑容。
 
我微微一笑，希望我地關係就定格係呢個畫面，永遠不變。
 
只不過，關係既事並唔係一個人可以決定。
 
正如感情，連自己都控唔制，更遑論係人地既感情？