萬金油與孺子牛（第二季）見山無底: 15
雖然昨日有我意料之外的事情發生，但我還記得一些資訊：TY找過Rachel，聊關於Kerry。
TY是一個可以看穿Kerry的人，他看見Kerry怕什麼、躲什麼。TY可以預知Kerry每一步的城府、每一步的棋局，而Kerry不斷佈局，就是為了躲避TY的看穿，因為她怕看見那個自己。她對Rachel時城府失效，可以因為喜歡，也可以因為她讓她看到真實的自己。所以讓她無法控制，對她來說是一件她自己認為危險的事，是她最怕、最令她城府啟動的源頭？那Kerry的逃避，就顯得更合理了。
那如果信托和地皮的交易的本質不單單是為TY取回自己失去東西的佈局呢？如果TY還是想Kerry不要再迴避真實的自己呢？那麼，之前那個「銀紙盾牌」，我就看得懂了。
Donald那句「小心TY」，不是因為TY是壞人，相反，是叫我小心在他面前，會變得赤裸。
但，在TY的佈局，我又可以如何配合，才能將所有方面最大化？要完成TY的局，我就要幫TY達到他的目的，要迫Kerry破防，對我們承認她為什麼要保護Rachel，迫她面對自己。
「Michael哥，你又話企喺我哋呢邊？你做咩要喺博聯董事會，釐清所有Flora Yip嘅個人誠信、專業操守、資產同決策嘅野？你將啲底牌揭開晒，咁我哋會少好多籌碼攻擊博聯架……你而家係咪真係同咗Flora Yip一齊啊？」
原本我以為是公司的High Table dinner，被CFO John哥欺騙了過去，才發現他們訂了上次那個有點高級奢華的複式聯誼房，所有主管就在場上，將我推倒在上次玩遊戲的椅子上，對我逼供。
值得一提的是，我在Water那一份資金流向發現，林泳昕居然在用神秘資金去填補攻擊Flora產生的開支。這份神秘資金和她的信託，有密切的關係。她此舉，是要消耗自己資源和我打持久戰。這個已經超出我的理解範圍，因為這已經是絕對損人而不利己，比起之前的情況更升級。是什麼原因……
我整理了一下自己的領呔，裝作對他們很緊張地說：「Vincent，我可以講我係百分百企喺你哋嗰邊。但係博聯CEO俾人攻擊係會影響公司形象同股價，我作為董事長，係必須要做出以公司利益為大前提嘅決定，如果唔係我會俾證監會調查架…」他們互相對望著，似乎在理解。
「你哋有冇諗過，攻擊Flora唔係唯一打博聯嘅辦法？我知你哋覺得，我偏幫Flora，覺得我背叛咗你哋。所以你地會聽Kerry嘅方法，打擊Flora，其實我明白你哋。但係，我的確有其他方法救到恆榮……」我認真對他們說。
Paul爺拿來了一些啤酒，他們你眼看着我眼，又望向坐在𥦬邊悠閒地喝茶、和我是一張大圓桌的對角距離的Kerry姐。
Kerry留意到他們在等待她的指示，主動走入我們的圈中、站在他們的前排，呷了口茶：「孫生，你而家係博聯大股東兼董事長，其實我難聽啲、直接啲同你講，我係諗唔到理由，你會揀企喺我哋呢一邊，放棄你博聯嘅優勢。你有對付嘅對策，我哋當然願意聽。但係對付Flora Yip呢件事，我地係唔會停！如果你今日講嘅嘢，係基於想我哋停止對付你最偏心嘅女人嘅話，咁你可以唔使講。」
她知道我知道她在逃避那個她，我知道她知道我的舉動是為了迫她破防。她選擇了繼續保持這個局，她在等待我先做自我面對，但同樣，我也在等待她先做自我面對。我和林泳昕，這個絕對是僵局！
「好。咁我哋今日唔好講Flora Yip。」我邀請他們就座，Kerry坐在我旁邊，－人一罐啤酒，我先飲為敬。我坦白又真心地繼續：「Kerry，你為公司、為大家嘅心，我睇到啦。我知道Kerry你辦事向來好有計劃好有效率，但係今次呢件事並唔係靠快靠效率就可以解決到，必須要顧全大局。其實我大可以企喺博聯果邊，直接落實收回地同全面收購，點解我今日仲要同你哋喺度慢慢傾？因為恆榮係Donald嘅心血。我做咗博聯大股東兼董事長之後，我亦都有權開啟全面收購，但我冇。你哋從來都唔係我下屬，你哋係我夥伴，我哋係戰友。」
我一口氣喝完大半罐啤酒，補充：「我既對策好簡單，但要睇Donald肯唔肯。第一步，我哋發行新股，稀釋博聯國際持有嘅恆榮股份，拖延收購。同時，Paul爺，你地去搵Ken少，用之前合作發展嘅名義加大資金，我地用資金回購股份，速度要比TY快。至於地皮，我會同嗰邊董事會傾讓出主導權，保留輔助權，解決賠償同埋法律問題。TY願唔願意，就唔敢保證。」
前者，我是在拖延時間，同時其實在消耗自己的資金，和林泳昕保持僵局，看誰先受不住、誰先破防。地皮的事，其實我很清楚這個只是權宜之計，因為TY未達到目的，這個局是不會破，他不會同意的。我只是在假裝會辦事，安撫他們的軍心。
對於我這段說話，林泳昕聽完之後，展露了一個不屑又不恥的無聲笑容。大概，她很清楚我在干什麼。其他人當然是雙眼發光，因為他們以為，我終於在幫他們反擊了。
他們開始放鬆地吃着和喝酒，由啤酒變成了shot。只有我和Kerry，隔空望著對方喝啤酒、隔空對視。
「咁所以呢，Michael哥！你同Kerry姐，唔係一齊嘅咩？…你哋…唔係有個仔咩？……」Johnson開始醉了，他這個資訊，刺激了知情人Vincent。
開始醉的Vincent，又開始語無倫次：「Michael！做兄弟嘅都唔幫你！…你有Kerry姐同個仔，你仲去溝Flora姐！…你真係……」
他們紛紛一副「準備看好戲」的樣子望向我和Kerry姐，特別留意Kerry的表情和反應。
「都話呢個Flora Yip道行高深㗎啦，搶走Michael哥，仲同董事會夾份攻擊我地恆榮！話唔定佢同TY係夾埋嘅！」
「Michael哥啊！呢個女人唔簡單架！有李氏集團唔做，走過去博聯，五大集團冇人睇唔到架～」
「係囉，Michael啊，我地反擊，其實係幫緊你打走小三。我哋恆榮，點可以咁容易俾一個外人入侵？」
他們一人一句，我和Kerry呷著啤酒，默默聆聽。
「Kerry姐啊，果個狐狸精踩到上心口啦！…」
「Kerry姐，我同Yanny撐你架！」Jenny和Yanny那種對我的不友善，是望向渣男的不友善。