搭錯線：錯誤的時間遇上你: 第六十八章：查利揚視角（3）——心底的第一位
「叮啷！」我感覺頭皮發熱。
我見到Charlotte 手握湯匙，然後無奈咁講：「你肯定有心事，黑眼圈大咁大，頭先遊晒魂，我講到邊你都唔知啦！見你8月得閒，約出嚟飲野，狀態仲差過平時收工。」
「我覺得我呃到全世界既人，都呃唔到你。」我苦笑咁講。
Charlotte 扶起下巴，側頭凝住我，雙眼帶住幾分審視，講：「男人一係煩錢，一係煩女人。你肯定煩女人，唔洗講都知，如果我冇估錯，係Hazel妹個Hailey？」
我一言不發，拎起手上既雞尾酒，一飲而盡。
Charlotte 見狀，手指無聲無息敲咗兩下枱面，神情轉嚴肅，目光變得銳利：「之前Hazel
婚禮，你望住Hailey個眼神，係我從來係你身上都冇見過。個陣我已經同你講，叫你放低對佢既感情。」
「我唔係冇試過，你根本就唔明！你有試過愛人咩？」我冇謂多講，再飲多杯酒，之後就僕左係張枱到。
Christmas Party之後，我就開始想同Hailey拉開距離。即使佢sd左msg比我，我都唔再係秒回。
加上Christmas 之後，我收到Hazel 既msg。
「查理～平時Hailey係咪成日煩住你，就連Christmas佢都sd
msg比你😂」
「唔緊要，老師星期六日不嬲都要覆msg，你都知老師冇私人時間。」
「不過，我覺得Hailey好似對你有啲唔同….」
「我同Hailey只會係師生關係。」
「其他人我唔夠膽講，但係你係查利揚，個妹比你睇住我就100%放心！不過你唔好因為我，佢做錯野都包庇佢，甚至唔鬧佢，你做返老師就得！」
Hazel因為我既回答而放心晒，我個心亦都開始混亂。
無論我對Hailey係有咩感情，呢種感情只可以係老師對學生。
Hailey遲到，鬧；上堂傾偈，鬧；留堂班同felix玩，鬧。
只係第3次鬧，Hailey反駁我話我唔捉其他人，偏偏針對佢。
係佢身上，我經常見到寶石般閃閃發光既藍色瞳孔，就同細妹一樣，但依家我見到係冷酷既雙眼。
胸口突然悶悶地，可能班房太焗。
每次見到Hailey同Felix一齊，我硬係講唔出既奇怪。
明明Hailey同返差唔多年紀既人玩，係好正常既事，點解我總係想叫走Hailey，等佢唔好同Felix獨處？
Hailey同Felix有傾有笑，身影逐漸遠去，只有我停留係原地。
「喂喂喂！醒啦！」冰冷觸感拍向臉龐，我迷糊之中抬頭一望，見到Charlotte
皺住眉頭，手握住酒樽，神情帶點惱火。
「你呀！」佢眼角帶火，卻又壓低聲線：「有咩心事講出嚟，唔好成日一個人收埋係心到！」
「就算我講完，對件事都冇幫助….」我繼續僕係張枱講。
「喂呀！起身呀！」Charlotte 係咁拉我起身。
「你到底想點？」我有啲唔耐煩咁講。
我只係想靜下。
「帶你去個地方！」Charlotte一臉認真咁講。
.
不出我所料，佢帶我上山，仲要係大帽山。
「你唔係想講，係山大嗌一下就會好啲？」我無奈咁講。
我調轉頭，正打算往山下走。
但 Charlotte 快步跨前一步，伸出手臂橫攔住我，動作乾脆俐落，眼神帶住一絲責怪。
「唔嗌唔緊要，一場嚟到，行埋上去當做運動。」佢講嘅時候，嘴角微微勾起一抹挑釁似嘅笑意，仿佛話：「你唔會咁快投降掛？」
「做運動朝早做都可以。」我斜望住佢，語氣中透出無奈。
Charlotte 眉毛一挑，雙眼直直盯住我，語速加快：「你夜晚都失眠，學你平時講，你比人多12個鐘，要善用時間，加上做運動有助睡眠，結論係夜晚行山利大於弊。」
我反駁：「夜晚行，你唔驚昆蟲咩？到時你都係搵我打。」
Charlotte 卻笑咗出嚟，眉眼一彎，語氣帶點調皮：「所以呢～你咪要同我行！行到觀景台就完！」
之後Charlotte 拉住我手腕，我地一齊行上去。
旁人眼中Charlotte 總係嚴肅正經，做事一絲不苟，實際佢內心仍然係一個小朋友。
.
行左一段時間，我地終於到觀景台。
風輕輕拂過面頰，夜空泛著微光，意外地清涼。
「夜晚行山係咪別有一番感受呢～」Charlotte 側過身，望住我，接住講：「行山一定要訂立一個目標，你只要向目標前進，心無雜念，自然可以快啲完成目標，享受風景。」
「你意思係我要訂立目標？」
Charlotte 沒有即時答，只是側頭注視住遠方山巒，眼神銳利得好似在審視天邊。然後她慢慢回過神，語速沉穩清晰：「無論係人定係事，你唔可以無方向咁行，否則就會迷路。」
我腦海突然浮現出 Hailey 既模樣，她用水靈靈既眼睛望住我，等我解答。下一秒，影像卻同細妹重疊——同樣閃爍的眼神，卻再無法觸碰。胸口一陣窒息，好似有冷風直鑽入心口。
「查Sir，你今年學生成績咁好，校長應該會睇好你，如果未來你再教多幾多5**學生，科主任都有得你做！」Miss Tsang 既聲音忽然係我腦海中響起。
我望向前方黑壓壓的夜景，語氣低沉而篤定：「我搵到新目標。」
「咁先係我識既查利揚。」Charlotte 輕輕拍我既膊頭。
科主任係我第二位，我既第一位始終都係佢……