八年的距離: 序2

全靠我優秀嘅才能，幾經辛苦，終於成功入職喇！

不過老實講，其實母校對我嚟講，根本就係毫無吸引力。我喺𥚃面辛辛苦苦捱咗6年，入面啲設施勁舊，啲高層又麻煩，學校政策又奇奇怪怪。我係咪顛咗先會想入去做？睇嚟我好似低估咗自己掛住一個人嘅程度…

正喺我沉思緊嘅時候，我部電話突然響。

「喂？做乜鳩呀，突然打過嚟。」

「王俊誠！！我入咗母校做嘢呀！！」





佢係李俊誠，我嘅好兄弟。我哋唔只同名，仲同班咗6年，之後入埋同一間大學，住同一間宿舍。

「吓？咁我哋咪變咗同事囉？」

「吓？」「咁大件事你唔同我講？？」

「errrrr我唔記得咗…」對唔住呀兄弟，我真係唔記得咗。

「哦。你一定係掛住諗『佢』啦～明晒！」





好想反駁但佢又真係講得啱。「…收線，bye」

聽日就係第一日返工，點算啊…我咁大個人好耐冇試過咁緊張喇…要見到以前啲老師，見到我嘅好兄弟…

同埋…

見到

佢。