《I miss U》: 10 返校

接下來數日，我都沒有上學，想想反正遲早也得退學。

這些天他們不斷傳訊息問我發生了什麼事，尤其是夏若真。

「喂！你又話冇嘢嘅，做咩唔返學，就嚟考試啦，快啲返學呀！」她說。

我沒有回覆她。

「喂！冬皓辰！你夠膽已讀我？再唔覆就絕交！」她隔了一會再問。





「我真係無事呀，純粹唔想返啫。」

「下禮拜一考試呀！」

「知道喇，等我考慮下。」

「你係咪唔想見到我呀！考試都唔返我就打你！」

「咁你打我啦～」





「咁你返學比我打！」

我們聊了一堆廢話。

「好啦咁，記得有乜嘢要幫手就同我哋講。」她說

「收到。」

和她聊天之後感覺好多了。





考試前一天又收到夏若真的訊息，她不停叫我回去。

考試日。

我在禮堂門外看著座位表，找著我的座位。

「係！」

「你係坐嗰個位。」

回頭看，是夏若真。

對，我還是回去了。

「早晨！請問同學係返嚟考試定返嚟比我打？」她説。





她依然很有活力，充滿能量。

「早晨，兩樣都係得唔得。」

「返嚟考試，咁有冇溫書吖？」

「冇。」我苦笑。

「喂！嬲呀！考完實打你。」她有些生氣。

「再講，你快啲去準備考試啦。」我說。

夏若真就坐在我右前方不遠處。





考試開始。

她很努力的在寫，不停寫。

整場考試，我有一半時間都在看著她的背影，另外一半時間在睡覺。

考試很快完了。

他們走過來。

「冬皓辰！你終於返學！」張莉走過來便説。

「冇嘢啦嗎？」政軒拍一拍我。

「無事啦。」





看見他們後，感覺終於不再那麼糟糕。

「無事就好啦！你終於歸隊，我哋等陣去買嘢啦！」張莉說。

「買嘢？」我問。

「係呀，老師安排咗我哋負責班房嘅聖誕佈置。」政軒說。

「啱啱先考完試，咁chur。」我說。

「係呀！要開始準備啦，快啲啦！」若真捉著我的手臂拉我起來。