萬金油與孺子牛（第二季）見山無底: 5
星期五下班，原本打算和一眾主管一起去醫生探望休息了兩星期、情況開始穩定的Donald，結果Flora來了。
「Michael～得唔得閒？」她雖然比我大10年，但皮膚真的很好，實際看上去跟3、40歲的女人差不多。今日穿着一點點低胸、蓋過膝頭多一點的高貴連身裙來找我。我的一班主管看到她，特別是男人那班，都目光發亮。
我主動走到Flora旁邊，面對著我的主管們說：「我黎介紹，博聯國際CEO Flora Yip。我諗…大家都識佢？」我向Flora介紹：「佢哋全部都係我地恆榮主管。CFO阿John、Paul爺、華哥、Water、Vincent、Jenny、Yanny、Johnson、Kenneth、Gary、Dennis、Henry、Vinci。」我故意留到最後再說：「Kerry。」
Flora和Kerry對望之間似乎有點銳利，Kerry那種眼神，是我從來未見過的。Kerry走到一班主管的前排、走到Flora跟前，－開口便說：「Flora姐你好，以前已經成日聽過你係李氏集團嗰邊嘅神話，聽講你走嘅時候李老闆仲特登搵Michael留人。」
「邊有咩神話～都係做嘢啫。」Flora回答得很大方。
Kerry又裝作不經意望向Flora的妝容：「Flora姐你唔單止謙虛，仲同傳說講嘅一樣，係不老美魔女，作為女仔真係好羨慕你～係呢，你呢隻唇色好靚，係咩牌子？咩色號架？」
聽到這句，我知道Kerry是故意說給我聽。Flora當然也不蠢，她應該猜到是她的唇膏跡遺留在我的衣領。
「呢隻係我之前喺意大利總店買，呢個色號只要係SVIP就買到。我平時好鍾意佢呢個牌子嘅唇膏。」她從自己的手袋中取出來讓Kerry看，大方得體、又語氣成熟地回應：「你有興趣嘅話，下次帶你去買？」聽到這句我的嘴角不禁上揚，目光欣賞地投向這個我挑選的CEO Flora。
「多謝Flora姐。不過唔使啦，Michael好似有SVIP。」好一個林泳昕，居然裝作無害的樣子望向我。Flora也望向我，好奇地問：「你買呢啲架咩？」連我自己也不知道我什麼時候有這個SVIP。
「呃…我買俾我阿媽㗎……」我略帶苦笑回應Flora。
「咁…年終奬金，你要唔要考慮送多幾支俾我？」好一個Flora，一個回應秒殺全場，將所有主管都震住了，屏住呼吸看好戲。
「你咁做到嘢，我隨時都可以送多幾支俾你～」我笑說。但我這句確實是真心的，她確實是一個能力很強、手段很強的女人，最重要是她經驗豐富、人脈更廣。
Vincent此時正好說：「Michael哥，我哋夠鐘去探Donald。」
「你去睇曾生？」Flora問。我主動邀請：「你唔介意嘅一齊？探完Donald之後我包咗場食fine dining，請埋你？」
「唔介意～但你個Fine dining會唔會唔夠人頭架？」
「放心，我有辦法。」他們看到我們的互動都紛紛倒抽一口氣，又望向沉默了的Kerry。
我真的完全沒有留意Kerry的表情和反應，或者可能是這段時間我不想再廢心思在猜度她的城府，或者是想這個夜晚安安樂樂與我的下屬和Flora吃頓飯。我寧願看着這個剛剛52歲、身形皮膚也保養得這麼好的美魔女Flora，這個又成熟、有氣場又優雅的Flora。
由於我們人太多，便分兩批入去。
「乞嗤……excuse me…」Flora今天的微低胸連身裙，固然在醫院會冷。我把自己的西裝外套披到她身上，她留戀地望向我，低聲問我一句：「Kerry望住？」老實說，我真的沒有留意。我左右張望，發現Kerry不在，但Vincent、華哥、Dennis、Kenneth和Yanny也在，他們望向我和Flora的眼光非常耐人尋味。
「Kerry呢？」我再望一次，發現她不在病房中，又不在我們這邊。
「廁所掛？佢冇講喎。」Yanny說：「我幫你搵吓佢？」「佢會唔會啱啱去咗洗手間啊？」Dennis開口。
「唔緊要，一陣先。我去販賣機望吓有咩飲。」我說完便走去窗邊方向。剛剛看見販賣機，便看見一個凝望着窗外的Kerry。
「Kerry你喺度啊？佢哋以為你去咗廁所。」我開口。
她有點驚訝望向我，但她似乎有點心事。
「Michael？係咪入得啦？」
「差唔多。」我隨便回答說：「咁你幾多一陣再過嚟？我返過去先。」
「孫家弘…」她欲言又止，與我對望著，但一直感覺她難以開口。
「你諗到再同我講。」轉身便走，沒有給她反口的機會。
我今日真的不想過渡揣測，Donald和TY、還有暫代公司行政總裁一事，已經讓我很忙。還要處理山傲文件、和博聯擁有地皮的事，我今日真的不想再跟她玩這個猜度遊戲。
「Michael哥！」到我們，我和Flora他們進去探Donald。看到他憔悴的樣子，我整個人和胸口總覺得有點不適。
「Flora，你都嚟咗？」「係呀Donald哥。你今日身體好啲嗎？」
「Donald你今日點啊？」我帶點憂心地坐在他身邊，Yanny他們在剝橙。
「都係咁啦～Michael，你同佢哋都有心啦。公司點啊？」
「嚟緊山傲會同我哋合作喺香港嘅第一個項目。同埋跟進返之前第三期嗰個規劃。」我又補充：「Uncle Hanson叫你要平復情緒。你前排又做過啲咩嚟，咁大起伏？你而家要快啲養好個身體，我同班細嘅等緊你架……」
「哈哈…」他還是很缺乏中氣，但比起兩個禮拜前已經好多了：「你成個阿爸咁！我唔嫌你長氣，佢哋都嫌你長氣啊！」
「咁你係我個仔嘅契爺嚟㗎嘛～」
「係喎，Kerry呢？」
「Donald，我係度。」Kerry正好進來，站到他另一邊床空位。
「忙唔忙啊最近？」Donald說：「忙還忙，你記得唔好chur死班細嘅。你知你㗎啦…」
Kerry的腔調似乎剛剛哭完有點沙啞：「嗯…我知啦。Donald，你都要好好保重。出院你要抱下皓熙…」
Donald似乎留意到Kerry的異樣，望向我：「你搞喊人呀？」
「冇呀。」我淡淡回應，又轉移話題：「你唔好擔心我哋咁多啦。你要擔心嘅話，快啲好返出院，過嚟公司大大聲咁鬧我。」
「哈～我幾時有鬧過你？」
「但係我想你鬧我…代表你有中氣。」
「收到啦～快啲帶佢哋去食嘢，唔好阻我瞓覺！」
「嗯…」他與我相望而笑。