【校園青春】為咗報復初戀，我搵咗個MK仔做水泡，最後仲懲治咗全校最受歡迎嘅男神: 第六十五章：斷捨離與新的戰場

喺醫院出來，天都已經黑哂了。

我將所有關於阿浚嘅錄音同截圖隱藏喺雲端上，然後默默咁熄咗部電話。

我唔將阿浚嘅罪證公諸於眾唔係因為原諒，而係因為不屑。
阿傑嘅傷令我清醒了。我為左報復一個渣男，差啲將自己變成為一個更可怕嘅怪物。如果我真係公開左嗰啲錄音，咁我同阿浚有咩分別？咁我哋咪都係利用人哋嘅弱點嚟滿足一己私慾。

阿浚呢種人，唔值得我賠上名聲，更唔值得我花費心力去毀滅。佢呢種性格，遲早會自食其果。而我，唔可以再爛喺呢啲泥沼裡了。

我向阿浚send左最後一個WhatsApp




「我唔會去開房，亦都唔會再見你。你嘅錄音同對話紀錄，唔係因為怕你，係因為我覺得你噁心。以後唔好再出現喺我面前。」然後，封鎖，刪除。

嗰一晚，我做左一個決定。我要退出呢場無聊嘅戀愛遊戲。什麼莊家，什麼閒家，通通都係輸家。我要回到屬於我嘅戰場 — 嗰個我曾經為左拍拖而荒廢嘅戰場。

第二日，我主動向學校申請退出數學拔尖班。

「Hiu Ching，你確定？」老師好驚訝咁望著我，「你個底其實唔差，只要肯追.....」
「我確定。」我堅定地講，「我想靠自己，由低讀起。」

我唔想再見到阿浚，唔想再聞到嗰浸虛偽嘅漂白水味。我要切斷所有同佢嘅聯繫，包括嗰個曾經讓我引以為傲嘅拔尖班座位。