搭錯線：錯誤的時間遇上你: 第六十二章：查利揚的缺點
係Hall睇完表演之後，我地就返去班房。
同朋友影相既同時，我東張西望，尋找熟悉既背影。
「Hailey，幫我同james影相。」katy大喊。
Katy做出yeah手勢，而James 就係katy頭頂做牛角尖手勢。
我見到忍唔住笑左出嚟，katy就向james既肚打左一拳。
「詹日信，我就知你主動搵我影相都冇咩好野，話最後一年，我地平時都好少影相，結果又玩我！」
「唔好意思囉，我地認真影一次啦！」
「咩我地，係你一個人！」Katy仍然笑容滿面，繼續講：「又話認真影？快啲啦！」
Katy拉住james，笑容卻變得僵硬。
「Katy，我地可唔可以影返張相。」
我望向身後既人，係kyle。
「唔得喎，我同katy有排影，遲嚟既排隊啦！」james奸笑咁講。
Kyle冇理會james，佢越過我，行近katy。
「Katy, 我….」
「唔影，乜我同你好熟咩？」
「Katy，我知係我錯。」
「即係你之前一直都唔知。」
「你唔記得我地拍拖個陣好幸福咩？」
「呢度咁多人，你唔係打尖呀嘛？都話左我同katy要影相，katy仲有好多人都排緊隊同佢影相，幾時輪到你呀？」James突然插入佢地對話，同時擋係katy身前。
「Katy…我」kyle 支支吾吾，而katy更係怒目相向。
我狠狠望住kyle，畢竟佢hurt得katy咁深，仲有面皮嚟搵佢？
Kyle只好離去，katy亦都鬆一口氣。
「喂james，頭先唔該晒喎。」katy 講。
「影相啦！我地都冇認真影過相。」james回應。
此時katy笑得好開懷，james望住佢都笑得好開心。
見到呢一幕，我都忍唔住幫佢地影低左。
「喂，我地擺咩pose 好？」katy苦惱咁講。
「唔洗擺pose啦，就呢張啦。」我將啱啱既相比james同kyle睇。
「咦，Hailey 你影得好好睇喎。」katy睇到張相，覺得好滿意。
「係喎，唔該晒你！你係咪要搵其他人影相？」james問。
「係呀，我想搵查sir影相，你地知唔知佢係邊？」
「搵老師梗係去教員室，我地學生都唔會知老師係邊到出沒。」james 講。
「你都講得啱既…純粹今朝去教員室搵唔到佢。」
「最多我見到查sir， wts同你講聲。」james講。
「好啦。」我有啲灰心咁講。
我再落去教員室搵佢，叫左2次咪佢都冇出嚟。
當我上樓梯既途中，係樓梯間既窿，我見到查利揚上緊樓梯，我急忙落樓梯，想追住上緊嚟既查利揚。
我同查sir既距離越嚟越近，下一個樓梯口實可以見到佢。
「查sir…」到嘴邊既說話，卻吞入肚中。
因為一轉角，我就見到查sir同緊Miss Tsang講野。
我只好急忙上返樓梯。
「Hailey，我地都仲未影相，你頭先去左邊呀！」Alice 拉住我講。
「頭先去左教員室搵查sir，諗住同佢影相啫。」
「Christmas Party邊有咁易搵到老師，特別冇做班主任個啲，都唔會知佢地係邊。Hailey望鏡頭笑啦～」Alice拎起手機講。
我只好努力牽起嘴角，符合返Christmas Party愉快既氣氛。
.
最後一年既Christmas Party，即使夠鐘走，大家都覺得仲係唔夠時間，要同晒所有識既人影相咁滯。
我帶住落寞既腳步，去樓下小賣部，等埋katy先再走。
突然我見到查sir係校務處出嚟，仲行向小賣部方向。
我急忙跑去小賣部，扮係個到買野。
「唔該姨姨，想要5粒燒賣，唔要辣油。」
姨姨就比左一袋燒賣比我。
「咦Hailey，咁啱既？」查利揚驚訝咁講。
一半既巧合，一半既刻意。
「係呀，查sir咁啱既，你都落嚟買野食呀？」
「我過嚟係買熱齋啡。」
「又買齋啡？查sir你真係好鍾意飲齋啡喎！」
「典解你日日都忍齋啡？你真係好鍾意飲齋啡喎！」突然腦海發現一片婚禮既碎片。
「習慣啫。」眼前既查利揚笑住講。
「我唔飲就會好辛苦，每一日會好難度過。」腦海中既查利揚苦笑講。
點解同一句野，反應都咁唔同。
唔通平時既查利揚，都習慣講大話？
「查sir你今日忙緊咩？Christmas Party都唔見你既？」
「我忙住搞留堂班，之後就做野。」查利揚伸懶腰講。
「今日我都未同你影相。」我笑住咁講。
「咁我地依家影返張？」
「好呀」講完呢句，我將燒賣放低係枱，同時查利揚就拎起佢部手機。
乜唔係用我部手機影咩？
一般學生問老師影相時候，往往都係由學生拎起手機影相。
「321 笑！」
我地都對鏡頭微笑，同時自拍相框比較細，我地都貼得比較埋。
「我wts sd比你。」查利揚講完，就買熱齋啡。
我滿心歡喜咁打開wts，只見到影得好靚仔既查利揚，同埋…
影得臉大又笑得奇怪既我！！！！！
睇嚟查利揚既缺點，就係唔識影相…..