搭錯線：我鍾意中史阿Sir，於是成為老師: 第一百一十六章：搭啱線

不知不覺間已經過左半年，今日係開放日，我同阿揚返嚟學校，準備辯論學會既攤位。
 
我釘好「辯論一分鐘」既標題紙喺壁報之後，就坐係座位上休息，等待一陣嘉賓來臨。
 
「你覺唔覺得呢種感覺似曾相識？」阿揚飲左啖烏龍茶講。
 
我既手伸向前方，阿揚扭開水樽蓋後，先遞支水比我。
 
「咩似曾相識？你唔好趁啲學生上去拎野，得我地兩個，就係到講笑喎！」我接過水樽講。
 




「你真係唔記得？個陣選科講座我同你一齊準備。」阿揚望向我，一臉認真講。
 
「個次比Miss Tsang話我地疑似師生戀，要避忌啲，所以我地中間仲有Katy，又點會同依家似？」我無奈笑住咁講。
 
「估唔到咁多年後，我地會係同一個地方一齊再搞活動，不過今次唔洗理其他人點睇。」阿揚係枱下拖住我既手講。
 
我甜笑望住阿揚既眼眸，講：「我仲知有人收埋左我寫既書籤添。」
 
「你知我點解會收埋㗎？」阿揚笑住問。
 




「真係唔知喎？」我假裝疑惑既樣子。
 
「依家話你知！」阿揚靠近我講。
 
我同阿揚既距離唔夠一個拳頭。
 
「呢度係學校嚟㗎！」我著急咁講，同時輕輕拍打阿揚既胸口。
 
「唔玩唔玩～我地依家睇下其他攤位有咩玩？」阿揚問。
 




我同阿揚睇下其他學會搞咩活動。
 
「阿揚你睇下，有文字版『搭錯線』。」我指向前方中文學會講。
 
「查Sir，Miss Lo，最近成日見你地一齊既？」Miss Kwan問。
 
「我地咁啱一齊負責活動啫，據我所知搭錯線要戴耳機玩，文字版點樣玩先？」我講。
 
「哦～」Miss Kwan 捂著嘴講。
 
我同阿揚對視，感覺Miss Kwan為人非常八掛。
 
「文字版搭錯線係考你地記性，30秒內睇完題目同答案，我會攪亂佢地，之後你地就要拼返正確既題目同答案，題目同答案係各一方，呢個咁有趣既遊戲都係我學生諗。」Miss Kwan 解釋遊戲規則。
 
「咁我地玩唔玩得？」阿揚問。




 
「你地咪試下。」話畢，Miss Kwan拎左4組題目同答案。
 
1. 唔小心殺左人，你會？自首。
2. 當男朋友同你求婚，你會？我願意。
3. 當有色狼非禮你，你會？大嗌非禮。
4. 想學好中文，你會？用多啲時間温中文。
 
30秒過去，Miss Kwan好快撈亂啲牌紙。
 
「邊個揀問題，邊個揀答案？」Miss Kwan 問。
 
「我揀答案。」我講。
 
「咁我揀問題。」阿揚講。




 
「問題一方先要掀開問題紙。」Miss Kwan講。
 
阿揚掀開第一張紙，係第四題：「想學好中文，你會？」
 
我求其掀開第四張紙，寫住：「大嗌非禮。」
 
阿揚接住掀開第二張紙，係第三題：「當有色狼非禮你，你會？」
 
而我掀左第一張紙，寫住：「自首。」
 
到底之前阿揚係點樣答啱線？依家講緊已經錯兩題。
 
阿揚再掀開第三張紙，係第一題：「唔小心殺左人，你會？」
 




自首已經出左嚟，即係呢題都冇可能啱。
 
我掀開第二張紙，係「用多啲時間温中文。」
 
唔通最後一題可以搭啱線？
 
印象中係咪求婚？
 
阿揚掀開最後張紙，證實我既記憶係冇錯，係第二題：「當男朋友同你求婚，你會？」
 
我掀開最後張紙，答案係「我願意。」
 
「我願意！」我高興望住阿揚。
 
「終於搭啱線！」我興奮咁講，並伸出手。




 
眼前阿揚呆愣在原地，下一秒就同我Give Me Five。
 
「你地四題只係啱一題，仲要係呢題？」Miss Kwan講。
 
「運氣好！」我同阿揚異口同聲講。
 
我地相視，然後露出笑容。
 
如果阿揚同我求婚，我會毫不猶豫答；「我願意。」

*******
如果大家依家方便可以填下問卷，關於故事內容，數據用係後記，公開角色人氣排名，可以提問故事發展同對我既疑問～
https://forms.gle/KZRaC2iNjdfXiQWZ8