是咁的，我同個 YouTuber 瘋狂做愛 | 《愛的紀錄》: 94

我們在那邊等了一會兒潮退，期間曉晴先開口再次道謝我昨天晚上的陪伴，因為每次父親出現的時候，她都會有點煩躁。

「所以有時候我都會想一個人喺出面，喺啲少人啲嘅地方靜靜咁休息。」曉晴望著藍天輕聲說。

「屋企太多聲音？」我問，大概能感覺到。

「係呀，」曉晴想到後說：「同埋你都知我細佬有時候都可以幾咁百厭。」

我聽到後和曉晴相視而笑，我頓時明白了，但也發現原來我已經差點忘記我們之間的聯繫是來自軒仔。





「我都唔會成日留喺屋企，不過我係因為⋯⋯」我想了想：「有時候覺得屋企太靜，好似會亂諗嘢。」

「都係嘅，一個人有時候都會諗好多。」曉晴在這裏會有同感，這是我意料之外。

曉晴，我們思索、掙扎與深陷的事情有相近的地方嗎？我很想知道這一切。

不過，還沒待我說出我的疑問，曉晴便已先開口：「你一個人住咗好耐？」

「都係呢一兩年。」說畢，我從曉晴好奇的眼神知道如果不續說下去的話，她會藏著更多的問題。





所以，我決定今天乾脆一次過說完。