搭錯線：錯誤的時間遇上你: 第七十章：查利揚視角（5）——無條件的信任

一到學校，我馬上奔跑到禮堂後台。
 
我見到Hailey 同Miss Chung對峙。
 
「查sir唔會冇責任感既人，佢一定會返嚟。」Hailey 篤定講。
 
個一刻，我愣在原地。
 
當我都懷疑自己係咪可以趕得切講座——原來有人係可以無條件相信自己。
 




心中有一股暖流，即使寒風吹過，我亦感到溫暖。
 
我向Hailey微笑，她愣咗幾秒，隨即都回以輕輕既笑意。
 
選科講座結束後，我去到活動室唔見Hailey，聽Katy講Hailey上去中史班房拎野。
 
我驚啲野對於Hailey嚟講太重，於是我即刻上去幫手。
 
原本我諗住幫手，卻被佢拒絕。
 




Hailey 係好獨立既女仔，好多野都係自己搞掂，所以佢堅持自己拎我係理解。
 
「查sir，我今日都係見你第一次遲到，平時你都好準時。」Hailey 主動劃破沉默。
 
「屋企有急事，對於小朋友好難理解。」
 
只係我講完呢句，Hailey 臉色一沉。
 
「其實……」
 




「你都講得啱既。」Hailey搶先一步打斷我，繼續講：「我地差8年，你都做左老師幾年，而我依家仲讀緊書，都未畢業。」
 
其實你唔洗擔心我，作為學生只需要擔心學業就足夠，大人既事交比大人處理。
 
況且我屋企問題，唔係一朝一夕可以解決。
 
我地氣氛跌到冰點。
 
冇幾耐就攤位活動就開始，然後就聽到有個阿嬸問中史科既前途。
 
阿嬸既不屑同唔耐煩，加上旁邊既小朋友睇落悶悶不樂，令我諗起當年我同阿媽既選科爭論既境況。
 
「呼呼呼….」Hailey身穿單薄既校服，並重覆將手湊近嘴邊吹氣。
 
咁啱Miss




Cho揾完我傾選科講座既事，我就係走廊見到Hailey入左禮堂，我急步去左教員室拎暖包，再等待佢出嚟。
 
只見Hailey 凍到雙肩微微縮起，身子止唔住顫抖。
 
我將兩個暖包放到 Hailey 手心，她愣咗一秒，隨即將暖包輕輕癡係外套入面。佢雙手緊緊按住暖包，像要將僅存的熱度鎖住，手指仍微微發抖，但臉上卻漸漸浮現暖意。
 
Hailey 輕輕呼了口氣，眉眼彎起，像小孩攞到心愛玩具一樣，唇角忍不住上揚，露出一抹滿足的笑。
 
望住佢由凍到發抖，到慢慢安定下來的模樣，我不禁牽起嘴角。
 
你開心，所以我開心。
 
如果我我今日冇返，傻妹實凍病。
 
點解我會咁留意Hailey？




 
我只係因為照顧hazel個妹，先會留意佢。
 
望住Hailey 不斷插袋摸暖包，就覺得佢好似一隻怕凍既貓咪。
 
如果，我今日遲到，佢會有咩反應？
 
我忍唔住問：「Hailey，其實頭先如果播完片，我冇準時到，咁你點算？」
 
佢既答案係我腦海中仍然歷歷在目。
 
「查Sir你一直都係有責任心同準時既人，咁認真準備唔會唔到，所以我相信你一定會出現。」
 
「相信。」
 




聽到呢個字，我心口一暖，好似有股力量推開心入面嘅陰霾。
 
Hailey一定會企我個邊，支持我，我唔會係一個人孤立無援。
 
唇角忍唔住上揚，我難得開懷地笑左出嚟。
 
我地返去攤位之後，我見到Hailey望住書籤愁眉不展，我就叫學生參加攤位遊戲，希望可以派晒啲書籤，唔會白費Hailey既心血，畢竟啲書籤係Hailey一筆一筆咁寫出嚟，我唔想見到佢失望。
.
「直道相思了無益，未妨惆悵是清狂。」——唐李商隱《無題》* 我將櫃桶入面既書籤收好。
 
當時書籤派唔晒，但我將佢地一一收好，放係櫃桶入面，睇到Hailey既字跡，自然浮現佢既笑容。
 
就算我一直壓抑感情，不但無令感情變淡，反而令我更加懷念教Hailey既時光，個陣每日總會見到Hailey。
 
如果我早啲坦承面對自己感情，唔知結果會唔會唔一樣？




 
*「直道相思了無益，未妨惆悵是清狂。」就算知道唔會有結果，但係控制唔到自己掛住你。

****
Happy Halloween! IG 同 Thread 整左Hailey 同Felix 圖，有興趣可以去睇下！

https://www.threads.com/@in.the.fantasy/post/DQdWRDqEYy8?xmt=AQF0zaQnat53QwoD0ZvEfEEhZx8j5kq1MRH-TJRrzRwVCA&slof=1