每消滅一隻怪獸，我條女對波就大一個cup！: 58

本來大家都以為最後一隻怪獸係一隻大黑熊，殊不知結果出現咗一隻大蜈蚣。

晴天博士即刻翻查返實驗室record，check下邊度出錯。

結果佢發現自己之前睇漏咗，數少咗三隻怪獸。

「枉我仲開心得咁早，以為打敗曬啲怪獸，終於可以甩難，點知家下check返先知，原來我睇漏咗三隻怪物，即係話戰鬥仲結束，仲要繼續，唉~」

對於晴天博士嚟講，佢最想就係所有怪獸被消滅，然後功成身退。





但我地升cup戰士就相反，心諗最好多幾隻怪獸，多幾粒紫石。

「咁剩低嗰三隻係咩怪獸？」我問晴天博士。

對方望住iPad上面顯示嘅實驗室記錄答我：「一隻大黑熊、一條大蟒蛇、同埋一隻大豺狼。」

呢三種動物聽落都唔容易對付，不過有怪物就即係代表有紫石，咁Yanny對波就仲有機會變大。

我數一數手指，數下D之後嗰三個英文字母係咩。





D…EFG。

若然打敗曬三隻怪物，咁Yanny就可以變大到G cup。

而喺另一邊廂，Z大俠個女朋友依家嘅cup數係W，W跟住係X，X跟住係Y，Y跟住就係Z。

咁即係話，只要佢把握到剩低嘅三次機會，佢就能夠名正言順得到Z cup超級巨乳。

因此，當佢聽到晴天博士話仲剩三隻怪獸嘅時候，面上露出志在必得嘅表情。





事實係如果佢好似頭先咁，升cup戰衣嘅力量提升到彩虹形態，咁對佢嚟講，要攞齊剩低三粒紫石應該唔難。

只不過佢不停大嗌不停刺激穴位，日積月累都造成咗一定嘅內傷，唔知往後佢仲可唔可以保持到咁強嘅戰鬥力？

我同Yanny之前以為大黑熊係最後一隻怪獸，所以為咗喺最後一戰放手一搏，我地兩個加緊練習，不斷搵方法提升戰鬥力，兼且為咗保留體力，差唔多成有兩個禮拜我地都無搞過嘢。

身為一個鹹濕仔，日日見到女朋友對D cup奶喺面前樣嚟樣去，其實都真係幾難忍。

打完大蜈蚣，返到屋企，我成身攰瀨瀨，攤喺梳化度休息，Yanny就去咗沖涼。

本來我攤喺度，就快瞓著，但一見到Yanny沖完涼行出嚟，即刻精神為之一振。

佢身上著住件白色T-shirt，入面無戴bra，一對白滑嘅乳房同淺啡嘅lin頭若隱若現，加上啱啱沖完涼頭髮濕濕地，塊面紅紅地，望落非常誘人。

我即刻興奮到扯旗，好想擒上去揸佢個波，啜佢對奶，不過為咗往後嘅戰鬥，我決定暫時忍一忍。





第一我想保留體力，第二係我想透過禁慾，保持住對巨乳嘅強烈渴望，再將呢股渴望轉化成強大嘅動力。

其實唔單止係扑嘢，呢段時間我連飛機我都無打，淨係睇J圖。

性慾係男人最大嘅原動力同驅動力，所以我要利用體內呢股積壓嘅性慾，醞釀成巨大嘅爆發力，再用大嗌嘅方式宣洩出嚟。

啊啊啊啊啊啊啊啊啊啊啊啊——

性慾抑壓得越耐就會變得越強烈，當慾望越強烈，咁我就嗌得越大聲，嗌得越大聲，咁就代表我嘅慾望越強烈！

啊啊啊啊啊啊啊啊啊啊啊啊——

我要全世界都要聽到我朱大志追求巨乳嘅慾望！





啊啊啊啊啊啊啊啊啊啊啊啊——

基本上呢段期間，我每一日都喺度嗌，嗌得多，聲音嘅分貝漸漸有所提升。

感覺我嘅戰鬥力呢刻可以突破到4000%，與此同時，Yanny亦都有練習，所以佢都比以前進步咗。

然而過咗一個禮拜，剩低嘅三隻怪獸仲未出現。

之後再過個禮拜，怪獸都係未出現。

我同Yanny仲以為係變身手環壞咗，直至到過咗一個月，我地終於聽到怪獸出現嘅警報聲。

啲啲啲！啲啲啲！

倒數三隻怪獸，唔知今次出現嘅會係大黑熊定係大蟒蛇，抑或大豺狼？





我同Yanny蓄勢待發，滿懷戰意同期望出動作戰。

飛馳嘅電單車喺馬路上急速行走，用咗大約半個鐘，我地嚟到怪獸出現嘅地方：中環摩天輪。

一到埗，我地就嚇咗一跳。

因為我地見到嘅唔係黑熊唔係蟒蛇唔係豺狼，而係一隻狼頭熊身蛇尾嘅大怪物！