搭錯線：錯誤的時間遇上你: 第五十五章：我係老師，你係學生

「Katy 你冇野呀嘛？」我擔心咁問。
 
「頭先James真係好過分，我冇諗過我冇比牛油蜂蜜味薯片比佢，佢竟然串我囉！我都比左燒烤味比佢啦！」
 
「咁佢點串你？」
 
「唉，成件事係咁既….」Katy開始憶述頭先所發生既事。
.
「喂，James，薯片比左你，你唔好計我利息啦，要我買多包薯片啦！」Katy 放左包薯片係James枱上。
 




「鍾海淇，我都話左要蜂蜜牛油味，不過有薯片，食住先！聽日記得買過包比我！」James 笑笑口咁講。
 
「喂，你唔好咁過分喎！我都比左薯片比你，你仲要我買過包？」
 
「我上個星期已經同你講左，你拖左成個星期比我都算，仲要唔係我指定要既味，你諗下你之前贏我咁多次，你要既野，朱古力、薯片，甚至你有次玩野既眼鏡糖，我有邊次唔係準時比，同埋照足你要求買。」
 
「你唔好咁文塞啦！有得食你咪食囉！」
 
「鍾海淇，你理解能力差左咁多！你係咪之前拍拖拍到個人蠢晒呀？所以今次Test都考衰埋？我一直講得好清楚，係要蜂蜜牛油味既薯片。」
 




「詹日信，我忍夠你！」Katy踢左James一腳。
.
「件事就係咁樣囉！你話James係咪過分，無啦啦人身攻擊我，仲要拎我以前拍拖啲野嚟講！」
 
「今次James的確過分左啲…」
 
「同你講，今次我一定唔理James！」
 
印象中Katy同James有時都會鬧交，只係佢地唔會當日和好，隔幾日先會和好。
 




因為我有時同Katy一齊放學，Katy收到James wts msg，James問Katy點解嬲，邊到令佢唔開心，然後Say sorry，當然Katy都會有主動Say sorry既時候。
 
「不過James咁串，平時見佢一個人多，點解你地中一去到依家都咁FD？」
 
「依家唔FD啦！你都知我地成績不嬲差唔多，中一到依家都一齊上學校增進班，好難唔熟。」
 
「只不過學校增進班唔只你地兩個，仲有其他人㗎嘛！」
 
「咪講佢啦，講起佢就煩。你個Gucci 佢冇收？」Katy望住我手上既盒講。
 
因為走廊好多人，Katy唔講查Sir個名。
 
「我真係唔知佢想點，佢頭先講明我地依家既關係。老實講，有時佢對我好Warm，感覺好似我係最特別既一個，轉頭佢就比屎我食，我都唔明點解佢會發火。佢成日忽冷忽熱，我真心好難適應佢個種節奏，同時我唔了解佢，好多時我都要估佢諗咩，甚至我覺得，佢根本對我冇Feel。」
 
「我見到你就覺得攰，感情呢樣野，永遠都令人最煩惱，仲煩過我計數！」




 
「我有啲想放棄…」我嘆左口氣講。
 
Katy望住我，無奈笑一笑，好似唔太相信我所講既野。
.
自從個一日之後，我同查利揚既關係，就剩返師生關係。
 
「科長，麻煩派簿。」
 
「好呀，唔該查Sir。」
 
「科長，收齊功課未？」
 
「仲差Tracy同Kelvin，我會問佢地追返，如果落堂前比唔到你，我會放簿櫃，到時麻煩查Sir你去拎，唔該。」
 




平時如果收唔齊功課，特別係落堂前收唔到，我會去教員室親自交比查利揚。
 
「查Sir，田制呢度有野唔明。」
 
以前既我會私下Wts揾佢，想多啲交流，同埋可以知啲查利揚依家做緊咩。
依家既我，上堂個陣會直接問佢。
 
而查利揚當然會答我，仲會講：「你可以睇我比既評語，入面有寫你問到既野。」
 
「我睇唔明所以先問你。」
 
佢啲字係黑板係正常睇得明既，但改功課啲字又多又潦草，好難睇得明，好多時候我唔睇佢評語，直接問佢本人。
 
咁你話，點解我唔同查利揚講？因為佢啲字好潦，潦到我睇唔明。
 




唔係我冇講過，而係佢意見接受，態度照舊。
 
佢係老師，有責任答學生問題。身為學生，有唔明當然要問。
 
不經不覺，季節悄悄翻頁，秋天由序章走到尾聲。
 
意想不到我地第二次以非師生關係見面，會係家姐婚禮上。