【校園青春】為咗報復初戀，我搵咗個MK仔做水泡，最後仲懲治咗全校最受歡迎嘅男神: 第六十六章：圖書館的修煉與阿傑的告別

接下來嘅日子，我變成左學校裡嘅隱形人。

我將有1萬followers嘅IG暫時關閉，退出左所有八卦群組。每日放學，我唔再喺校門口徘徊，唔再期待偶遇，而係直奔圖書館。

我將以前用嚟化妝、襯衫、P圖嘅時間，全部用嚟背單詞、操 Past Paper。
起初好難。睇住果啲因為荒廢而變得陌生嘅數學公式，我有無數次想放棄。但每當呢個時候，我就會諗起阿傑瞓喺病床上個樣，諗起阿浚嗰句輕蔑嘅「玩下啫」。

憤怒係最好嘅燃料。羞恥心係最好嘅鞭策。
我要贏。但我唔再係為左贏得男人嘅目光，而係為左贏返我自己。





一個月之後，阿傑出院了。
佢約左我喺樓下嘅公園見面。仲係嗰個鞦韆，但我哋都冇坐上去。
佢瘦了很多，眼角嘅疤痕仲未完全消退，睇落滄桑左唔少。

「我要搬屋啦。」阿傑低住頭踢喺地下上嘅石仔，「屋企人話呢度風水唔好，同埋…我想離開呢區，重新開始。」
「去邊？」
「屯門。好遠。」他抬起頭，眼神複雜咁望著我，「Hiu Ching，其實我一直都知。」
「知咩？」
「知你從來都冇鍾意過我。」佢苦笑左一聲。
「你望我嘅眼神，同望阿浚嘅眼神，係完全唔同嘅。但我嗰陣時呃自己，以為過左段時間，你總有一日會愛上我。不過自問我都唔係一個好嘅男朋友，我忽略咗儀式感呢樣野。自己份人又死要面，有錢都淨係識同班兄弟瀟洒，唉～」




我沉默了。面對咁赤裸嘅真相，任何回答都顯得蒼白。
「嗯…」我唔知道可以講啲咩。
「唉～我真係失敗。」阿傑深吸左一啖氣，彷彿放低左千斤重擔，「其實我要多謝你。如果唔係因為你，我可能仲係嗰個渾渾噩噩嘅廢青。呢次入廠，我諗通咗好多嘢。我報咗毅進，想試下考救護員。」我驚訝地望住佢。嗰個曾經只係識打機、講江湖義氣嘅阿傑，眼裡竟然有了光。

「你要加油。」我是真心的。
「你都係。」阿傑伸出手，係我哋最後一次握手，「雖然我做唔成你嘅100分男朋友，但我希望你真係搵到屬於你嘅幸福。唔好再為咗報復邊個而委屈自己。」他轉身離開，背影依然瘦削，但唔再佝僂。

望住佢遠去，我心裡空落落咁，卻又無比踏實。我哋都長大了，代價係遍體鱗傷，但至少，我哋都在往前走。