每消滅一隻怪獸，我條女對波就大一個cup！: 12

「一開始班怪獸失控嗰陣，我地香港呢邊嘅基地，已經第一時間增派人手過去嗰邊支援，但最後嘅結果係，佢地咁多個人連埋原本駐守喺異世界嘅研究員，冚唪唥都死曬。」

講到死去嘅同事，晴天博士流露出悲傷嘅表情：「依家成間藥廠，就得返我呢個老嘢一個人收拾殘局，唉…」

「咁又唔係得你一個嘅，起碼都叫有班升cup戰士幫你對付班怪獸。」我同對方講。

「講到呢樣嘢，咁就一定要讚下我自己，話說班怪物到處搞破壞，我地藥廠賠錢都賠到破產，我就喺度諗，既然出唔起錢請人返嚟幫手，咁不如索性用『戰鬥升cup』做招徠，反正條豐胸秘方就喺我手，總之邊個有本事打低班怪獸攞到紫石，咁邊個就可以得到『升cup獎勵』。」

晴天博士抹去剛才哀傷嘅語氣，開始自誇：「事實都證明咗我呢個方法係work，只係有少少估唔到大家嘅反應竟然咁踴躍，好多人特別係男人都願意為咗自己女朋友變大波妹而戰鬥。老實講，平時我得閒都會揸下自己對波，揸揸下揸得多我又唔覺得有咩咁特別…」





「得得得，我明架啦，你唔使再講落去。」

當聽到條友提到自己心口對波，我腦入面又諗返起頭先嗰個好核突嘅畫面。

「你心口對波？阿伯乜你都有波架咩？」Yanny啱先全程無出聲，但一聽到晴天博士話自己有對波，就忍唔住好奇問一句。

「梗係有啦，唔信你睇下！」

晴天博士呢頭講完，嗰頭就一手拉起自己身上件風摟，好大方咁又露出佢心口嗰兩舊肉出嚟。





好在我今次反應夠快，即刻擰歪面。

相反Yanny就中咗伏，佢望住對方個胸，成個人呆撚咗。

「你見我男人都可以有咁嘅cup數，就知呢粒豐胸丸有幾把炮！你想唔想個胸好似我咁漲大，想嘅話就食咗佢啦。」晴天博士將嗰粒粉紅色藥丸塞到Yanny手中。

雖然粒豐胸丸係我奮力用戰鬥換取返嚟，但究竟係咪選擇吞落肚，始終都係取決於Yanny嘅心意。

正所謂her body her choice，無論我係幾咁想佢個胸變大都好，但都係要尊重佢嘅意願。





假如佢唔願意，我諗我都唔會強逼佢，最多我考慮下學晴天博士咁，自己吞落肚，以後自己揸自己個波。（講笑）

Yanny靜靜咁望住手上粒粉紅色藥丸，然後又望一望我。

喺佢嘅眼神之中，有一點點猶豫。

然而我嘅內心係相信佢會吞下呢粒藥丸。

理由好簡單，首先我知道佢係好愛我，我亦都好愛佢，我地之間嘅嗰份愛，係彼此願意為對方付上一切。

第二就係我知道佢心入面其實都想自己個胸大啲。

平時聽嗰啲女人講，話咩「大波著衫唔好睇」，呢啲根本就係鬥氣說話。

老實講，當你嘅身材無線條又無曲線，基本上連件衫都long唔起，咁樣著衫又點會著得好睇？





事實上，Yanny試過靜靜雞買啲厚底胸圍返嚟著。

有次我唔知頭唔知路，見佢著住件衫心口漲漲地，以為佢終於豐胸成功。

點不知一揸落去，原來只係一塊厚布。

「good~」突然一下嘅吞嚥聲，令我從回憶片段中扯返嚟現實。

Yanny猶豫咗半分鐘左右，最後都唔諗咁多，選擇擘大口，吞咗粒豐胸丸落肚。

我企喺佢隔籬，雙眼嘅視線一下子快速咁pan落去，將所有嘅注意力全部集中喺佢個心口。

Yanny今日著咗一件白色卡通 tee，入面無攝嘢。





我緊張到唔敢抖氣，全神貫注咁望住佢件衫中間嗰個哆啦美logo，望住佢由一個完全平面嘅圖案，到佢嗰兩隻眼慢慢咁突起咗少少。

嘩！唔係講笑！我呢刻嘅心情，簡直興奮到好似見證緊世界第八大奇蹟發生！