搭錯線：錯誤的時間遇上你: 第五十九章：混亂中的答案

星期六，study gp約左係自修室溫書。
 
人數方面，比我想像中多左一個人。
 
校外既 James 少了校服既呆板，換上一件休閒外套，襯得佢整個人更高挑有型。
 
「都同你講左study group係全女班，都唔明點解你之前死都話要join, 依家出嚟就黑口黑面！」katy睥住James 講。
 
「比我想像中多人，仲有其他人到未？」james唔耐煩咁講。
 




「等下先啦！」katy講。
 
「等人真係晒時間，5分鐘已經做到好多野！」James望一望手機顯示既時間講。
 
「唔好意思，我嚟遲左。」Alice講。
 
校外的 Alice，少了校服的拘謹，冇課堂上那種安靜乖巧既氣質，取而代之既係青春既朝氣與親和力，像一陣帶著花香的風。
 
James見到Alice，就同katy講：「再唔入去自修室就冇位！」
 




「Irene同cindy未嚟！等埋佢地先啦！」katy講。
 
「我地幫佢霸位？」Alice 提議。
 
「我覺得都可以，katy你點睇？」我講。
 
「咁好啦！」katy講完，我地一齊入自修室。
 
但係自修室好多人，我地好難搵到連位，於是我地分開坐。
 




我同Alice坐隔離，mimi, katy同james一齊坐，坐係我同Alice 後面。
 
「喂喂，katy你睇下，程人富呢個ig post超好笑。」mimi細聲講。
 
「你溫左數未，你同我講話probability 唔識做既。」katy講。
 
「睇埋先再做啦！」
 
「我要做埋呢題先，你自己睇啦！」
 
「大家好，各位小薯茄。我係今次薯茄辯論裁判阿冰….」
 
Mimi 嘅 YouTube 聲突然播出，全場側目，尷尬氣氛甚濃。James 冷冷瞄咗一眼，唇線抿直，冇出聲，但眉心鎖緊。
 
「Mimi，你啲聲播晒出嚟。」katy提醒mimi。




 
Mimi即刻停左段片，尷尬笑一笑。
 
就係咁樣，過左3個鐘，我地諗住出去食lunch，食完返嚟繼續溫。
 
「各位，我陣間約左人，唔同你地繼續溫啦，下次再一齊溫啦！」mimi講。
 
「好呀，拜拜！」irene 講。
 
「呢個mimi都唔係嚟溫書，仲阻住我溫書！」James抱怨咁講。
 
「我都唔知佢會咁㗎….」katy無奈咁講。
 
「下次再比我見到呢個mimi，我唔會嚟囉！」
 




「算啦，可能佢之後唔會咁呢～」我講。
 
「你點知佢之後唔會咁？你同佢好熟咩？」james反問我。
 
我一時語塞，唔知點應james，因為佢講既都係事實。
 
「詹日信，你唔鍾意就唔好嚟，冇人逼你，仲要將啲怨氣發泄落Hailey到！」katy不滿咁講。
 
「我邊有話佢呀？鍾海淇，你唔好成日曲解我意思喎！」james都話返katy。
 
呢個氣氛感覺一觸即發，就嚟第3次世界大戰。
 
「好大陣火藥味，估唔到出到嚟都會見到佢地嘈架。」cindy細聲咁講。
 
「佢地平時係班房都嘈唔少，不過佢地好神奇，嘈極都仲係fd，仲要james個人都幾難相處。」irene講。




 
「你唔鍾意同我地溫書，依家咪返自修室執野走囉！我都唔明點解你當初會話嚟！」katy講。
 
「算啦，唔想同你嘈！」james 講。
 
之後我地一齊食lunch，食完再返去自修室溫書。
 
Alice皺住眉頭，細聲問我：「Hailey，你識唔識做呢條？『試以《論語》一句，說明今人仍能從中獲益之處。』我完全唔知點寫呢句。」
 
我湊埋去望一望題目：「咁咪可以用『三人行，必有我師焉』囉，你平時成日都問人啲功課，就啱用呢句。」
 
Alice忍唔住笑：「喂，你咁講，好似我成日唔識咁呀！」
 
「你唔識嗰陣咪就問我囉，證明你知自己有不足，肯學，就係個優點嚟。」我邊講邊幫佢圈低關鍵字。
 




「嘩，Hailey你啲例子幾實用喎，怪唔之得你成日中文高分。」Alice抿住嘴笑，眼神閃過一絲佩服。
 
「只要溫書個陣理解左啲內容，自然唔難答。你記住唔好死記硬背，理解清楚題目問咩，自然就可以高分。」我笑住咁答。
 
「Hailey你又知我死記硬背，有啲人識讀書但唔識教人，好似佢咁。」Alice 用筆指向後面，明顯講緊James，然後繼續講：「你識讀書之餘仲識教人，我覺得你好啱做老師，仲要係好老師！」
 
曾經既我都係死記硬背既人，係查利揚教識左我，要理解內容，先係拎高分既秘訣。
 
原本我係因為鍾意佢，崇拜佢，而想做老師，但依家既我，發現教識一個人，原來係咁有成功感。
 
呢種感覺令我萌生想做老師既念頭，係屬於我本人，我享受教人既滿足感，同埋幫到人我覺得好開心。