每消滅一隻怪獸，我條女對波就大一個cup！: 64

𡁻𡁻𡁻𡁻𡁻𡁻𡁻𡁻——

Yanny精準咁瞄準目標攻擊，怪獸嘅視線隨即轉移到Yanny身上。同時間，佢身後條大蟒蛇繼續用力收縮，越箍越大力。

Z大俠好似抖唔到氣咁，表情非常痛苦。

呢個時候嘅我已經靜靜雞行到敵人嘅盲眼位。

趁對方注意力分散，我一於就谷盡全身嘅肌肉，飛身跳起，出劍攻擊條大蟒蛇。





殊不知，隻融合獸嘅觸覺非常敏銳，佢喺一瞬間察覺到我，並且用極敏捷嘅速度，轉身一手將我捉住。

我就好似一支牙籤咁，俾佢用巨大嘅熊掌，緊緊握住。

我心諗今次大獲啦...

Yanny見到我落入敵人手中，嚇到呆咗，即刻對住怪獸猛烈開火：「你隻死怪獸，快啲放開我男朋友呀！」

不過隻怪獸卻無視Yanny嘅攻擊，當我係玩具咁左手交右手，右手又交返左手，一時用力握實，一時又放開手將我成個人拋高再接實。





我救唔到Z大俠不得止，仲要俾隻怪物玩弄喺股掌之中。

「你隻怪物聽唔聽到啊！我叫你快啲放開佢啊！啊啊啊啊啊啊啊啊啊啊啊啊啊啊啊啊啊啊——」

憤怒嘅Yanny戰鬥力急升，身上嘅黃金戰衣閃出耀眼嘅光芒，射出嘅離子炮衝擊波體積亦都越嚟越大，威力越嚟越猛。

BOOM！BOOM！BOOM！猛烈嘅離子炮不斷喺怪獸身上炸開。

雖然對佢嘅傷害唔大，但由於炮擊太密集，所以似乎就激嬲咗佢。





Awoooooooooh~

融合獸發出一聲狼叫，緊緊咁握實我，令我幾乎抖唔到氣，然後佢高高舉起隻手，毫不留情，一嘢狠狠咁將我揼落地下。

我成個人就好似鉛球咁，從半空中急速墜落到地陷嘅坑入面。

砰！！！！！

砰一下，好響嘅一聲！我背脊落地，全身猛烈咁撞爆咗埋喺地下嘅水管。

水管當堂爆裂，噴出水花。

我成身濕曬，身上嘅裝甲裂開曬，一陣撕心裂肺嘅劇痛更走遍全身，痛到幾乎我休克咁滯。

Yanny第一時間跳入個坑入面，睇下我有無事，仲想扶起我。





但係我同佢講：「唔好掂我…我...我斷咗…」

「下？你斷咗？」Yanny好緊張咁伸手摸一摸我嘅褲浪，「無呀，仲喺度，無斷到喎。」

「我係話…我隻腳斷咗…」我攤喺度，feel到我嘅左腳斷開咗，痛到黐肺。

Yanny從我嘅褲浪再望落少少，一睇見我隻腳嘅傷勢，就即刻忍唔住擰歪面。

從佢呢個表情，我就知自己應該傷得唔輕。

「呢隻仆街怪獸！真係豈有此理！」Yanny見到我傷到咁，嬲到全身震曬。

佢咬牙切齒，眼神充滿怒火，個樣嬲到好似想殺人咁。





我都係第一次見到佢露出咁憤怒嘅表情。

Yanny慢慢咁企返起身，雙手用力握緊拳頭，並用極度憎恨嘅眼神望住隻怪。

「夠膽郁我條仔！我同你死過！」

呢一刻嘅佢好似一隻被驚醒嘅獅子，怒不可言，發出驚人嘅咆哮：

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！！！！！！！！！！！！！！！！！！！！！！！！！

佢一嗌，身上嘅升cup戰衣就閃耀出刺眼嘅金光。

然而除咗金色嘅光芒之外，佢嘅心口仲透出一道紫色嘅光線。

接住下一秒，神奇嘅事發生！





佢嘅身體開始變高變大。

我講緊嘅唔淨係佢對波，而係佢成個人全身上下，突然變得好巨大。

我當堂嚇咗一跳，心諗唔係眼花下話？