萬金油與孺子牛（第二季）見山無底: 16
「Johnson哥，據聞你之前都係背住個老婆，出面有……」
Johnson立刻反駁：「喂！你講還講你燒埋落我度？Yanny之前夠同老李咩啦！Yanny姐，據聞你都係小三黎架……」
他們說着說着又講返之前保密協議的「黑材料」。
「Jenny夠周圍溝仔收兵啦！」
「喂！咁…Paul爺之前夠食下屬啦！唔關我事㗎…」
他們互相卸膊，又偷望Kerry姐的反應。
「你哋邊夠我哋Co爺勁？十年走咗十三個追唔到Co爺嘅女下屬，我差啲以為Co爺係gay架，結果轉個頭就溝咗我地全公司最cool嘅Kerry姐，泵大埋Kerry姐個肚！個仔一出世，連五大集團最欣賞嘅美魔女Flora Yip都食埋！孫家弘！你絕對係我偶像！…」Johnson面紅耳赤，站起來胡亂說話。說起Flora，Kerry握緊了啤酒罐，－個眼神，華哥立刻把他拉下坐下，害怕地道：「Kerry姐佢冇心架！Johnson飲大咗…飲大咗……」
「華哥你都飲多杯放鬆啲啦！我地Kerry姐先冇咁小氣～我真係好同意！Michael哥！唔係…Co爺，你真係唔使叫我Paul爺～我喺恆榮做咗咁多年，除咗Donald，我最服係你！…我敬你！…」Paul爺也醉了，主動站起敬我，－口把剩下的幾口威士忌喝光。華哥又害怕地拉住他：「Paul哥你差唔多啦……」華哥怕的，是Kerry姐。因為Kerry目前真的冷靜得很不尋常，他是怕這是暴風雨前的平靜夜。他作為Kerry山頭的老臣，有什麼事一定首當其衝，例如之前恆榮的系統事件。
「Michael哥，你同Kerry姐……」華哥他們望向我們，Vincent補一句：「兄弟你唔係真係搞咗Flora Yip吖嘛？」
我直接望向Kerry，每次聽到Flora這個名字，喝酒的動作就會不自覺停滯了一下，不像是計劃過。而且Vincent那句之後，她有一個很奇怪的表情，是那次她望向Flora的表情。她…到底是在演？還是真的緊張我？
「你哋對Flora姐咁有興趣，我約佢出嚟同你地食多餐，你哋自己問佢啦～」我笑笑。忽然Kerry的酒倒瀉了，罐滾到我這邊。
她站起來看著流在桌上和地上的酒精，居然在發呆。
我和她旁邊的Jenny拿來紙巾，Jenny抹桌子，又關心Kerry：「Kerry姐你冇野吖嘛？做咩呆咗啊？Kerry姐？」
我走近她，主動用紙巾溫柔地擦她的衣服上的酒漬。她忽然回過神望向我，感覺她眼神有點空洞、又有點驚訝。
「你條裙濕晒都唔攞紙巾？」我把新紙巾放在她手中，繼續幫這個呆着不動的Kerry拭裙。
「Michael哥～你緊張Kerry姐咪講囉～～」
「Wooo~~……」
我沒有理會他們「吃花生」的呼叫聲。此刻，我心裏只是在想，Johnson那句「我搞大了Kerry的肚，卻又去找Flora」。就算Kerry要保護的人不是我，但這個是事實，我拋下了她和兒子在家去找Flora。我…可能比Kerry更不負責任。
Kerry只是一直望著幫她拭了一會，再去拋垃圾的我，依然保持沉默。
「Kerry姐你係咪唔舒服啊？你個樣咁嘅…」「系咪太大風啊個位？我上次坐果度，風口位黎。」Kerry目光一直在桌上那個空罐上，忽然又回過神：「冇事，飲咗少少酒所以有啲眼瞓啫…」可能是，也可能不是。我認識的Kerry，不會不停走神的，特別是這種場合。
Vincent給了我一個奇怪的眼神，雖然他醉，但他卻有點憤怒對我直接點出：「其實孫家弘…你係點做中央冷氣架？女人嘅心思，你唔明架？你…扮直男、特登不負責任，定係你一直喺度扮緊暖男啊？你真係……」
他們其他人一臉佩服望向這個直接罵我的Vincent，有部份人的嘴角在上揚。
難道Kerry又在利用這種「裝弱者」來博他們站在她那邊，－方面可以繼續她的打擊計劃，另一方面又可以聯同他們一起架空我？那就可以解釋，她的失神了。
我不恥地睨了這個裝失神、裝弱者的Kerry。林泳昕，高招啊，現在我就是個偏心Flora的渣男，恆榮的大權和決策權就掌握在她手。枉我還心軟了一刻，林泳昕，你這個職場綠茶，是你迫我的。
「其實有件事，你哋遲早都會知道。不如我趁而家人齊，同大家宣佈…」我主動拉起Kerry的手十指緊扣，裝作一臉深情望向Kerry一會，之後在所有人一臉震憾的目光和表情之下，深情地宣告：「黎緊我同林泳昕準備結婚。遲啲你哋都會收到帖。」
「Michael哥你肯公開拿？」「太好啦～唔使再估估下！Michael哥Kerry姐恭喜曬喎！」「不得了啊，Co爺居然同我地公開！不得了不得了……」「證明我哋Co爺信我地啦！拿Co爺！我祝你同Kerry姐白頭到老永結同心！」……
Kerry望向我的眼神很複雜，既空洞亦似乎很痛苦，但沒有拆穿我。她應該很清楚，我在以其人之道還治其人之身。她當初用了什麼方法利用我，我只是用她的方法「還給她」。她既然不拆穿，就印證她是想「贖罪」，亦證實了我所有推測都是正確的，尤其是她借我來保護Rachel和她自己這件事。
我們所有人都越喝越高興，又玩了很多上次沒一起玩的遊戲。因為她的「不拆局」，我喝多了，只是，Kerry居然也喝得很醉，比我更醉。我從來沒見過她在人前喝得那麼醉。
「Kerry姐你點呀？Kerry姐…」
我上個洗手間回來，一開始喝得比較醉的Vincent 和Paul爺已經開始清醒，反而是我和其他人開始醉。我看見Kerry伏在桌上，旁邊喝得有點醉的Jenny不停推著Kerry叫她。比較清醒的Johnson、Vincent和Paul爺的面上出現了前所未有的震驚，紛紛走到Kerry旁邊看。
「我識咗Kerry咁耐，佢從來冇喺我哋面前飲到咁醉……」Paul爺的震𪄴，忽然變成擔心，望向我：「Michael，你快啲睇吓佢有冇事……」
因為Paul爺很緊張很大聲，其他主管都半醉半醒地看着這個奇觀。