每消滅一隻怪獸，我條女對波就大一個cup！: 33

喺戰鬥過程中，突然聽到有女人生仔嘅慘叫聲，令唔少升cup戰士都好奇望咗過嚟。

結果佢地稍微分咗一下心，就俾怪獸有機可乘。

嗰隻巨型穿山甲轉身用力fing一下條尾，使出一招橫掃千軍，將十幾個升cup戰士從球場「扮」出場邊。

本來我只係想提升戰鬥力，點不知間接變咗擾敵。

「Max Power：500%！」





「Max Power：550%！」

然而播曬成段錄音，播到個B出咗世，我件升cup戰衣嘅戰鬥力只係去到550%，連600%都上唔到。

我試下再埋播Yanny嗰段錄音，只但係戰鬥力都係上唔到去。

呢個時候，巨型嘅大蜘蛛又再周圍噴射蜘蛛絲，我快速避開。

與此同時，成身生滿尖刺嘅箭豬，就好似個波咁，向住我地成班升cup戰士碌埋嚟，我同大家立即四散跑開。





幾經辛苦連續避開兩次攻擊，當以為安全嘅時候，隻穿山甲又一招神龍擺尾，成條尾發過嚟。

今次我避唔開，成個人直接從大球場中心，被撞到飛去看台嘅觀眾席。

「砰」一聲，我個背脊撼爛咗成排櫈，兼且仲觸碰到手上嘅變身手環，令我即時解除咗變身。

隻穿山甲嘅攻擊力非常之強，如果唔係有件戰鬥甲保護住，我諗我已經腸穿肚爛釘咗。

Yanny從看台最高嘅地方行落嚟扶起我：「點呀，你無事呀嘛？」





「無…咳咳…」我個心口同背脊痛到仆街，而且部電話同喇叭全部爛曬。

把聲嗌唔到，家下連輔助工具都無埋，戰鬥力無辦法進一步提升，喺咁嘅情況下，若要對付呢三隻怪獸睇怕都好難。

而除咗我之外，現場仲有起碼一半嘅升cup戰士被打到趴街。

但亦都有唔少升cup戰士越戰越勇，戰鬥力不斷突破1000%，身上嘅戰鬥甲閃爍住銀白色嘅光芒。

當中有一位升cup戰士身上嘅光芒尤其亮眼。

佢就係梁sir。

佢啱先揸住大聲公嗌咗好耐好耐，依家嘅戰鬥力相信已經唔止1000%。

BOOM！！！





佢兩手舉直，向上發射出強勁嘅離子衝擊波，直射到穿山甲身上。

衝擊波嘅威力之大，從發射嗰下所產生嘅後座力顯現到出嚟。

當梁sir一開火，佢雙腳向後滑行咗幾米，喺草地上留低咗兩條長痕。

只可惜，就算係咁猛烈嘅衝擊波，都無辦法一招秒殺到隻穿山甲，只係消滅咗佢身上幾塊鱗片。

梁sir唔想浪費體力，於是轉去對付另外兩隻怪物。

對佢嚟講，佢只係需要打敗一隻怪獸，咁就可以達成願望，揸到E奶。

所以三隻怪獸入面，佢是但消滅一隻，就足以願望成真。