每消滅一隻怪獸，我條女對波就大一個cup！: 60

我當堂嚇咗一跳，估唔到4000%嘅戰鬥力喺隻怪獸面前，居然係咁不堪一擊。

而Yanny為咗協助我一齊對付強敵，於是就發揮佢呢一個月練習嘅成果，大嗌提升戰鬥力。

呢段時間佢跟住我一齊操練，無論係體格定係聲量都有一定嘅進步。

最後喺佢全力大嗌之下，力量總算突破到3000%，順利變成黃金戰士。

呢一刻，我同佢嘅戰鬥力加埋有7000%，於是我地就用呢7000%嘅戰鬥力，向住敵人一齊猛烈開火。





𡁻𡁻𡁻𡁻𡁻𡁻𡁻𡁻𡁻𡁻𡁻——

我地每一下攻擊都精準擊中目標，只但係隻融合獸卻不痛不癢。

佢一副大黑熊嘅身軀，肌肉發達，骨骼強壯，就好似銅墻鐵壁，難以攻陷。

除咗有極高嘅防禦力，佢嘅攻擊力亦都非常可怕。

啱先我地見識到佢鋒利嘅狼牙，依家就見識埋佢條尾嘅威力。





事實上，佢條尾其實係一條大蟒蛇。

仲要係一條靈活敏捷嘅大蟒蛇。

有三個升cup戰士見正面攻擊無效，於是嘗試從後偷襲。

結果佢地一行近，就立即俾條融合獸背後條大蟒蛇緊緊纏住。

大蟒蛇嘅身體就好似一條又粗又長嘅鋼鐵繩索，佢用力咁箍實嗰三個升cup戰士，令佢地身上堅硬嘅裝甲碎裂，兼且完全抖唔到氣。





結果嗰三個升cup戰士連救命都嗌唔到，就一啖俾條大蟒蛇吞咗落肚。

呢一幕怪獸生吞嘅場面實在太得人驚，另外剩低嗰三個升cup戰士嚇到腳仔軟，頂唔順決定逃離現場，退出戰鬥。

因此依家喺戰場上面，就得返我、Yanny、Z大俠同W女郎四個人。

我地心入面都好清楚知道，眼前嘅敵人絕對係唔容易對付。

而Z大俠決定喺呢個時候盡地一煲，將戰鬥力再一次推到極限。

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——

W女郎幫佢㩒住穴位，Z大俠則聲嘶力竭，用盡全力咁吶喊大嗌。

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——





喺短短幾秒內，佢嘅戰鬥力急升！本來金色嘅戰鬥裝甲眨下眼變成黑色，身上嘅機械紋理同關節透亮出彩虹色嘅耀眼光芒。

除此之外，佢身上散發強烈而熾熱嘅氣場，將佢身邊空氣中嘅水分徹底蒸發。

睇得出，佢呢刻所展現出嚟嘅力量係非常震撼澎湃。

根據過往戰績，變成彩虹戰士之後，Z大俠基本上可以話係戰無不勝，就連嗰隻勁到無朋友嘅大猩猩都一下秒殺。

呢一次，Z大俠一出手就用返對付大猩猩同樣嘅攻擊，發射出所向披靡嘅超絕衝擊波。

但結果卻令人意外。

隻融合獸唔閃唔避，佢就好似啱先擋開我嗰招攻擊咁，只係伸出熊掌一擋，就輕鬆化解咗一招比我更強更犀利嘅攻擊。





Z大俠呢招衝擊波，除咗燒斷咗隻怪獸幾條毛之外，幾乎喺佢手上無留低任何傷痕。

我地戰鬥中嘅四個人都o曬嘴，完全難以置信。

大家都估唔到Z大俠一招咁勁嘅攻擊，只係對敵人造成不足1%嘅傷害。

如果話嗰隻殺人唔眨眼嘅大猩猩係S級嘅話，咁呢隻三位一體嘅融合獸，應該就係SS甚至係SSS級。