儲物室的餘溫: 第二十六章　暴怒

第二十六章　暴怒

時間過咗一個星期，Chan Sir喺學校一直留意住阿凱嘅行蹤，仲跟咗佢幾次放學。而咁啱嗰幾次，阿凱都會買外賣，再拎去XX酒店。

佢望住阿凱走入𨋢嘅背影，拳頭已經硬晒：心裡暗暗咒罵：「死賤人，你咁夠薑喺學校食仔？！」雖然冇親眼見到，不過佢已經確信，Miss Yung同阿凱係有嘢。

再過多幾日，Chan Sir收到風，Miss Yung向學校遞咗辭職信，小欣都申請咗退學，只爭學校未批。佢即刻喺教員室入面暴怒大叫，全房嘅同事都被嚇親。不過，佢只係講咗句：「我有啲家事要處理，請半日假。」

之後，Chan Sir就怒氣沖沖，走出教員室，直闖電腦室。因為電腦室冇閂門，佢直接衝咗入去、閂門，扯住阿凱啲頭髮，向住佢腹部打咗幾拳：「死仆街！勾引我老婆？」





阿凱反應唔切，擋唔切，好快就被Chan Sir撳低咗喺地，拳拳到肉咁拳打腳錫：「呀——我D你呀！」

「D吖！我D你老母！」

Chan Sir不停打阿凱，阿凱捉住Chan Sir雙手，唯有用腳撐開佢。阿凱企咗起身，衝上前一拳打向Chan Sir腹部。兩個人瘋狂咁打起上嚟。

「我要殺L咗你！」Chan Sir將屋企人離家出走嘅原因，全部都歸咎於阿凱身上。如果唔係佢，Miss Yung就唔會帶埋小欣走。佢一個反手，就鎖住咗阿凱雙手，而另一隻手，向住阿凱塊面揮過去：「仆你個臭街！好大碌鳩咩你！」

「頂！」阿凱畀Chan Sir鎖住咗雙手，被佢撻咗落起，被佢擒住，完全甩唔到身，只能白白捱打。





「搞我老婆丫嗱！我要你以後仔都冇得生！」Chan Sir膝頭狂撞去阿凱下體：「搞吖！搞吖！」

「呀呀——」痛不欲生嘅阿凱，即刻全身冇力，冷汗都標埋。Chan Sir企埋起身，不停大力踢佢、踩佢，仲擸咗枱面上嘅notebook，打落去阿凱個頭度。

阿凱當堂暈低咗。

Chan Sir停咗手，去拎咗阿凱嘅袋，倒晒入面嘅嘢出嚟。然後再摷阿凱褲袋，拎咗佢銀包，終於搵到佢要搵嘅嘢：XX酒店房咭。

佢冷笑咗一下，憤怒已經完全矇閉咗理智。





佢打開旁邊嘅工具箱，用膠化痴住阿凱個嘴，仲捆紮住佢雙手同雙腳。

佢閂埋咗電腦室門，緊緊握住XX酒店房咭，離開學校。

「死八婆，我睇你走得去邊？」

//