每消滅一隻怪獸，我條女對波就大一個cup！: 32

搞咗一大輪，戰鬥力毫無進展，只有耳仔受罪。

唔通一定要人聲大嗌先能夠提升到分貝力？

好在我電話入面都有save低一把驚天動地嘅人聲，而就喺我準備播出嚟之際，面前嘅大蜘蛛突然向我吐出蜘蛛絲。

我馬上閃身避開。

隻蜘蛛不斷吐絲攻擊，我一邊避，一邊望到隻箭豬同穿山甲身上都黐住咗一啲蜘蛛絲。





如果無估錯嘅話，呢兩隻怪物應該俾啲蜘蛛網黐實咗，然後同隻蜘蛛一齊從異世界穿越咗返嚟地球。

而事實上，呢三隻怪物都唔容易對付。

蜘蛛會噴蜘蛛絲，令人無法郁動；箭豬就滿身尖刺，難以靠近；穿山甲身上嘅鱗片，又硬又厚，猶如銅墻鐵壁。

但為咗打敗怪獸，得到紫石，在場咁多個升cup戰士都用盡辦法，提升自己嘅戰鬥力。

當中有唔少都好似我咁，揸住個喇叭仔，放大自己把聲，亦都有人學Heavy Metal嗰種撕裂唱腔，發出死亡咆哮。





至於梁sir就企喺三隻怪獸嘅中間，揸住個大聲公，聲嘶力竭大嗌：「啊啊啊啊啊啊啊啊啊啊啊啊啊啊啊啊——我要揸E奶啊啊啊啊啊啊啊啊啊啊啊啊啊啊啊啊啊啊——」

佢一路嗌，身上嘅升cup戰衣就一路蛻變，由銀黑色變成銀白色。

睇嚟佢嘅戰鬥力已經超過1000%。

之後佢仲未停，繼續嗌，似乎想將自身嘅戰鬥力推升到極限。

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——





見到梁sir同其他人嘅戰鬥力不斷突破，我都唔可以得個睇字。

頭先試咗咁多種聲都唔得，電話入面剩低最後一把人聲未試。

呢把聲唔係我之前幫Yanny碌低嘅聲，而係另外一把人聲。

佢呢把聲可以話完全蓋過Yanny，甚至可以用鬼哭神嚎嚟形容。

事先聲明，我係完全唔識得呢把聲嘅主人，純屬係喺網上面搵到。

我將電話同喇叭嘅音量較到最大，然後㩒一㩒播放掣：

「啊啊啊啊啊啊啊！！！好痛啊啊啊啊啊啊！我唔生啦！！！！啊啊啊啊啊啊啊啊啊啊！！！醫生！！個BB出嚟未啊？？？我唔得啦！！！啊啊啊啊啊啊啊！！！！！好痛啊啊啊啊啊！！！啊啊啊啊啊啊啊啊啊啊啊啊啊啊！！！！」

之前我喺搜集唔同高分貝聲音嘅時候，喺網上面意外搵到一條生仔片，個大肚婆嗌到超超超級大聲。





於是我就物盡其用，截取咗條soundtrack，將佢save落電話度。

結果升cup戰衣真係有反應！

「Max Power：200%！」

「Max Power：250%！」

「Max Power：300%！」

「Max Power：350%！」

照咁睇嚟，想要提升戰衣嘅分貝力，只能夠用人聲。