搭錯線：錯誤的時間遇上你: 第四十章：我有一個鍾意既人

「Hailey，頭先你同查sir講既野，我冇心聽到。只係你點解推左查sir event helper個位？咁難得既機會你地可以獨處。」
 
「今日我既班主任Miss Tsang搵我，話琴日訓導主任見到我同查sir一齊放學。查sir只係見搞到8點咁晏，加上佢都搭地鐵，所以我地先一齊行….」
 
「訓導同Miss Tsang咁唔講道理㗎！咁你唔理佢地咪得，反正你地都冇做錯！就算真係拍拖咁又點喎，佢地都奈你地唔何！」
 
「原本我都覺得冇問題。但Miss Tsang一句話令我好糾糾於懷，佢話….如果我唔理佢既勸告，查sir就會比人誤會，可能連老師都冇得做….」我嗚咽著講。
 
Katy拍拍我膊頭，比左張紙巾比我。
 




「我相信一定有解決既方法。如果booth個日唔係得你地2個的話，咁我過嚟幫手咪得！幾時選科講座？」
 
「你原本唔係唔得閒咩？」
 
「你就當我補償你幾日既心靈損失！況且你係我既好朋友，我點可以唔幫手？」
 
「多謝你呀！」
 
「咕嚕咕嚕….」Katy尷尬咁㩒住個肚。
 




「食飯啦！知你餓！」
 
「今日出去食飯，唔留係學校食飯啦。」
 
「你唔洗見kyle咩？」
 
「我唔可以因為拍拖，而忽略身邊既朋友㗎嘛！今日要食譚仔！好掛住土匪雞翼！」
.
我同 Katy 食完 lunch，就慢慢行返去學校。
 




遠處傳嚟幾聲「砰砰」的拍球聲，我一抬頭，就見到熟悉既身影——Felix 正準備起手投籃。
 
佢雙膝微屈，右手穩穩托住籃球，眼神專注，身形在陽光下拉出一道清晰剪影。
 
「唰——」
 
籃球乾淨俐落咁入網，冇半點拖泥帶水，全場即刻爆出歡呼聲。
 
我突然醒起，個日felix話有重要野同我講，話有個女仔幫佢執銀包。
 
雖然我諗唔明點解係重要野，不過我都想問清楚Felix。
 
Kyle 喊住：「Katy！仲有Hailey！喂，各位停停波先！」
 
「哇，kyle有異性冇人性」其中一個隊友講。




 
「喂，kyle，午息仲有10分鐘，我地不如提早換衫返班房！」另一個隊友提議。
 
「果然係好兄弟！」Kyle 講完，就朝籃底嗌：「Felix，過嚟啦！」
 
我抬起頭，見到 Felix 頭先仲喺度練緊投籃，佢聽到聲音，停低動作，望住我哋方向愣咗一秒。
 
佢冇即刻行過嚟，而係拎住個波，低頭諗咗陣，先慢慢一步一步咁行埋嚟。
 
佢個神情有啲怪，唔似平時笑笑口咁 ，反而有啲遲疑，甚至可以話——唔自在。
 
Kyle 搭住佢膊頭，話咗幾句我聽唔清楚嘅說話。Felix 像係默默點咗下頭，但表情仲係好複雜，眉微皺，嘴角扯起一個勉強嘅弧度。
 
佢一邊行近我，一邊攞手碌住籃球，似乎係想掩飾緊自己內心嘅不安。
 




我冇出聲，只係望住佢一步步行過嚟。唔知點解，嗰一刻我心入面有啲悶——有種感覺，好似有啲唔係咁簡單。
 
「Hi felix！你啱啱投籃好精彩！我想問呢…個日我地一齊放學，你話有重要野，係關於一個執銀包既女仔。」
 
「係呀…個執銀包既女仔就係….一個我暗戀緊既女仔。」Felix緩緩咁講。
 
Felix暗戀緊一個女仔？
 
Felix愣咗一下，眼神閃避得好明顯，然後笑得有啲扭曲：「係呀…個執銀包嘅女仔就係…一個我暗戀緊嘅人。」
 
唔通一直以嚟，Felix唔係鍾意我，純粹對我好？
 
「咁你嗰陣同我講，有重要事，係想講你有暗戀嘅人？」我語氣變得淡淡地，眼神直望住佢。
 
佢點咗下頭，然後話：「係呀！Hailey，我同你咁熟，你知唔知點樣去追女仔？」




 
我心入面浮起一種奇怪嘅感覺，好似一啖氣卡住喉嚨咁。
 
「每個女仔都唔同，我好難答你喎。」我盡量控制住語氣，唔想顯得自己太敏感。
 
「仲有，你點解唔問下Katy？或者佢都幫到你呢！」
 
Kyle插咗句：「Hailey，Felix鍾意嗰個女仔其實我都見過，我覺得佢個氣質同你有啲似，反而Katy就未必幫到手。」
 
我一愣，轉頭望住Kyle，又望返Felix。
 
「不過我見Felix之前對Hailey咁好，我仲以為Felix係鍾意Hailey。」Katy輕輕一講，並望住我。
 
Felix望住地面冇出聲，只係拎住個波，手指不停轉緊，像係焦躁、又像係唔敢望我。
 




「Hailey，你會唔會幫我呢個忙？」佢輕聲問。
 
身為朋友，呢個時候我冇拒絕既理由，於是我應：「咁…好啦。」