搭錯線：錯誤的時間遇上你: 第七十一章：查利揚視角（6）—— 在意

https://www.youtube.com/watch?v=HwlYipX78Qo&t=8s

本集Bgm: Dear Jane - 未開始已經結束

**************************************************************

每日返工，放工，日子不斷流逝。
 
「查理！」John向我招手道。
 




我見到Hazel，Yumi同John
已經坐低晒。
 
「我地差唔多一年一聚，咁啱John生日，星期六終於齊人食飯！」Hazel講。
 
「你睇下，Hazel都有左小朋友，都已經1歲，諗返起佢結婚已經係3年前！我連男朋友影都唔見！」Yumi講笑咁講。
 
「咁快3個月！時間真係過得好快！」我講。
 
「係呀！想講仔仔好鍾意同Hailey玩，Hailey係Hall返嚟個一個星期，佢係咁痴住Hailey，完全唔理我呢個媽咪！」Hazel無奈笑咁講。




 
聽到「Hailey」兩個字，我心口微微一震，好似被人無聲地觸動咗。
 
呢幾年，好耐冇聽過Hailey既消息。
 
「Hailey依家係咪Year 3？」我問。
 
「係呀！最近佢係Hall返嚟，仲同帶埋男朋友上屋企食飯！」Hazel欣慰咁講。
 
我心中一沉，原來Hailey已經有男朋友。




 
我牽強一笑講：「睇嚟Hailey同男朋友感情都好穩定。」
 
「佢地已經拍左3個月拖，大學生日日都見，而且我覺得個男仔好錫Hailey，蝦都同Hailey剝埋。」
 
明明Hailey有男朋友，仲要咁錫佢，我應該開心先啱。
 
佢都向前走，點解我仲停留係原地？
 
「哇，Hailey男朋友咁細心既！Hailey大個女啦喎！諗起我第一次見佢，佢先係小學生！」Yumi 驚訝講。
 
「代表你老，Hailey都大學生，拍拖幾出奇？」John不忙調侃Yumi。
 
「你講野咁黑人憎，肯定成日得罪女朋友啦！」Yumi奸笑。
 




「你又知？琴日女朋友又嬲左我，我都唔知做錯啲咩…」John講。
 
佢地既說話係我耳邊迴繞，成餐飯我都唔知食左咩。
.
「喂！Tina！我就返嚟….要買糖水….好….拜拜。」John同佢女朋友傾完電話。
 
我地準備離開餐廳。
 
「對女朋友就唯唯諾諾，如果你對我既態度有你女朋友一半就好。」Yumi講。
 
「我女朋友係G2000買左呢條Tie比我做生日禮物，佢要糖水咪買比佢囉！」
 
「如果你女朋友要10萬既chanel袋，你係咪都買比佢先？」
 
「就算佢要我摘天上面星星比佢，我都肯！你講到我好似因為佢送左貴野比我，我先對佢好！」




 
我望望John條Tie，望落的確係價格不菲。
 
「我地走先，下次再約！」Hazel同我講，同時Yumi同John同我揮手。
 
Hazel,
Yumi 同John行同一個方向，而我係相反。
 
返到屋企，我瞓係床上面，望住天花板發呆。
 
「係呀！最近佢係Hall返嚟，仲同帶埋男朋友上屋企食飯！」
 
「佢地已經拍左3個月拖，大學生日日都見，而且我覺得個男仔好錫Hailey，蝦都同Hailey剝埋。」
 
我個腦不斷重播呢兩句說話，彷彿YouTube㩒左單曲循環播放。




 
Hailey男朋友對佢咁好，我仲諗咁多野做咩？
 
最重要係Hailey幸福就足夠。
 
查利揚，你又唔諗下自己之前點對Hailey？
 
對比起認真對待Felix, Hailey 男朋友，其實最冇資格同Hailey 表白既人係我。
 
我明知佢為左送一條領帶比我，仲要好幾日冇食飯，午息淨係坐係小賣部温書，但我選擇鬧佢。

你問我點解會知？
 
我都唔知點解。
 




學校入面形形色色既學生，唯獨我淨係見到Hailey。
 
有時候，我做野太攰就會望出窗外。
 
一堆吵吵鬧鬧既學生當中，有時會見到Hailey同Katy食緊飯，再之前見過Hailey同Felix食飯，但令我印象最深刻，有一段時間Hailey係一個人食飯，仲要係到温書。
 
曾幾何時既我都同Hailey一樣，只係我努力讀書係為左證明比我父母睇。
 
感覺只要得到重視既人認同，就可以確認自己既價值。
 
不過將自己價值建基係別人身上，一旦遭受責罵，你就會覺得自己冇價值。
 
曾幾何時，我唔鍾意阿媽，唔想成為自己討厭既人。
 
估唔到阿媽對待我既方式，我不自覺用左係Hailey身上，明明佢係出於一番好意，我鬧佢如同打擊佢自信心。
 
平時做事，我總係可以好理性決定，而且對待學生都係鼓勵為主，但我成為自己最討厭既人，仲要次次淨係鬧Hailey….