儲物室的餘溫: 第二十八章　拯救

第二十八章　拯救

喺廁所入面嘅小欣，聽到虐打聲、呼叫聲，佢好驚，唔知點算。

呢個時候，阿凱喺電腦室醒返，發現手腳被綁，知道今次仆街了。佢用長枱嘅角位，好快就幫自己解開咗手上面嘅膠化，再鬆綁雙腳。離開學校要拍咭呢啲規矩，佢已經唔再理，狗衝出學校門口，直奔酒店。

小欣望住自己隻智能手錶，搵緊可以求救嘅電話。佢見到新加入聯絡人「程老師」，喺電話簿嘅最頂。佢打咗呢個電話，希望阿凱可以救到媽mi。

佢好細聲咁講嘢：「程老師⋯⋯你可唔可以嚟救媽mi呀⋯⋯」佢講得好細聲，好怕Chan Sir喺出面會聽到。





阿凱嚇到鼻哥窿都冇肉，好擔心Chan Sir會帶走咗Miss Yung：「你媽mi而家喺邊？」

「喺出面⋯⋯佢⋯⋯打緊媽mi⋯⋯你可唔可以快啲嚟？」

阿凱就快揸爛個電話，喺佢心裡面只有一個念頭，佢要殺咗Chan Sir。

佢同小欣保持通話，一直跑到酒店。跟住其他住客上𨋢，去到樓層：「小欣，你會唔會開到門畀我？唔好畀人發現。」

小欣靜靜咁打開廁所門，見到個門被防盜扣戟住，開唔到。





佢即刻返入廁所，拎咗小童櫈，啱啱好夠高解開防盜扣，再落地打開門，阿凱已經喺門口，佢叫小欣出去搵其他大人報警。

Chan Sir聽到開門聲，即刻衝出嚟。阿凱見到佢上衫有啲亂，條褲解開咗褲頭拉到落平個大脾，條又短又軟嘅JJ喺恤衫底突出嚟。

阿凱實在火遮眼，揸實拳頭直衝埋去。今次冇防備嘅係Chan Sir，阿凱幾腳就kick低Chan Sir，騎住佢嚟打。

「唔好打！呀！」Miss Yung激動咁大叫。

阿凱抬頭望一望，衣衫不整嘅Miss Yung拉住自己嘅衫遮住自己，床上一片凌亂，枕頭橫飛，被掉咗一半喺地。





但係阿凱冇停手，用力捏住Chan Sir條頸，極度忿怒向住佢大叫：「今日我唔打死你，我唔叫程俊凱！」

阿凱對手愈嚟愈用力，Chan Sir抖唔到氣。

Miss Yung一仆一碌咁走過去，無力咁拉住阿凱對手，跪坐咗喺佢側邊：「唔好⋯⋯阿凱⋯⋯」

阿凱聽到Miss Yung一邊喊一邊攬住佢對手，佢終於放開Chan Sir。

Chan Sir喺地下不停狂咳，呼吸好唔暢順。

阿凱清醒返攬住Miss Yung：「Sorry，我嚟遲咗⋯⋯」幫Miss Yung拉返好啲衫，見到佢赤裸嘅下半身，心好痛，攬得佢更實：「Sorry⋯⋯」

「唔好打交⋯⋯」Miss Yung喊住咁求阿凱：「好唔好⋯⋯？」

「好。Sorry⋯⋯」







//