搭錯線：錯誤的時間遇上你: 第九十一章：飛奔到你的身旁

查母仍然冇理會查利揚，繼續彈琴。
 
查利揚見母親唔理會自己，突然伸手落琴鍵，發出一堆嘈雜既聲音。
 
平時既查利揚好有耐心，面對母親既佢卻係一反常態。
 
查母停下琴鍵，冷冷地講：「頭先你阻住我表演，依家仲要將佢變成bad show？」
 
「阿媽，返屋企啦！阿爸等緊你！佢成日好擔心你，佢已經成日去差館同醫院接你！」
 




「我去邊又關你咩事？我去邊到係我自由！仲有都係呢啲人先撩者賤！」
 
「你可唔可以聽下我講野！」查利揚大喊。
 
「Miss Lo，查sir到底發生咩事？」Giselle 靠近我耳邊講。
 
我諗查利揚唔會想學生見到佢呢一面。
 
「Giselle，你既身份係學生，同時係女兒，私下都會對父母有情緒，同樣地，查sir身份除左係老師，亦都係姨姨個仔，更重要老師同學生一樣，我地都係人，人就會有情緒，不如我地出去先，等佢地好好傾下？」
 




「嗯。」
 
Giselle 跟隨我離開酒吧。
 
「Giselle, 你比你個電話比我。」我伸出手機聯絡人資料界面比佢。
 
Giselle 輸入電話號碼後，我就打比佢，當場佢既電話響起。
 
「Giselle，呢個係Miss Lo既私人電話號碼，你有咩問題就打比我。」
 




「唔該Miss Lo。」
 
「今晚發生既事，你唔需要同其他同學提起，包括查sir同我既電話號碼，畢竟呢啲都係老師既私隱。」
 
「我明㗎啦！我知Miss Lo同查sir都幫左我好多，上次過勞暈個陣，都係你地嚟醫院，阿媽有同我講。」
 
「我知你依家一定唔想返屋企，但今晚你需要好好瞓一覺，聽日先有精神返學，我會搵社工同你一齊傾，唔會剩低你一個，我地會一齊面對呢個問題。」
 
「好。」Giselle垂下頭講。
 
「我先送你返去。」
 
我call左uber，同Giselle一齊搭的士返佢屋企。
 
當到左Giselle屋企樓下，我講：「Giselle，有咩問題就call我，我都會聽電話，仲有呢封信比返你阿哥。」我將Henry封信比Giselle。




 
「嗯。」Giselle用力點點頭，就落左車。
 
佢關上車門後，司機便問：「小姐，你去邊呀？」
 
「車我返去啱先既酒吧，快！」
 
唔知查利揚仲係唔係到？
 
車程明明15分鐘，但過左感覺1個鐘。
 
「小姐，到啦！」
 
「司機你唔好走住，我入去酒吧先！」
 




我跑入酒吧，已經唔見查利揚同其母。
 
「司機，麻煩車我去沙田第一城。」
 
路途中，我腦海只係不斷浮現同查利揚相處既點點滴滴。
 
「我第一次覺得病係咁開心，因為有你係我身邊。」
 
我記得之前查利揚病個陣，佢講過阿媽將注意力放晒落細妹身上，因此忽略左佢。
 
我淨係想見查利揚，唔知佢依家情況點樣。
 
但係我都唔知佢係咪真係返到屋企。
 
加上我打極佢電話都唔通，令我忐忑不安。




 
過左好耐好耐，終於到目的地，我卻無法向前邁向腳步。
 
我係查利揚邊個？
 
我冇一個身份可以名正言順上佢屋企、可以問佢到底發生咩事、同媽媽關係等等。
 
當查利揚唔開心，我想第一時間可以知道，可以關心同安慰佢。
 
「我覺得你唔識愛人，所以，你根本唔愛我。」腦海中再次回憶Jay最後同我講既說話。
 
或者，我唔係唔識愛人，只係愛既人並唔係佢。
 
當我孤單，仲諗住查利揚既時候，係Jay 填滿我既孤單。佢既好，令我心動，從而誤以為係喜歡佢個人。
 




其實我只係喜歡佢對我既好。
 
睇嚟我搞清對查利揚同Jay感情上既分別。
 
「小姐，你唔落車？」司機急促講。
 
「落落落！唔洗找！」我急忙比錢，然後跑上去搭lift。
 
「叮噹叮噹叮噹～」我不斷按下門鈴。
 
查利揚開門既一剎那，我上前牢牢緊抱佢，並講：「呢一次，你唔會再一個人，有咩事我地一齊面對。」
 
「Hailey 你發生咩事？」查利揚擔憂咁問。
 
「上次你同我講個番說話，我有答案啦！」我抬頭望住查利揚講。
 
今次由我主動飛奔到你既身旁，燃起你黑暗世界中既爉燭。