每消滅一隻怪獸，我條女對波就大一個cup！: 59

嘩…呢隻咩嚟架...？

「Awoooooooooh~~~」隻怪獸仰天發出狼聲嚎叫。

佢嘅身形龐大，身高同摩天輪一樣咁高。

晴天博士嚟到，見到呢隻狼頭熊身蛇尾嘅怪物都嚇咗一跳：「唔係呀嘛！嗰三隻怪獸竟然融合埋一齊？」

「你話佢地融合咗，咁即係話依家呢隻怪獸身上有三粒紫石？」我問對方。





「無錯，只要你地打敗呢隻怪獸，咁就可以得到三粒紫石！」

Awoooooooooh~~~

隻融合獸又發出一聲狼叫，之後佢擘大個口，露出鋒利無比嘅狼牙。

巨型嘅摩天輪喺佢面前變成咗一個玩具，隻嘢用牙咬實，再用力一扯，將成個摩天輪連根拔起。

跟住佢當個摩天輪好似飛盤咁，用手將佢直接飛落維多利亞港。





見到咁可怕嘅場面同咁恐怖嘅怪物，附近嘅市民同遊客個個嚇到大聲尖叫，雞飛狗走。

連晴天博士都拿拿臨搵個安全嘅地方匿埋，最後得返我地一班升cup戰士留喺度。

上次Z大俠以一敵眾，打到班反Z聯合軍一仆一碌，令到嗰班人直接退出戰鬥，唔敢再出現。

因此依家除咗我、Yanny、Z大俠同W女郎之外，在場就得六個升cup戰士，加埋只有十個人喺度戰鬥。

啊啊啊啊啊啊啊啊啊啊啊啊——





大家一變身就立即大嗌，喺一瞬間就進入作戰狀態。

而我禁慾禁咗超過一個月，依家對巨乳嘅渴望已經突破臨界點。

一諗到打敗呢隻怪獸可以得到三粒紫石，一諗到Yanny可以大三個cup變成G奶，一諗到佢對G奶夾住我條腸，呢一刻我忍唔住要爆啦！

啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！

慾望越強烈就嗌得越大聲，嗌得越大聲就代表慾望越強烈！

我要揸G奶啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！！！！！！！

「Max Power：3700%！」

「Max Power：3800%！」





「Max Power：3900%！」

「Max Power：4000%！」

一如所料，經過呢一個月嘅禁慾同練習，我聲音嘅分貝真係提升咗好多，戰鬥力終於突破到4000%。

我感覺到全身湧現一股前所未有嘅力量，身上嘅升cup戰衣閃爍住比之前更加耀眼嘅金色光芒。

我即刻雙手舉直伸前，啟動前臂嘅離子炮，然後瞄準隻融合獸，發射出光芒四射嘅衝擊波。

強大嘅能量波動構成一股強勁嘅後座力，喺射出衝擊波嗰下，我成個人向後褪咗幾步。

然而，面對住我嘅離子炮攻擊，隻融合獸只係伸出一隻巨型熊掌阻擋，跟住嗰兩道金色嘅衝擊波就好似氣泡咁，喺佢手掌度「啵」一聲爆開，完全無造成任何傷害。