萬金油與孺子牛（第二季）見山無底: 6
我們到中環高樓層吃fine dining，店舖雖小但裝修和景色都很美，之前Jerry曾經帶我來吃過，他認識這裏的老闆。
「孫生，頭先喺電話嗰度已經聽你講咗。你可以過嚟睇睇我哋啲食材，雖然同你d同事嘅menu唔一樣，但我哋整返份俾你，你睇吓啱唔啱食…」老闆親自邀請我去廚房，他們聽到這句紛紛有點驚訝，望向我。
「你諗住俾咗你嗰份俾我食呀？」Flora有點不好意思主動開口。
「唔好咁講，而家我嗰份係你哋之中最特別嘅喎～有錢都訂唔到㗎～」我輕鬆地幽默。Flora被我逗得害羞又欣賞地微笑：「孫家弘，你中央冷氣嗰朵咁響，係真係有原因～你真係好暖男。」
「你而家讚緊我定踩緊我呀，Flora姐？」
「讚美嚟嘅～意思話你係一個體貼嘅老細～」她輕撥瀏海，每個行為舉止都大方得體、成熟，又有女人魅。果然是大公司爭住搶的Flora Yip。
「Kerry姐你做咩坐角落頭啊？你唔坐Michael哥隔離？」Jenny和Yanny對著躲在角落的Kerry說。我只是輕輕望了一眼，因為老闆邀請我去廚房。
出來的時候，他們都坐好了。Flora坐在我身邊，另一邊是Vincent。他們都把目光放在Kerry和Flora身上，Johnson、Paul爺他們有用眼神暗示叫我和Kerry姐坐，只是我還是沒有做多餘的動作，坐在Flora身邊。
吃之前，我站到正中間，舉着清酒杯對大家說：「最近Donald入咗醫院，公司少咗人，辛苦大家。今日大家食好啲！同埋希望Donald快啲好返。咁大家唔使客氣～酒水隨便嗌，我嘅～」
「多謝Michael哥！」「多謝Michael哥！」「多謝Co爺！」……
「清酒啱唔啱？」
「唔該…」我斟了杯給Flora。
「你呢個恆榮大股東真係稱職～係你呢間中央冷氣房做嘢，一定好開心。」Flora舉杯與我乾杯。
「真係唔好意思，冇得俾你跟住我做嘢～」我笑笑說，回應她的乾杯，－口喝光酒。
「話唔定遲啲有呢？」她和我相望而笑。
「你個心唔好，今晚唔好飲咁多…」她壓低聲線，額外溫柔地關心我。我留意到我身邊的Vincent似乎偷望了一下，又裝作若無其事。
「如果我飲多咗，你送我返去囉～」我也壓低聲線對她說。
「你個Kerry坐得咁遠，佢聽唔到我哋講咩㗎喎…」Flora望向正在享受美食的Kerry，還有兩個似乎在講Flora壞話的「左右門神」Jenny和Yanny在Kerry身邊。
「佢聽唔聽到，我都係照咁同你講，冇咩分別…」我和她曖昧地對望着，她拓著腮留戀地望著我，呷了口酒。
「你呢個邊有我呢個和牛咁好食？…」Flora默默把我碟上的普通三文魚腩吃掉，把她的和牛給我。
「果然係美魔女～仲咁貼心。」我再次望向她。
「咩意思啊？嫌我老啊？」她烘近我。
「嫌你啲女人魅力太勁，搞到我移唔開視線…」我望向她，連喝了兩杯清酒。
「咁…我俾你望足一晚囉～」
「好啊……」我忽然感覺到我哋好兄弟在踩我的腳。
我忍住痛望向他，他的眼神非常不友善，又暗示要我望向Kerry。
我只是默默縮開腳，繼續吃，沒有去看。
「多謝Michael哥，我哋返去先啦…」「星期一見！」
酒過多巡，我也有點醉意，Vincent把我手繞在他肩，我們目送他們一個個離開，剩下Jenny、Yanny、Kerry、Vincent、Flora和我。
「得啦Vincent…我自己走，你哋返去先啦。」我轉身打算自己走。
「Michael哥，你唔諗住帶埋Kerry姐走咩？」我回頭看，Jenny和Yanny，還有Vincent也望向我。
「你哋幫我送佢返去。你哋走先啦，我有下場……」
「喂！得唔得呀你？…」我有點東歪西倒。Flora走過來扶住我，我也輕輕鬆開她，這刻我更想自己去海旁正正看着維港獨自再喝。
「孫家弘！你想去邊啊？」Vincent在我背後叫我，我回頭回應：「自己飲酒啊！」
「你小心啲…」只有Flora一直跟着我身邊，想扶我的時候都開始被我甩開。
結果Flora因為擔心我會醉在街頭，帶了我上恆榮一家酒店的頂樓酒吧。用我的員工證，先開一間空缺的海景房，她似乎比較怕我喝到她送不到我回家。
「你今日飲咗好多啦……」面對她這句，比上次更醉的我直接吻上她。
她很驚訝、又很害羞地與我近距離對望。
「你真係好醉啦……你好紅啊…」她用手背摸摸我臉頰，她的手很冰涼。
她拿走了我面前的威士忌，把她的水換了過來。她這個動作，讓我想起之前拿走我咖啡的林泳昕。她說：「你飲少少水好唔好？」她這種額外溫柔又有女人魅的語氣，讓我不想拒絕她，便喝了她的水。
「Michael…我知…你只係因為飲醉酒、因為林泳昕，但係…我入博聯……」她欲言又止。我再次吻上去。
昨夜我好像真的醉到斷了片，記得Flora但係我上房間，有段時間我應該抱着馬桶吐了，之後好像躺了上床……
我醒過一次因為宿醉頭痛喝了些水，之後再次醒來時，看見Flora睡在我旁邊。她很「完整」，有睡袍的。是我的上衣和皮帶被掛起了，褲頭和拉鍊也解開了。
她也醒了，素顏的她真的和化妝差不多，證明她皮膚是真的很好。
「Michael你點啊？…有冇好啲？…」為什麼…這個世界所有人對着我都可以有大片原因是因為真心，就只有林泳昕，像洋蒽一樣。
我第一次清醒之下主動再次烘近她，手擁到她腰間，低聲溫柔地問：「你明知我同Kerry嘅關係，點解…仲要對我咁好？…」
她憐惜地整理着我的頭髮，只是愛慕地望向我，正要開口，我再次吻向她……