搭錯線：錯誤的時間遇上你: 第三十六章：崩解

我接下電話，第一句就講：「喂，又係你呀！」
 
電話對面既人靜左幾秒，然後講：「Hailey，我打左好多個電話比你，你點解唔聽我電話？」
 
我望望手機screen，原來係katy打比我。
 
「Errr sorry，頭先幫查sir整緊board，今日我整親手，查sir親自幫我包紮傷口！」
 
「你整board 整咁耐？5分鐘前你仲整緊board？」katy冷淡回覆。
 




「頭先felix囉，拉我上車，繁忙時間你都知幾多人幾逼，變左沙甸魚lu」我忍唔住望向隔離既Felix。
 
對話另一邊廂靜左。
 
「喂？Katy？你打過嚟搵我咩事？」
 
「我可能就嚟分手。」
 
「你同kyle發生咩事？」
 




「佢同啲ex糾纏不清，而且同我拍拖個陣，仲同其他女仔單獨出街。」
 
「你唔好唔開心啦，我講個笑話比你聽，孔子搭飛機個陣，會係到做咩？」
 
對話迎來一片沉默。
 
「係空中『儒家』，哈哈哈」我強行歡笑。
 
「個笑話係咪felix同你講？」
 




「係呀….唔好笑咩？咁我再諗個….」
 
「你一定好開心啦，felix成日講笑話比你聽，查sir幫你包傷口，佢對你真係特別唔同，如果我係你就好….」
 
「你係到講咩？」
 
「我覺得Felix 好慘。」
 
「點解？」
 
「因為你望都唔望佢，淨係望查sir，就好似我咁，淨係得我望kyle，佢心入面根本冇我。」
 
「你都知我鍾意查sir，仲有你同kyle都已經拍緊拖，你地有咩唔啱咪同對方講。」我壓低自己聲量，以免Felix聽到。
 
「你鍾意查sir，咁你aia又收felix隻公仔？」




 
「咁係佢送比我，我可以唔要咩？」
 
「我係想講Felix 一直都對你好好，但你就拖住人地，佢午息原本要去補做功課，佢一見到我一個人嚟班房，就問我你係邊，然而你一直知佢對你有意思，你根本就享受曖昧關係，淨係接受人地對你既好。」
 
我當時聽到呆左，冇諗過我親近既朋友會咁諗我。
 
「咁呢啲係我同felix兩個人既事，我會處理。」我冷冷咁講。
 
「你依家都有felix同查sir啦，我既男朋友望都唔望我，仲有個笑話一啲都唔好笑。算啦，我唔想同你講，講完你都唔明。」
 
「嘟嘟嘟嘟….」Katy收左線。
 
聽完Katy既控訴，我眼睛充滿住淚水，估唔到Katy原來一直咁睇我。
 




我原本只係想同felix做朋友，冇諗過佢特登走午息留堂，過嚟圖書館搵我。
 
我望向旁邊不知所措既Felix，終於諗得明，一個上堂都會瞓覺既人，又點會嚟圖書館睇書，仲要咁啱又撞到我。
 
最令我難以置信既係，我同Katy係無所不談既朋友，原來佢都對我有所不滿。
 
「Hailey你冇事呀嘛？」Felix擔心咁問。
 
「我冇事，頭先….你係咪聽到晒？」我揉揉眼睛講。
 
「你想我聽到定聽唔到？」Felix 温柔咁問。
 
「所以你聽到晒？」我驚慌咁問。
 
車水馬龍既月台上，我地卻是沉默。




 
「Sorry，我諗我要一個人靜下先，你頭先仲想講啲咩野？」我低頭講。
 
「冇野啦，下次先講，都唔係好重要啫！」講完之後，Felix 行左去月台等車。
 
而我只係緩緩咁行返去屋企。
 
我認識既Katy係好開朗同健談既人，記得啱啱升上嚟呢間學校，我身邊一個識得既人都冇。
 
個陣既我成日一個人坐係位到做功課，咁啱個陣Katy坐我隔離，佢就成日搵我傾偈，我先逐漸適應中學既生活。
 
我淨係知，我唔想失去呢個好朋友。