搭錯線：錯誤的時間遇上你: 第一百零五章：幸福的前一秒

上堂，落堂，上堂，落堂。
 
整日渾渾噩噩地度過。
 
「叮噹叮噹叮噹叮噹……」放學鐘響起，我收拾桌面東西時，水樽意外碰到，跌落地上。
 
「Miss Lo, 你冇事呀嘛？」Giselle 拾起水樽講。
 
「我冇事，你呢幾日點樣？」我帶左Giselle出去走廊講。
 




「Ok la！同吳姑娘傾過，加上琴日做完心理治療，夜晚都瞓到覺，心情亦都平復左好多。」
 
「心理治療？」
 
「都係同心理醫生傾下偈，佢見我平時鍾意畫畫，就叫我去玩和諧粉彩，油下顏色個人都冇咁大壓力！」
 
和諧粉彩，印象中佢除左係藝術，更係心理治療。
 
「你之前同我講夜晚驚到瞓唔著，咁依家好左啲未？」我帶住擔憂既語氣問。
 




「琴日開始瞓到，仲要一覺瞓天光！」Giselle牽起嘴角講。
 
「咁咪幾好，Miss唔阻你。」我望向Giselle身後既Tiffany。
 
「Giselle，書包都同你拎埋！快啲去唱k，過左時間就冇優惠！」Tiffany急忙講。
 
「你地兩個記得早啲返屋企，唔好要爸爸媽媽擔心！」我叮嚀佢地。
 
「Yes! Miss Lo!」Tiffany同Giselle異口同聲說，然後係走廊跑走。
 




見到佢地天真爛漫既笑容，我就放心。
 
如果阿揚都好似Giselle慢慢好返，咁就好。
 
「嗡——」手機從口袋中震動。
 
我掏出手機，見到Jay既massage。
 
即使同佢分手，但我同佢冇係社交媒體退追蹤。
 
「你漏左耳環係架的士到。」然後佢send耳環照片，正係我遺失既耳環。
 
「點解會係你到？」我連忙敲打鍵盤。
 
「琴晚你走左之後，我見到座位上有閃閃發光既野，於是執嚟睇下，我諗應該係你既耳環，琴日見你戴住。」




 
Jay連我戴既耳環都有留意，睇嚟佢真係好留意我。
 
「你幾時得閒，我比返你。」佢接住打。
 
我諗跌耳環個陣正係的士轉彎既時候。
 
「我呢排可能都未必得閒，咁小既野你唔洗keep。」
 
「好啦。」
 
當我鬆一口氣既時候，身邊突然有人搭我膊頭。
 
我膊頭一震，立即關掉手機屏幕。
 




「係咪嚇親你？」阿揚從身後探頭講。
 
「太突然啫！呢到咁多學生，唔比你驚親先奇！」
 
「今日一齊放學？」
 
「我要開會。」
 
「咁我等你開埋會先走。」
 
「唔洗啦，我要6點先走到。」
 
「你今日睇落唔多舒服，我唔太放心。」
 
「好啦！」我微笑回答。




 
阿揚只係望住我笑，並冇出聲。
 
我同阿揚前後腳返到教員室，因為阿揚要去簿櫃拎簿。
 
直到6點，我終於開完會。去到教員室，我見阿揚仲係到改緊簿。
 
我靜悄悄行過去，細聲同阿揚講：「我開完會，可以走啦！」
 
阿揚點點頭，講：「我隨時都走得。拎左車先，你陣間過嚟！」
 
阿揚車到我返去屋企樓下。
 
「咁我走先！」我關下車門講。
 




阿揚拉住我既手，上前親我。
 
「Goodbye kiss……」佢仲未講完，我已經用嘴堵住佢既說話。
 
軟綿綿既嘴唇猶如棉花糖，令我不斷想索要更多，阿揚緊擁我既腰部，彼此既呼吸變得急促凌亂。
 
過程中，我個腦一片空白，終於可以好好享受同阿揚一齊既時間。
 
過左一陣，阿揚停止動作，講：「如果日日可以咁樣，你話幾幸福？」
 
「你講得啱。」我甜笑望住阿揚講。
 
「我陪你返到屋企就走。」阿揚落車，並為我打開車門。
 
「你上嚟坐下啦！」我牽起佢既手講。
 
當我轉身，卻見到最唔想見到既人──身穿黑色皮褸，內搭西裝。
 
Jay面帶微笑望住我同阿揚。
 
頭先我同阿揚係車上既事，佢到底睇到幾多？佢係到等左我幾耐？
 
仲有點解會係我屋企樓下出現？佢點知我屋企……一定係琴日搭的士既時候，我講左屋苑名！
 
明明叫左佢dum左個耳環！
 
「Hailey，你琴日漏左既耳環。」Jay上前講。
 
雖然我心亂如麻，但流露出僵硬既笑容。
 
Jay比耳環既時候，指尖恰好滑過我既手心。
 
「Hailey，佢係？」阿揚問。
 
「我叫Jay，係Hailey既……」