搭錯線：錯誤的時間遇上你: 第四十四章：相信
自從個日之後，我同Felix只剩下ig互相追蹤既關係。
Felix除左po同fd玩既日常，出乎意外地po多左讀書既日常。
Felix冇因為感情失利而頹廢，反而比以前更加努力，令我放下心頭大石。
與此同時，我同Katy講左Felix既事。
佢當時講左其中一句話：「Hailey平時都好少拒絕人，有咩苦你都自己受，學識拒絕對你同Felix都係好事。」
呢句話令我相信，我做緊正確既事。
最近考完mock之後，等緊派卷既日子，就到中三選科講座。
星期六，我同katy 都返到學校幫手。
「Hailey，點解3月咁都咁凍！你淨係著外套就夠啦？」Katy搓搓手講。
「我覺得還好啦，你仲要戴埋頸巾？」我驚訝咁問。
「天氣預報話今日日夜溫差大，朝早20度，而夜晚跌到得12度，到時你凍，我唔會借頸巾比你㗎！」Katy調整頸巾位置講。
「今日溫度有冇咁誇張呀？我依家仲覺得有啲熱添。」講完呢句，我就除下外套，淨係長袖襯衫。
Katy用瞪大雙眼望住我，一臉難以置信既樣。
「去Hall啦！」我已經唔想理Katy。
.
去到Hall，我同Katy分開兩邊，係櫈前面癡QR Code，等家長同同學下載 leaflet。
呢個時候同學同家長唔算多，但我見到felix坐左右邊，同緊kyle講野。
遠處見到felix，真心覺得有啲尷尬，冇諗過佢地咁早到。
「Hailey 你去左邊，kyle坐左係右邊！」katy興奮咁講。
我放鬆咁點點頭。
我同katy派完leaflet 就返後台，當查利揚present個陣，我地就負責㩒ppt。
依家開始各科既簡介：生物、化學、物理、經濟、會計……文科永遠都後過理科同商科。
唔知係咪因為遲出場，查利揚依家都未出現。
以我認識既查利揚，佢一定係準時，甚至提前到。
「Katy，你有冇見過查sir？」Katy班主任Miss cho問。
「冇呀，Miss Cho 發生咩事？」Katy問。
「唉，我地打電話都搵唔到佢，你地試下搵佢。睇嚟run down要改改，將中史放到最後。」Miss cho拋下呢句就急忙走左。
「我負責打比佢！」我同Katy講。
「嘟嘟嘟….你所打既電話暫時未能接通，請遲啲再打過啦….」
查利揚發生咩事？佢到底係邊？
我地除左係學校見面，私下佢wts教我中史，有時講下笑之外，原來我對老師以外既查利揚，全然一概不知。
儘管我心急如焚，卻無能為力，就好似熱鍋上既螞蟻跑嚟跑去，但無法逃走。
如果查利揚冇出現，我可以點做？
我腦海突然閃過一段回憶。
個日放學留低準備選科講座個陣，我見到查利揚緊皺眉頭，似乎有野煩惱緊。
「查sir你係到做緊咩？」我拱起頭湊近電腦望。
「我搵緊有趣而又可以介紹中史既短片。」查利揚專心睇緊youtube講。
「查sir你有冇睇開 叫『河馬9 up』既youtube channel？」
「冇呀，個channel講咩？」
「個channel係我地學生個邊好受歡迎，關於搞笑影片，不過佢入面有段片講過中史，都幾有趣，我開比你睇下！」
我靠近鍵盤，打出關鍵字，然後㩒左段片比查利揚睇。
查利揚睇左段片一陣，眉頭逐漸舒展起嚟。
「呢段片真係唔錯，簡單易明，應該真係可以令同學對中史科有興趣，我可以講完ppt，將佢放係最後當補充。」查利揚微笑住講，眼神透出一份認真同欣賞，「Hailey，真係多謝你呀。」
「最緊要幫到查sir啫！」我咧嘴笑住講。
我相信查sir一定會返嚟，因為佢用左好多時間同心血去準備內容。
依家講到VA，下科就係中史。
「我搵左Miss Chung過嚟講中史。」Miss Cho講。
「查sir話佢5分鐘之後就返嚟！」我啱啱收到wts msg講。
Miss Cho木無表情講：
「佢慢慢返都唔緊要，反正我已經搵到老師頂佢。」
「我地可以先播片，比同學了解中史科，查sir到時都返到嚟，可以接住講。」我語氣帶點焦急咁講。
「如果播完片佢都未返到，Miss Chung會代佢講晒。」Miss Cho唔耐煩咁講。
VA老師啱啱講完，我就示意Katy播片。
「喂，Hailey，得唔得㗎？佢真係會返？」katy輕聲猶豫咁問。
「查sir唔會冇責任感既人，佢一定會返嚟。」我堅定咁講。
「Sorry, Miss Cho, 屋企發生左啲急事，所以遲到，造成你麻煩真係唔好意思！」查利揚急忙咁講。
聽到熟悉既聲音，我望向旁邊，查利揚向我報以微笑。
我就知道，你一定會返嚟。
「查sir唔會冇責任感既人，佢一定會返嚟。」我堅定咁講。
「Sorry, Miss Cho, 屋企發生左啲急事，所以遲到，造成你麻煩真係唔好意思！」查利揚急忙咁講。
聽到熟悉既聲音，我望向旁邊，查利揚向我報以微笑。
我就知道，你一定會返嚟。
因為你一直都係我信得過既人。