每消滅一隻怪獸，我條女對波就大一個cup！: 34

箭豬生滿尖刺，亦都唔容易對付，最後梁sir就鎖定目標，專心攻擊隻大蜘蛛。

事實上，隻蜘蛛係三隻怪物入面，力量相對弱嘅一隻，因此都成為咗主要被攻擊嘅目標。

砰砰砰！𡁻𡁻𡁻𡁻！

廿幾三十個升cup戰士圍住蜘蛛嚟砌，佢八隻腳已經斷咗兩隻，移動能力大減。

「啊啊啊啊啊啊啊啊啊啊！！！」





「啊啊啊啊啊啊啊啊啊啊！！！」

「啊啊啊啊啊啊啊啊啊啊！！！」

你又嗌佢又嗌，各個升cup戰士爭住儲氣出招，爭住做第一個消滅蜘蛛嘅人。

至於全身散發住銀光嘅梁sir，亦都舉起兩支離子炮，瞄準目標，大嗌：「受死啦怪物！啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——」

耀眼閃爍嘅能量波快速積聚，一觸即發！





但就喺梁sir射出衝擊波嘅一瞬間，球場內四方八面傳嚟一聲：

哼啊！！！！！！！！！！！

聽聲如見人。

一道散發金色光芒嘅身影，以比衝擊波更快嘅速度，衝過去隻蜘蛛面前，一劍穿透佢嘅身體。

下一秒，蜘蛛全身一分為二，梁sir嘅強勁衝擊波剛好同隻蜘蛛擦身而過。





與此同時，隻嘢體內嗰粒紫石，已經喺Z大俠手上。

梁sir望住一舊就嚟到嘴邊嘅肥豬肉咁樣無咗，成個人o咗嘴呆咗。

「哼啊啊啊！！！！！！！！」

跟住Z大俠再大嗌一聲，單手射出超大口徑嘅衝擊波，一瞬間打穿穿山甲嘅鱗片，直接喺佢身上開咗好大嘅窿。

十秒之內，三隻怪獸死咗兩隻，隻箭豬為求保命，主動使出滾球攻擊。

面對敵人嘅攻擊，Z大俠寸步不移，雙手緊緊揸住鋒利無比嘅合金劍，橫腰一斬，劍光一閃，好似劏榴蓮咁，劏開咗隻箭豬，隨即粒紫石就連同一堆內臟跌咗出嚟。

呢一刻，我地咁多個升cup戰士嘅心情只有驚歎同無奈...

無奈又係同樣嘅劇本，又係同樣嘅結局，又係Z大俠一己之力，秒殺場上嘅怪獸，獨特紫石。





究竟佢係點樣將分貝力同戰鬥力提升到呢個境界？

當佢解除變身嘅時候，我特登行過去，睇下佢身上係咪收埋咗喇叭、擴音器之類嘅嘢。

但佢著住短衫短褲，我望嚟望去，都唔見佢身上有邊個地方收得埋一部喇叭。

「你望咩？」身形高大嘅Z大俠耷低頭問我。

「咳…點解你...咳...你…」我仲係開唔到聲，講唔到嘢。

「聽你把聲，你應該係喉嚨發炎。試下呢隻喉糖，幾有用。」Z大俠喺褲袋拎咗一包喉糖出嚟，再遞俾我。

「點解你...你…」我繼續想問落去。而對方好似都知道我想問咩。





「你睇住。」

Z大俠叫我望住佢，跟住佢用手指分別指咗一下頭頂、頸、心口同手掌。

我唔知咁係咩意思，對方亦都無再作解釋，之後手揸住三粒紫石，同女朋友行到晴天博士面前，換取升cup獎勵。

一口打敗三隻怪物，可以連升三cup。

K接住就到L、M、N。

N cup。

我人生咁大個仔都未見識過N cup，就連睇AV都未睇過，依家竟然有機會親眼見到。

Z大俠女朋友個心口，又一次好似氣球咁漲大。





嘩....佢嗰對嘢大到我都唔知點形容…

K cup係橄欖球咁大，N cup就好似…好似攝咗兩個大碼cushion喺心口咁…

佢件鬆身tee就嚟迫爆，兩粒釘飛曬出嚟。

好大！真係好大！

只係我完全唔覺得正，甚至仲覺得大到有啲核突，不過我唔鍾意唔緊要，最緊要Z大俠好鍾意。

佢鍾意到忍唔住即場大大揸落去，嘴角更不禁露出微笑，而佢女朋友亦都非常享受。