搭錯線：錯誤的時間遇上你: 第四十五章：八年差別

「查sir你返嚟就啱，咁我走先。」Miss Chung講完就走左。
 
「真係唔好意思Miss Chung！」查利揚帶點抱歉咁講。
 
Miss Cho一言不發，整理run down。
 
查利揚就望住note card，整理一陣要講既內容。
 
播完片段之後，查利揚就出嚟同家長同同學介紹中史科既前景同修讀內容。
 




「大家啱啱睇完片，相信對中史科有初步既認識….」查利揚望住台下既觀眾講。
 
我一邊聽住查利揚講野，一邊點點頭，完全唔覺得呢個係令人無聊既選修科介紹。
 
「最後，小王子講過：只有用心先能夠睇得清楚，眼睛係睇唔到本質既。理科同商科出路好多，中史一般大家認為出路較窄。
 
但如果我地用心睇，除左出路，更大得益係你係中史科學到既知識，係其他科冇辦法學到，例如以古鑑今既視野、管理、行政等等。
 
呢啲知識會慢慢改變我地既思維方式，你係未必即時可以感受到。不過我相信修讀中史科，一定可以幫你地用另一個角度睇世界，而且可以搵到屬於自己方向，甚至可以成為理想中既自己。」
 




只有用心先能夠睇得清楚，眼睛係睇唔到本質？
 
我不斷思考呢句說話既意思，因為我地平時一般用眼睛去睇世界，眼睛代表主流諗法，好多人都覺得一定要讀理科商科先有出路，視文科為乞食科。
 
如果我地試下用心感受世界，長遠睇所謂既乞食科，其實都可以幫助我地成長，有冇用並唔係淨係以出路作判斷。
 
見到台上面發言既查利揚，身處後台既我覺得佢閃閃發光。
 
唔知點解，個刻我心入面湧起一股熱流，好似有啲重要嘅嘢，悄悄萌芽緊。
 




我輕輕按住胸口——
 
我都想成為一個，好似佢咁有魅力、咁令人信服嘅大人。
.
「有請家長同同學稍移玉步，去活動室會更詳盡既選科資訊。」
 
由於中史科變左最後一科，所以其他electives既老師同同學已經一早去左活動室。
 
我同Katy急忙跑去活動室set場。
 
我同katy 合力推活動展版去活動室，但仲有一疊書籤放左係中史班房，於是我就去拎。
 
我拎完之後，就行樓梯落返去。
 
樓梯間，熟悉既身影映入眼簾，我定住咗，迎面而嚟既人係查利揚。




 
「Hailey，我聽Katy講你上嚟拎書籤，你一個人拎會唔會太重？」查利揚伸出手，想接下我手上既小紙箱。
 
「查sir呢個好小事啫，我自己拎得啦。」
紙箱我拎得起，唔算重，同埋我唔想成日要查利揚幫我，咁小既事我都可以一個人做到。
 
查利揚微微一笑，然後縮手。
 
我地都沉默左一陣，於是我打開話題。
 
「查sir，我今日都係見你第一次遲到，平時你都好準時。」
 
「屋企有急事，對於小朋友好難理解。」查利揚淡淡一笑講。
 
就算我比唔到實際建議比你，起碼我都可以聆聽你既困難，再去安慰你。




 
「點解你成日都話我係小朋友？」我冷冷咁講。
 
「咁你係我學生，又係Hazel妹妹，我同你差…8年。」查利揚數數手指咁講。
 
「係你眼中，我永遠都係成日都要人幫既小妹妹。」我輕聲講。
 
查利揚望住我，神情一怔，似乎想講啲咩，嘴唇動咗動——
 
「其實……」