每消滅一隻怪獸，我條女對波就大一個cup！: 31

我即刻搜尋各種高分貝嘅聲音，將佢地download落嚟，再用AI軟件將啲聲加倍擴大，最後save落電話度。

除此之外，我仲買咗個小型藍牙喇叭，戰鬥嘅時候務求將啲聲放到最大。

然而喺諗辦法提升分貝力之餘，亦都唔可以忽略升cup戰衣另外三種力量數值。

體力、肌力、耐力，簡單啲講，呢三種力就係代表住自身嘅體格。

以Z大俠為例，佢副偈fit到漏油，全身肌肉爆棚，所以我相信佢嘅體/肌/耐力，全部已經爆曬點數，再加埋佢嗰把響震四方嘅聲音，真係屈機到爆。





為咗追趕佢嘅腳步，我都要操fit啲。

總之一有時間，我就會去gym房做gym，練氣練力。

慢慢留喺gym房時間仲多過喺公司同屋企，Yanny仲因為咁而抱怨我少咗時間陪佢。

於是我索性「的」埋佢一齊去練嘢，咁就又可以拍拖，又可以鍛煉。

呢一日，我同佢喺gym房入面，互相幫大家拉筋熱身。





跟住突然間，手上嘅變身手環發出「啲啲啲、啲啲啲」嘅聲音。

終於又有怪獸出現，而今次顯示喺同一個地點，同時出現咗三隻怪獸。

下咁奇怪嘅？點解會有三隻怪獸同時出現？

我帶住呢個疑問，同Yanny立即出發趕去現場，點不知架電單車喺呢個時候忽然間撻唔著。

唉頂！二手嘢真係二手嘢，估唔到咁快就壞！





係咁嘅話無辦法，我地只能改搭的士。

從深井去香港大球場，過海嘅時候有少少塞車，結果用咗大半個鐘先嚟到。

到埗嗰陣，咁啱喺門口遇到晴天博士。

我問佢點解無啦啦一次過出現咗三隻怪獸，但對方話佢都唔知。

行到入大球場，我地見到球場中間有三隻大怪獸，分別有蜘蛛、箭豬同穿山甲。

我叫Yanny上去最高嘅看台，遠離幾隻怪物，跟住自己就衝落球場，變身作戰。。

呢一刻，現場已經接近有七十幾八十個升cup戰士喺度戰鬥。

至於Z大俠就未見人影。





喉嚨發炎嘅我，把聲仲未好返，喉嚨一嗌就會痛。

不過唔緊要，因為我早有準備。

首先，我將一早預備好嘅小型藍牙喇叭，掛喺戰鬥甲心口位置，跟手拎起電話，播放出各種高分貝嘅聲音。

例如有行雷聲、爆炸聲、鯨魚叫聲等等。

呢啲聲全部經過AI加倍放大處理，家陣再經過喇叭播放出嚟，效果就更犀利。

轟隆！！！

雖然隔住個頭盔，但咁近聽見咁強勁嘅行雷聲，我對耳仔幾乎聾咁滯，只不過，身上嘅升cup戰衣卻一啲反應都無？！





唔係呀嘛？點會咁嘅？

隨後我再試埋爆炸聲、鯨魚聲、仲有飛機引擎聲等各種高分貝嘅聲音，結果咁多種聲入面，竟然無一種聲能夠刺激到升cup戰衣嘅分貝力。