萬金油與孺子牛（第二季）見山無底: 13
所以，我想到了。首先我把Rachel拉入局，然後Kerry向我撥水那件事，不小心令恆榮、博聯和山傲知道了她和Rachel似乎是真的「有點關係」，不是之前Rachel那種貌似「玩野」，而是真的著緊。這樣對Rachel當然沒利，所以Kerry這招，－定是表面保護恆榮、攻擊Rachel，實際在讓大家知道她是可以犧牲Rachel，撇清和Rachel的關係，令她安全……
她最愛的人，看來真的是Rachel！她可以不惜一切保護她！這樣就解釋到為什麼她和TY對弈要一直保護Rachel，林泳昕怕TY會看穿Rachel是她弱點，她要保護自己，保護Rachel，所以找我做「盾牌」。
她實在太聰明了！－炮多響：
第一，擋住TY不讓他把Kerry看穿，使用假的弱點就是最安全、最可控。
第二，保護她最愛的Rachel，讓她永遠在暗。
第三，如我之前的想法一樣，她可以借我壯大自己恆榮的權力勢力。如今更加可以「共享」我的江山，簡直是輕而易舉。
第四，利用我這個表面弱點，令Donald覺得她可以被掌控，她就可以安全地「上位」。
她一直在恆榮刻意打造自己「直率、高冷、不屑權鬥」的形象，也不過是掩飾自己的目標和野心。我只可以用「完美」二字來形容她整個計劃。難為我只是她的棋子，為他人作嫁衣裳……
「我贏咗啦…」
這天，Rachel來香港和我聊之前另一個合作，我帶她去吃之前Kerry家樓下的日本菜。除了因為真的好吃，因為方便我再了解她和Kerry真實關係，而且她醉了我也可以送她上Kerry家拿更多真實的籌碼，反正Kerry今日在她自己家。
「贏咩啊？」她問。我特意叫老闆換了大一些的杯喝清酒，她一喝完我又立刻又斟一杯。
「我哋之前嘅賭局，TY隻船。」我也喝光一杯，她也斟了一杯給我。
忽然她目光呆滯之後，又像是釋然地笑了，很堅定地說：「你錯啦，係我贏咗。」
「佢向我撥水係因為你。佢怕山傲同博聯會針對你同佢嘅謠言，所以佢攻擊Flora、攻擊地皮，係要用「會攻擊埋你」去保護你，令其他人唔再懷疑你同佢。我冇可能會分析錯～」我也很認真很堅定地，和她覆盤我的分析。
但她卻搖頭：「你個分析係好好，但你嘅前提係，林泳昕佢，無時無刻都係咁理性，Michael，你覺得合理咩？」
我皺了皺眉，我…還是在和TY說的「見山不是山」的層次嗎？
Rachel喝多杯，耳朵已經開始紅。她又斟給我：「Michael，你揀緊呢隻清酒真係幾好飲…好上癮…」
「飲多啲…」我又幫她斟滿一杯。
「所以…」她補充：「你有冇諗過，她今次，係好失控？」
我笑笑：「唔會。」
「我可唔可以知，點解你咁堅持你個分析，而唔係去feel下Kerry？」她似乎不明白。也正常，因為她不知道我和Kerry的事。
我把Kerry的佈局告訴Rachel，沒有隱瞞，因為我很想告訴她，我才是贏賭局的那個。雖然要承認Kerry做的所有東西是為了Rachel我真的很心痛，但只要我真的正確了，我的分析真的說對，那麼，我就有說服自己放棄Kerry的理由……
她聽完之後很冷靜，沒有驚訝，彷彿之前已經大概知道一樣。但她告訴了我一些我不知道的事。
「我其實係最近先至知，當年TY發現Kerry對我唔一樣，但我一直掛住同佢鬥、想贏佢，所以咩都睇唔到。TY做咗啲佈局Kerry用信托可以保護我，去交換今次恆榮呢塊地嘅第一步行動，即係Kerry拎呢塊地同Kelvin合作呢件事。其實TY只係同我講咗句，叫我諗下，咁多年來喺山傲，點解樣樣嘢都咁順風順水。」
她意思是，TY用信托擁有權，只讓Kerry幫他做一件事，就是拿地皮和Kelvin合作。所以Kerry對TY的佈局，也不一定知，才互相博弈。
她補充：「佢同咗你一齊之後，Michael，你問心，佢為你生bb、同你結婚、比信托使用權你，對我有咩好處、點保護我？」
「佢係想用我去掩飾你地嘅關係啫。信托…係佢覺得我容易掌控，利用我對佢嘅愛去打江山…」我打岔。
「孫家弘！你覺得我好想睇到你哋兩個一齊咩？知唔知我睇到林泳昕同你一齊嘅時候我個心有幾碎？…」她也打岔，而且是憤怒的打岔。
「咁你點解唔承認佢係鍾意你？佢搞咁多嘢都係因為要保護你。你明唔明，佢對住我佢會理性分析同計算。中意一個人，係唔會咁多小心同防守架！…」我也心碎地再打岔。
「咁點解你唔可以覺得，佢係用我嚟掩飾你地嘅關係，令TY以為我先係佢弱點？你就唔可以相信佢將信託交俾你，呢件事係代表佢愛你而唔係佢計算你？點解你唔可以諗吓，佢攻擊博聯就係因為佢覺得Flora搶走咗你？林泳昕係人，唔係機械人！你有冇真係感受過佢？…」Rachel激動得直接又干了一杯，斟多一杯，再干。她又憤怒地嘆了一口氣。她和我一樣，越憤怒越喝，越喝又越醉。
我也不輸她，連喝了兩杯，甚有醉意、激動地反駁她：「冇錯我冇你咁了解佢。佢將最真實嘅佢俾咗你，佢同你，佢會講佢心入面嘅想法。呂梓晴，你以為我咁樣同你講，我唔心痛咩？…」
她又喝了一杯，反駁我：「你講咁多嘢，你都係搵緊個理由放棄Kerry！同你個Flora雙宿雙棲啫！」
「關Flora咩事啊？」
「唔好扮嘢啦！五大集團，大越、山傲、恆榮、李氏、世界集團，都知你同Flora Yip啲野啦！李氏集團2800億嘅市值，第三把交椅、近半億年薪，佢唔做，走去五六百億嘅博榮做？話佢唔係為咗你嘅話，冇人會信架孫家弘！」她似乎和我一樣，酒精上腦比想像快，真的再喝下去，我知道我就可能回不了家。
「雙宿雙棲？…」我又喝了一杯，她睨向我，她又喝了一杯。我向她宣示不滿，整瓶清酒放上嘴喝，對她喊道：「係架！咁以後就可以冇人阻住你同林泳昕啦～我都唔使再做你兩個嘅盾牌！唔使再做佢隻棋…」
「黎…呂梓晴！…你跟我黎…」我已經開始很醉，所以我循環有意識便拉住她上去找Kerry。