每消滅一隻怪獸，我條女對波就大一個cup！: 44

Z大俠抬高左手，手臂向前伸直，並五指分開。

隨即，離子炮從前臂彈出，槍口瞄準住眼前逼近嘅巨大身影，

「喂，你做咩行開咗？快啲繼續㩒住我頭頂嘅穴位，仲有幫我㩒埋條頸嘅廉泉穴！」Z大俠催促我。

於是我就抵受住對方強大嘅能量氣場，行過去一隻手用力㩒住佢頭上嘅百會穴，另一隻手就伸前佢㩒佢條頸嘅穴位。

「呢個位啱好好！你唔好郁，㩒實呢兩個位。」Z大俠同我講。





「Raugh！！！」

而同一時候，大猩猩呢隻狂暴嘅野獸，向住我地全速衝刺，就嚟殺到埋身。

我用力㩒實Z大俠身上兩個穴位，Z大俠就決定用埋最後嘅力氣，將分貝力推到最高，使出必殺一擊。

下一秒，大猩猩就在眼前，佢從大約十米外，飛身跳起，對住我地揮拳攻擊。

就喺呢個瞬間，Z大俠發出咆哮式嘅大嗌：





哼啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——

佢呢下咆哮叫聲可謂地動山搖，我咁近距離聽到，耳仔幾乎聾咁滯。

一股強烈無比嘅能量波動，就快速咁積聚喺離子炮嘅槍口前面。

積聚嘅能量散發極度高溫，雨水一滴落嚟，都會瞬間被蒸發。

「Raugh！！！」隻大猩猩嘅拳頭已經喺空中飛身出拳。





望住佢嘅拳頭仲差1cm就打中Z大俠嘅時候，離子炮BOOM一聲，發射出超級無敵MAX衝擊波！

！！！！！！！！！！！！！！！！！！！！！！！

喺射出嚟嗰下，強大嘅後座力令我同Z大俠一齊向後倒地。

因此，我淨係見到一下極度凌厲嘅光芒，令人雙眼刺痛。

出於自然反應，我雙眼忍唔住合埋咗，然後成個人背脊向下跌咗落地，仲俾Z大俠責住。

但就算我已經雙眼緊閉，衝擊波嗰道強光嘅殘影依然仲停留喺眼內。

我爭啲以為自己盲咗又聾咗。直至差唔多過咗成分鐘，聽覺同視覺先慢慢恢復正常。

擘大眼，隻大猩猩唔見咗。





「隻怪獸呢？」我問Z大俠。

「死咗。」

「連條屍都無埋？」

「唔單止佢條屍，連佢體內粒紫石都同佢一齊灰飛煙滅…最後就得個吉…咳咳…」Z大俠咳出鮮血。

「你...你無事呀嘛？」

「無事，呢啲不過只係刺激穴位過度嘅反效果。」

無論點都好，喺我同Z大俠合力之下，最後終於解決咗嗰隻兇殘嘅大猩猩。





戰鬥結束，呢刻我最關心嘅係梁sir。

我盡我最快嘅速度，跑過去礦石山，睇下梁sir嘅情況。

而晴天博士偵測到怪獸已經失去生命跡象，就連同一班升cup戰士嘅眷屬，以及大批救護人員入嚟石礦場。

我行到猶如廢墟一樣崩裂嘅礦石山，用手撥開一堆碎石，最後見到血肉模糊、奄奄一息咁梁sir攤喺地下。

我大嗌救命，希望救護員快啲過嚟幫梁sir做急救，問題係在場實在太多死傷者，班救護員根本搶救唔嚟。

跟住呢個時候，Yanny 同梁sir嘅未婚妻Judy行到我地身邊。

Judy第一眼睇見梁sir滿身鮮血，垂死咁瞓咗喺地下，佢一下子絕望到講唔到嘢，雙腳更無力咁跪咗喺地下，眼角流出一串又一串眼淚。

梁sir用盡最後嘅力氣，伸出雙手，撫摸Judy胸前嘅乳房：「頂…只係爭少少…我就揸到E奶…爭一個cup真係爭好遠…」





Judy已經泣不成聲，眼淚不斷滴落梁sir撫摸乳房嘅手上。

梁sir依依不捨咁揸住Judy對波，然後用失去光澤嘅眼神望咗我一眼，用埋最後一啖氣同我講：「朱仔記住…只要E奶以上先稱得上係巨乳...真男人就係要巨乳而戰…加油…」