搭錯線：錯誤的時間遇上你: 第七十五章：初戀

「聽講查sir仲係九官教緊書，你真係冇問題？」
 
我同katy打緊電話。
 
「佢係唔係到教書關我咩事？就算佢係到，唔會影響到我既工作。」
 
「我只係諗起你以前鍾意過查sir，不過都已經好耐既事，我地依家都做埋社畜，琴晚我成晚冇瞓過呀…呵呵呵…」對面Katy打晒喊露。
 
我沉默一會，繼續講：「你有時間擔心我，不如趁依家休息下？」
 




「我只係擔心你會好難面對查Sir。當年你聽到查Sir話當你係熟人個妹，你成個人一厥不振，仲話唔想再讀中史，轉去讀中文，直到遇到Jay，你先好返啲。」
 
「Jay都已經好耐既事….依家我淨係想專注係工作，其他野我唔想再諗。」
 
「James call 我第2次，肯定係想和好啦！」Katy 得戚咁講。
 
「咁你仲唔聽佢電話？」
 
「我地已經分手，唔聽！等等先…公司話B & G個邊融資出左事…James 又打過嚟，我要聽一聽電話先，唔同你講住，Bye！」Katy急忙收左線。
 




Katy 畢業之後，同James決定一齊讀HKU既Global Business，個陣Katy 冇商科底子，但要用一個Sem時間追返BAFS同Econ，講緊係要讀晒2科3年嚟高中內容。
 
雖然Katy 讀書好叻，但大學陌生既內容對佢頗有壓力，追求完美既佢係第一個Sem 都失手。
 
後來James陪佢一齊温書，Katy成績都逐漸有起色，冇幾耐佢地就開始拍拖，依家仲係同一間公司做緊I banker。
 
而我呢…就做左中文科老師，都算係完左夢。
 
只係出嚟做野，同想像中好大出入。
 




嗯…都係打份工啫….
.
一入學校，整體環境都冇變過。
 
身為老師唔可以遲到，我連早餐未食就出門。
 
經過小賣部，我就見到一個熟悉既身影：深咖啡色側分髮型，筆直既西裝，高挑既背影——查利揚，我既初戀。
 
佢轉過頭，我地對望數秒。
 
佢今日竟然冇戴眼鏡。
 
我強行壓下呼吸，率先開口：「Hi，咁耐冇見，你最近過成點？」
 
眼前既你雙眼輕震，好似認唔到我。




 
他眨了眨眼，好似認唔到我，遲疑數秒才道：「你係Hailey？點解你會出現係到？」
 
聽到這句，我忍唔住笑出聲講：「查sir你真係搞笑，隔左8年就唔認得學生，話晒你都教左我2年。」
 
笑容停留唇角，但心底泛起一陣酸——對佢而言，我真係只係學生同熟人個妹。
 
「我意思係，呢個時間，點解你會出現係學校？」查利揚盯住我，令我有啲唔自在。
 
「唔好意思，我要買早餐先，陣間開會校長就會介紹我，失陪先。」講完呢句，我別過臉，向嬸嬸叫左個沙律蛋三文治同齋啡。
.
「呢位就係我地九官新嚟既中文同中史科既盧正希老師，同時亦都係訓導組既成員。」
 
「大家好，我叫盧正希，你地可以叫我做Hailey，請大家多多指教。」我微笑說道。
 




掌聲此起彼落，目光不經意間，又落到查利揚身上。
 
佢深邃既目光，令我立即望向其他同事，繼續保持禮貌而僵硬既笑容。
 
「盧老師，呢位係關老師，中文科主任，而呢位係查sir，係中史科主任，最後呢位係曾老師，係訓導組老師。」校長同我逐一介紹同我職責有關既老師。
 
聽到查利揚升做科主任，我心口一緊，本能想冷笑。
 
不過身邊同事都在，表情太明顯只會惹人注意。
 
我抿住嘴角，假裝專心聽校長講話，手指無意識扭了一下筆蓋，把心裏的嘲諷壓回去。
 
表面上，我只是維持着得體的笑容，但原來憑佢，都可以坐到科主任位？肯定背後有唔少我呢啲學生比佢呃左。
 
一切一切佢只係做戲，佢係戲子，我都要做返專業戲子。




 
「Hailey～好高興見返你，聽講你係舊校教中文，所有學生都拎4以上。」Miss Tsang熱情講。
 
Miss Tsang係我以前班主任，我都好高興仲見到佢係到，畢竟呢度已經有好多新面孔。
 
「邊係呢，Miss Tsang你地都係我前輩，比我有既係經驗，我要同你地學習先啱！」我連忙回應。
 
「Miss Lo，你啱啱教書就有呢個成績，你仲要校長邀請返嚟既舊生，唔洗咁謙虛喎！」Miss Kwan帶住唔友善既笑容同我講。
 
場面靜左幾秒。
 
「Miss Kwan，Hailey只係新嚟既老師，經驗唔算多，我地前輩就多啲幫下佢。Hailey，你有咩唔明就搵我地！」查利揚微笑對住我講。
 
「好呀，唔該晒你地！」我講。
 




盧正希，人地只係見你新嚟，先幫下我解圍。
 
唔好再誤會同揣測佢既心意。
 
我仲記得中學查利揚對我既鼓勵，一度令我努力證明自己，最後發現一切都係謊言，全部都係為左仕途既手段。
 
「校外最多咪係….熟人個妹」查利揚既笑容，在我腦海中歷歴在目。
 
好既劇子係唔應該流露感情。
 
查利揚繼續掛住淡淡既微笑望住我，我抿唇還以微笑。
 
今次劇本就係「好同事」。
 
我同查利揚，就算再多歷史，都只會停留係同事，別無其他。